ભારતની ટેક છલાંગ: બેંગલોરમાં ARMની નવી ઓફિસ, 2 નેનોમીટર ચિપ્સનું ડિઝાઇન અને પ્રોડક્શન

Bharat Semiconductor: બેંગલોર, ભારતનું ટેક હબ, ફરી એકવાર ચર્ચામાં છે. બ્રિટિશ સેમિકન્ડક્ટર જાયન્ટ ARMએ બેંગલોરમાં પોતાની નવી ઓફિસ શરૂ કર્યું છે, જે ભારતના સેમિકન્ડક્ટર સેક્ટર માટે એક મોટી સફળતા છે. આ ઓફિસમાં 2 નેનોમીટર ચિપ્સનું ડિઝાઇન અને પ્રોડક્શન થશે, જેનો ઉપયોગ એઆઈ સર્વર, ડ્રોન અને મોબાઇલ ફોન જેવા અદ્યતન ઉપકરણોમાં થશે. કેન્દ્રીય મંત્રી અશ્વિની વૈષ્ણવે આ ઓફિસનું ઉદ્ઘાટન કર્યું અને તેને ભારતની ટેક યાત્રામાં મહત્વનું પગલું ગણાવ્યું.

ભારતનું ટેલેન્ટ વૈશ્વિક સ્તરે ચમકે છે

મંત્રી અશ્વિની વૈષ્ણવે જણાવ્યું કે ભારતનું સેમિકન્ડક્ટર મિશન ટેલેન્ટને પ્રોત્સાહન આપવા પર કેન્દ્રિત છે. તેમણે કહ્યું, “ભારતમાં ટેલેન્ટની કોઈ કમી નથી. આજે વૈશ્વિક ડિઝાઇન કંપનીઓ ભારત તરફ આકર્ષાઈ રહી છે.” તેમણે ઉમેર્યું કે ભારત માત્ર ચિપ્સ જ નહીં, પરંતુ તેના પ્રોડક્શન માટે જરૂરી ઉપકરણો અને સામગ્રીનું પણ ડિઝાઇન અને પ્રોડક્શન કરવા માગે છે. આગામી 20 વર્ષના વિઝન સાથે, ભારતના યુવા ઇજનેરોને વૈશ્વિક સ્તરે શ્રેષ્ઠ તકો મળશે.

ઇલેક્ટ્રોનિક્સ સેક્ટરની ઉજ્જવળ સફર

સેમિકન્ડક્ટર મિશનનો પ્રથમ તબક્કો પૂર્ણ

મંત્રીએ જણાવ્યું કે દેશના 278 સંસ્થાનો અને યુનિવર્સિટીઓ હાલ સેમિકન્ડક્ટર ડિઝાઇન અને ઇનોવેશન પર કામ કરી રહ્યા છે. આમાંથી 25 સંસ્થાનોના વિદ્યાર્થીઓએ ડિઝાઇન કરેલી 28 ચિપ્સ તૈયાર થઈ ચૂકી છે. ભારતે સેમિકન્ડક્ટર મિશનનો પ્રથમ તબક્કો સફળતાપૂર્વક પૂર્ણ કર્યો છે અને હવે બીજા તબક્કાની શરૂઆત થઈ રહી છે, જેમાં ચિપ્સના પ્રોડક્શન માટે જરૂરી ઉપકરણો અને સામગ્રી પર ધ્યાન કેન્દ્રિત કરવામાં આવશે.

આ પગલું ભારતને ટેકનોલોજી અને ઇનોવેશનનું ગ્લોબલ હબ બનાવવાની દિશામાં એક મહત્વનું પગલું છે. ARMનું બેંગલોરમાં નવું ઓફિસ અને 2 નેનોમીટર ચિપ્સનું પ્રોડક્શન ભારતની આ યાત્રાને વધુ મજબૂત બનાવશે.

આ પણ વાંચો- વિશ્વના તેલ-ગેસ ભંડારોમાં ઝડપી ઘટાડો: IEAની ચેતવણીથી ભારત જેવા દેશોમાં ઊર્જા કટોકટીનો ખતરો વધ્યો