2025 માં રેકોર્ડ ઉછાળો, કૉપર કિંમતોમાં 34% વધારો, નિષ્ણાતો આગળ વધતા વલણની આશા

Copper Price Record Hike: કૉપરની કિંમતોમાં તેજી જોવાને મળી રહી. LME પર $11,543 ની રેકૉર્ડ ઊંચાઈ પર કૉપરનો ભાવ પહોંચ્યો. 2025 માં અત્યાર સુધીમાં કૉપરના ભાવમાં 34%નો વધારો થયો છે. પુરવઠામાં ઘટાડાથી કિંમતોને સપોર્ટ મળ્યો.

ચિલીમાં કૉપરના ઉત્પાદનમાં ઘટાડો થયો. ઇન્ડોનેશિયાથી ચિલી અને ડેમોક્રેટિક રિપબ્લિક ઓફ કોંગો સુધી અનેક બિનઆયોજિત ખાણકામ વિક્ષેપોને કારણે આ વર્ષે પુરવઠાની મર્યાદાઓએ સમગ્ર તાંબાના બજારને અસર કરી છે. ચીનના સ્મેલ્ટિંગ કાપે પણ તેજીમાં ફાળો આપ્યો હતો. બજાર ફેડના નિર્ણયની રાહ જોઈ રહ્યું છે.

રોકાણકારો આ અઠવાડિયે જાહેર થનારા યુએસ ડેટાની પણ રાહ જોઈ રહ્યા છે, જેમાં પ્રાઈવેટ સેક્ટરની રોજગારી, આયાત ભાવ અને ઈંડસ્ટ્રિયલ આઉટપુટ પર રિપોર્ટ સામેલ છે.

આંતરરાષ્ટ્રીય બજારમાં તાંબાના ભાવમાં જોવામાં આવે તો, એક અઠવાડિયામાં તેમાં 5%નો વધારો જોવા મળ્યો છે, જ્યારે એક મહિનામાં તેમાં 7%નો વધારો થયો છે. જાન્યુઆરી 2025 થી તાંબામાં 34%નો વધારો જોવા મળ્યો છે. એક વર્ષમાં તાંબામાં 29%નો વધારો થયો છે.