ભારતનો ડંકો: રોકાણ માટે ગ્લોબલ CEOsની બીજી પસંદ બન્યું ભારત, ચીન અને જર્મની રહી ગયા પાછળ

India Investment Destination: ભારતીય અર્થતંત્ર માટે એક ખૂબ જ મોટા અને સારા સમાચાર સામે આવ્યા છે. વિશ્વભરના મોટા ઉદ્યોગપતિઓ અને કંપનીના CEOs હવે ચીન કે યુરોપના દેશોને બદલે ભારતમાં રોકાણ કરવાને વધુ પ્રાધાન્ય આપી રહ્યા છે. એક તાજા સર્વે મુજબ, રોકાણ માટેના મનપસંદ સ્થળોની યાદીમાં ભારત બીજા ક્રમે પહોંચી ગયું છે. આ યાદીમાં અમેરિકા પ્રથમ નંબરે છે, જ્યારે જર્મની ત્રીજા અને ચીન પાંચમા ક્રમે ધકેલાઈ ગયું છે.

PwC સર્વેના ચોંકાવનારા આંકડા

પ્રખ્યાત સંસ્થા PwC (પીડબલ્યુસી) દ્વારા હાથ ધરવામાં આવેલા સર્વેમાં આ માહિતી બહાર આવી છે. સર્વેના આંકડા દર્શાવે છે કે દુનિયાનો ભરોસો ભારત પર વધી રહ્યો છે. વર્ષ 2026 સુધીમાં, લગભગ 13% ગ્લોબલ CEOs રોકાણ માટે ભારતને પસંદ કરશે. આ આંકડો 2025માં 7% હતો, જે હવે વધીને લગભગ બમણો થવા જઈ રહ્યો છે. જોકે, અમેરિકા હજુ પણ 35% CEOs ની પહેલી પસંદગી બનીને ટોચ પર છે.

સરકારી યોજનાઓ અને સુધારાઓનો ફાયદો

ભારતીય CEOs નો આત્મવિશ્વાસ સાતમા આસમાને

એક તરફ દુનિયાના દેશો મંદીના ભયમાં છે, ત્યારે ભારતીય કંપનીઓના માલિકો ખૂબ જ પોઝિટિવ છે, ભારતના 77% CEOs માને છે કે તેમના લોકલ માર્કેટમાં સારો વિકાસ થશે, જ્યારે દુનિયાભરમાં આ આંકડો માત્ર 55% છે. 57% ભારતીય CEOs ને વિશ્વાસ છે કે ભવિષ્યમાં તેમની કંપનીની કમાણી વધશે, જે વૈશ્વિક સરેરાશ કરતા બમણો આત્મવિશ્વાસ દર્શાવે છે.

ટેરિફ અને સાયબર સુરક્ષાની ચિંતા

અમેરિકન સરકારે તાજેતરમાં ભારતીય સામાન પર 50% વધારાનો ટેરિફ લગાવ્યો છે, છતાં ભારતીય ઉદ્યોગો ગભરાયા નથી. ફક્ત 11% CEOs જ માને છે કે આ ટેરિફ તેમના ધંધા માટે જોખમી છે. રાહતની વાત એ છે કે ફાર્માસ્યુટિકલ્સ અને ઇલેક્ટ્રોનિક્સ જેવી 40% ભારતીય નિકાસને આ ટેરિફમાંથી મુક્તિ મળી છે. જોકે, કાપડ અને લેધર ઉદ્યોગ પર તેની થોડી નકારાત્મક અસર પડી શકે છે.

બીજી તરફ, જોખમોની વાત કરીએ તો 30% CEOs આર્થિક અસ્થિરતાને સૌથી મોટો ખતરો માને છે, જ્યારે 23% લોકોએ સાયબર સુરક્ષાને મોટું જોખમ ગણાવ્યું છે.

AI અને નોકરીઓ પર સંકટ

ટેકનોલોજીના જમાનામાં એક ચિંતાજનક બાબત પણ સામે આવી છે. ભારતના 54% અને દુનિયાના 49% CEOs માને છે કે આવનારા ત્રણ વર્ષમાં AI (આર્ટિફિશિયલ ઇન્ટેલિજન્સ)ને કારણે જુનિયર-લેવલની નોકરીઓમાં ઘટાડો થઈ શકે છે. કંપનીઓ હવે નવા ક્ષેત્રોમાં પ્રવેશી રહી છે, જેમાં 57% CEOs એ સ્વીકાર્યું છે કે તેમણે છેલ્લા 5 વર્ષમાં કોઈ ને કોઈ નવા બિઝનેસમાં ઝંપલાવ્યું છે.

ટૂંકમાં કહીએ તો, ભારત હવે વિશ્વના નકશા પર એક મજબૂત આર્થિક શક્તિ તરીકે ઉભરી રહ્યું છે અને દુનિયાભરના રોકાણકારોનો ભારત પરનો ભરોસો દિન-પ્રતિદિન વધી રહ્યો છે.

આ પણ વાંચો- Health Ministry Alert: સાવધાન! દેશમાં વેચાતી 167 દવાઓના સેમ્પલ ફેલ, સ્વાસ્થ્ય મંત્રાલયે જાહેર કર્યું ગંભીર એલર્ટ