ISRO Bluebird Block-2 Mission: ભારતીય અવકાશ સંશોધન સંસ્થા (ISRO) ફરી એકવાર અવકાશ ક્ષેત્રે એક નવો ઇતિહાસ રચવા માટે સજ્જ છે. ટેકનોલોજીની દુનિયામાં ક્રાંતિ લાવવાના ઉદ્દેશ્ય સાથે, ઈસરો 24 ડિસેમ્બર 2025ના રોજ બહુપ્રતિક્ષિત ‘બ્લુબર્ડ બ્લોક-2’ મિશન લોન્ચ કરવા જઈ રહ્યું છે. આ મિશન આંધ્રપ્રદેશના શ્રીહરિકોટા સ્થિત સતીશ ધવન સ્પેસ સેન્ટર પરથી લોન્ચ કરવામાં આવશે. આ મિશનનો મુખ્ય હેતુ અમેરિકાની AST સ્પેસમોબાઈલ કંપનીના ઉપગ્રહને લો અર્થ ઓર્બિટ (LEO)માં સ્થાપિત કરવાનો છે. આ મિશન સફળ થતાં જ મોબાઈલ અને ઈન્ટરનેટની દુનિયામાં એક મોટું પરિવર્તન આવશે, કારણ કે હવે સ્માર્ટફોન યૂઝર્સ મોબાઈલ ટાવર પર નિર્ભર રહ્યા વગર સીધા અવકાશમાંથી જ હાઈ-સ્પીડ ઈન્ટરનેટ કનેક્ટિવિટી મેળવી શકશે.
ISRO Bluebird Block-2 Mission: હવે મોબાઈલ ટાવરનું ટેન્શન ખતમ! ઈસરો લોન્ચ કરશે ‘બ્લુબર્ડ બ્લોક-2’ મિશન, સ્પેસથી સીધું મળશે ઈન્ટરનેટ
ISRO Bluebird Block-2 Mission: ઈસરો 24 ડિસેમ્બર 2025ના રોજ LVM3-M6 રોકેટ દ્વારા બ્લુબર્ડ બ્લોક-2 મિશન લોન્ચ કરશે. હવે સ્માર્ટફોનમાં ટાવર વગર સીધું સ્પેસથી ઈન્ટરનેટ મળશે. જાણો આ ઐતિહાસિક મિશન અને લાઈવ સ્ટ્રીમિંગની સંપૂર્ણ વિગત.
અપડેટેડ 02:39:29 PM Dec 23, 2025 પર
ISRO Bluebird Block-2 Mission: ઈસરો 24 ડિસેમ્બર 2025ના રોજ LVM3-M6 રોકેટ દ્વારા બ્લુબર્ડ બ્લોક-2 મિશન લોન્ચ કરશે.
‘બાહુબલી’ દ્વારા લોન્ચ થશે સેટેલાઇટ
આ મહત્વકાંક્ષી મિશન માટે ઈસરો તેના સૌથી શક્તિશાળી રોકેટ LVM3-M6નો ઉપયોગ કરશે. આ રોકેટ ભારતનું ‘બાહુબલી’ ગણાય છે અને તે હેવી-લિફ્ટ લોન્ચ સિસ્ટમ ધરાવે છે. LVM3-M6 રોકેટની રચનામાં મુખ્ય 3 તબક્કાઓનો સમાવેશ થાય છે: જેમાં 2 સોલિડ સ્ટ્રેપ-ઓન બૂસ્ટર (S200), 1 લિક્વિડ-ફ્યુઅલ કોર સ્ટેજ (L110) અને 1 ક્રાયોજેનિક અપર સ્ટેજ (C25) છે. આ વિશાળકાય રોકેટની ઊંચાઈ 43.5 મીટર છે અને તેનું વજન આશરે 640 ટન જેટલું છે. તેની તાકાતનો અંદાજ એ વાત પરથી લગાવી શકાય છે કે તે 4200 કિલોગ્રામ સુધીના પેલોડને જીઓસિંક્રોનસ ટ્રાન્સફર ઓર્બિટ અથવા LEO સુધી લઈ જવાની ક્ષમતા ધરાવે છે. અગાઉ પણ આ રોકેટે ચંદ્રયાન-2, ચંદ્રયાન-3 અને વનવેબ જેવા મોટા મિશનને સફળતાપૂર્વક પાર પાડ્યા છે.
બ્લુબર્ડ બ્લોક-2 સેટેલાઈટની ખાસિયત
બ્લુબર્ડ બ્લોક-2 સેટેલાઈટની ખાસિયત એ છે કે તે અત્યાર સુધીનો LEOમાં લોન્ચ થનારો સૌથી મોટો કોમર્શિયલ કોમ્યુનિકેશન સેટેલાઈટ છે. આ ટેકનોલોજીની મદદથી સામાન્ય મોબાઈલ સ્માર્ટફોન પર કોઈપણ વધારાના ઉપકરણ વગર સીધી સ્પેસ-આધારિત બ્રોડબેન્ડ સેવાઓ મળી રહેશે. એટલે કે, તમે દુનિયાના કોઈપણ ખૂણે હોવ, ટાવરની સમસ્યા હવે ભૂતકાળ બની જશે. આ લોન્ચ ભારત માટે વાણિજ્યિક દ્રષ્ટિએ પણ ખૂબ મહત્વનું છે, કારણ કે આ LVM3-M6ની 6ઠ્ઠી ઓપરેશનલ ફ્લાઈટ હશે જે વૈશ્વિક સ્તરે ભારતની અવકાશ ક્ષમતાઓને સાબિત કરશે.
આ ઐતિહાસિક ક્ષણના સાક્ષી બનવા માટે દેશવાસીઓ આતુર છે. બ્લુબર્ડ બ્લોક-2 મિશનનું લોન્ચિંગ 24 ડિસેમ્બરે સવારે 8:54 વાગ્યે નિર્ધારિત કરવામાં આવ્યું છે. જે લોકો આ ક્ષણને લાઈવ નિહાળવા માંગે છે તેઓ ઓનલાઈન પ્લેટફોર્મ પર તેનું લાઈવ સ્ટ્રીમિંગ જોઈ શકશે. આ મિશન માત્ર ઈસરોની ટેકનોલોજીકલ સિદ્ધિ જ નથી, પરંતુ ભવિષ્યમાં સ્માર્ટફોન કનેક્ટિવિટી અને ડિજિટલ ઈન્ડિયાના સપનાને નવી ઊંચાઈઓ પર લઈ જનારું સીમાચિહ્ન સાબિત થશે.
MoneyControl News
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.
