લંડનના સાઉથેન્ડ એરપોર્ટ પર પ્લેન ક્રેશ: ટેકઓફ બાદ તૂટી પડ્યું બિઝનેસ જેટ, ભીષણ આગ

Plane crash London: બ્રિટનની રાજધાની લંડનમાંથી એક ચોંકાવનારા સમાચાર સામે આવ્યા છે. રવિવારે સ્થાનિક સમય અનુસાર સાંજે 4 વાગ્યે લંડનના સાઉથેન્ડ એરપોર્ટ પરથી ટેકઓફ કર્યાના થોડા જ સમય બાદ એક બિઝનેસ જેટ ક્રેશ થયું હતું. આ દુર્ઘટના બાદ ઘટનાસ્થળે ભીષણ આગ લાગી હતી અને કાળા ધુમાડાના ગોટેગોટા આકાશમાં છવાઈ ગયા હતા, જેના પગલે લોકોમાં અફડાતફડીનો માહોલ સર્જાયો હતો.

ઘટનાની વિગતો અને પ્રત્યક્ષદર્શીઓના નિવેદનો

પ્રાથમિક માહિતી અનુસાર, આ દુર્ઘટનાગ્રસ્ત વિમાન બે એન્જિનવાળું ટર્બોપ્રોપ હતું અને તે નેધરલેન્ડ્સના લેલીસ્ટેડ જઈ રહ્યું હતું. ફ્લાઇટનો નિર્ધારિત સમય બપોરે લગભગ 3.45 વાગ્યે ટેકઓફનો હતો.

ઘટના સમયે સાઉથેન્ડ એરપોર્ટ પર પોતાના પરિવાર સાથે હાજર એક વ્યક્તિ, જ્હોન જ્હોન્સન નામના પ્રત્યક્ષદર્શીએ જણાવ્યું કે, "વિમાન ટેકઓફ કર્યાના લગભગ ત્રણ કે ચાર સેકન્ડમાં જ ઝડપથી ડાબી તરફ ઝૂકી ગયું. અને ત્યારબાદ થોડી જ સેકન્ડોમાં તે ક્રેશ થઈ ગયું." તેમણે આગળ જણાવ્યું કે, "વિમાન જમીન સાથે અથડાયું હતું, અને તરત જ આગનો એક મોટો ગોળો અને ગાઢ કાળો ધુમાડો નીકળતો જોવા મળ્યો."

BREAKING: Beech B200 Super King Air passenger aircraft crashes shortly after takeoff from London Southend Airport, Essex. Eyewitnesses report a massive fireball. Emergency services are on-site. Casualties unknown. More details awaited.#PlaneCrash #Southend #London #Aviation pic.twitter.com/yTT51EtmL8

— Defence Chronicle India (@TheDCIndia) July 13, 2025

પોલીસનું નિવેદન અને આગળની કાર્યવાહી

લંડન સાઉથેન્ડ એરપોર્ટ પર બનેલી આ દુ:ખદ ઘટના અંગે એસેક્સ પોલીસે એક નિવેદન જારી કર્યું હતું. પોલીસે જણાવ્યું કે, "અમે સાઉથેન્ડ એરપોર્ટ પર એક ગંભીર ઘટનાસ્થળે હાજર છીએ. અમને સાંજે 4 વાગ્યા પહેલા જ 12-મીટરના વિમાન સાથે અથડામણના અહેવાલો મળ્યા હતા."

આ પણ વાંચો -World's most expensive stocks: શું તમે જાણો છો? વિશ્વના ટોપ 5 મોંઘા શેરની કિંમતમાં ખરીદી શકાય લક્ઝરી ઘર અને કાર!