બર્લિનમાં પીયૂષ ગોયલે યુરોપિયન દેશોને બરાબરના સંભળાવ્યા: કાર્બન ટેક્સ પર આંકડા આપીને બોલતી બંધ કરી દીધી

Piyush Goyal speech: કેન્દ્રીય વાણિજ્ય અને ઉદ્યોગ મંત્રી પીયૂષ ગોયલે યુરોપિયન યુનિયનની કાર્બન ટેક્સ નીતિઓ પર આકરા પ્રહારો કર્યા છે. બર્લિન ગ્લોબલ ડાયલોગમાં બોલતા તેમણે યુરોપિયન દેશોને સ્પષ્ટ શબ્દોમાં સંભળાવી દીધું કે સ્ટીલ અને અન્ય ઉત્પાદનો પર કાર્બન ટેક્સ લગાવીને યુરોપ પોતાના જ પગ પર કુહાડી મારી રહ્યું છે.

યુરોપ પોતાના જ દેશોમાં મોંઘવારી વધારશે

ગોયલે જણાવ્યું કે યુરોપિયન યુનિયન કાર્બન બોર્ડર એડજસ્ટમેન્ટ મિકેનિઝમ (CBAM) હેઠળ આયાત થતા સ્ટીલ પર 50% જેટલો ભારે ટેક્સ લગાવી રહ્યું છે. આનાથી યુરોપને જ નુકસાન થશે. જ્યારે યુરોપમાં નવા એરપોર્ટ, બંદર, હાઈવે કે પાણીની પાઈપલાઈન બનશે, ત્યારે તેમાં વપરાતું સ્ટીલ, સિમેન્ટ અને એલ્યુમિનિયમ ખૂબ મોંઘુ પડશે. આ બિનજરૂરી નિયમોને કારણે યુરોપમાં જીવનનિર્વાહનો ખર્ચ અને મોંઘવારી વધશે.

75 થી 77 નવા નિયમો અને વળતા પ્રહારની ચેતવણી

આંકડાઓ આપીને યુરોપનો અરીસો બતાવ્યો

પર્યાવરણ અને કાર્બન ઉત્સર્જનના મુદ્દે ગોયલે પશ્ચિમી દેશોને તેમનો અસલી ચહેરો બતાવ્યો. તેમણે સવાલ કર્યો કે, "આખી દુનિયાના પર્યાવરણને નુકસાન કોણે પહોંચાડ્યું? ઓઝોન લેયરમાં ગાબડાં કોણે પાડ્યા?" ગોયલે આંકડા આપતા કહ્યું કે, દુનિયાની 17% વસ્તી ભારતમાં રહે છે, છતાં વૈશ્વિક કાર્બન ઉત્સર્જનમાં ભારતનો હિસ્સો માત્ર 3 થી 3.5% છે. બીજી તરફ, યુરોપની વસ્તી દુનિયાની માત્ર 3 થી 4% છે, પણ તેમનું કાર્બન ઉત્સર્જન ઘણું વધારે છે. આજે પણ યુરોપની સરખામણીમાં ભારતનું પ્રતિ વ્યક્તિ કાર્બન ઉત્સર્જન 10 થી 15% કરતા પણ ઓછું છે. પર્યાવરણ પર યુરોપની અસર ભારત કરતા 7 થી 8 ગણી વધારે છે.

India is conscious of and committed to its role in climate action. https://t.co/ONx3nB0ik8

— Piyush Goyal (@PiyushGoyal) October 22, 2026

ભારતનો મુખ્ય વાંધો શું છે?

ભારતનો સ્પષ્ટ તર્ક છે કે વિકસિત દેશોએ પોતાના વિકાસ માટે ભૂતકાળમાં સસ્તી ઊર્જાનો બેફામ ઉપયોગ કર્યો અને પર્યાવરણને બગાડ્યું. હવે જ્યારે વિકાસશીલ દેશોના વિકાસનો સમય આવ્યો છે, ત્યારે તેઓ પર્યાવરણના નામે નવા ટેક્સ અને નિયમો થોપી રહ્યા છે. આ ઉપરાંત, યુરોપના 'એન્ટી-ડિફોરેસ્ટેશન રેગ્યુલેશન' ને કારણે ભારતના રબર અને અન્ય ખેત પેદાશોના નિકાસકારોને પણ યુરોપના માર્કેટમાં વેપાર કરવામાં મુશ્કેલી પડી શકે છે.

આ પણ વાંચો - બેંક ગ્રાહકો માટે મોટા સમાચાર! સરકાર આ 4 સરકારી બેંકોમાં પોતાનો હિસ્સો ઘટાડશે, 2 બેંકોનું જલ્દી થશે ખાનગીકરણ

પીયૂષ ગોયલનું આ નિવેદન સ્પષ્ટ કરે છે કે ભારત હવે વૈશ્વિક મંચ પર દબાણમાં આવ્યા વિના પોતાના હિતોની રક્ષા કરવા સક્ષમ છે. પર્યાવરણ બચાવવાની જવાબદારી બધાની છે, પરંતુ તેનો બોજ માત્ર વિકાસશીલ દેશો પર નાખવો એ ભારતને ક્યારેય મંજૂર નથી.