Bank Niftyમાં ભારે કડાકો: SBI અને IndusInd સહિત તમામ 14 બેંકિંગ શેરો લાલ નિશાનમાં, સેન્સેક્સ 878 પોઈન્ટ તૂટ્યો

શેરબજારમાં બુધવારે બેંકિંગ અને IT શેરોમાં આવેલી ભારે વેચવાલીએ બજારનો મૂડ બગાડી નાખ્યો છે. શરૂઆતી કારોબારમાં જ બેંક નિફ્ટીમાં 1 ટકાથી વધુનો કડાકો બોલી ગયો છે, જેને કારણે ઇન્ડેક્સમાં સામેલ તમામ 14 શેરો લાલ નિશાનમાં ટ્રેડ થઈ રહ્યા છે. ખરાબ માર્કેટ સેન્ટિમેન્ટની સીધી અસર સેન્સેક્સ અને નિફ્ટી પર પણ જોવા મળી રહી છે.

બેંક નિફ્ટી અને બજારની હાલની સ્થિતિ

સવારે 11:40 વાગ્યાની આસપાસ બેંક નિફ્ટી 554 પોઈન્ટ (લગભગ 1.03 ટકા)ના મોટા ઘટાડા સાથે 53,161 ના સ્તરે ટ્રેડ કરી રહ્યો હતો.અગાઉના સેશનમાં બેંકિંગ ઇન્ડેક્સ 72 પોઈન્ટના મામૂલી વધારા સાથે બંધ થયો હતો, પરંતુ આજે તે પોતાની આ લીડ જાળવી રાખવામાં સંપૂર્ણપણે નિષ્ફળ રહ્યો છે. બ્રોડર માર્કેટની વાત કરીએ તો, નિફ્ટી 1.05 ટકા તૂટીને 23,237 ની સપાટીની આસપાસ પહોંચી ગયો છે. જ્યારે બોમ્બે સ્ટોક એક્સચેન્જનો સેન્સેક્સ 878 પોઈન્ટ ગગડ્યો છે. રોકાણકારોમાં ડર માપતો ઇન્ડેક્સ એટલે કે 'India VIX' આજે 6 ટકા જેટલો ઉછળ્યો છે, જે બજારમાં વધતી ગભરાહટ અને સાવચેતીનો સંકેત આપે છે.

કયા બેંકિંગ શેરોમાં થયું સૌથી વધુ નુકસાન?

ટોપ લૂઝર્સ: ઇન્ડસઇન્ડ બેંકમાં સૌથી વધુ 2.8 ટકાનો ઘટાડો નોંધાયો છે. આ ઉપરાંત AU સ્મોલ ફાઇનાન્સ બેંક પણ 2.7 ટકા તૂટ્યો છે.

અન્ય મોટા શેરો: યસ બેંક, સ્ટેટ બેંક ઓફ ઇન્ડિયા અને IDFC ફર્સ્ટ બેંકના શેરોમાં 1.5 ટકાથી લઈને 2.1 ટકા સુધીનો ઘટાડો જોવા મળ્યો છે.

એક્સિસ બેંક, યુનિયન બેંક ઓફ ઇન્ડિયા, બેંક ઓફ બરોડા, પંજાબ નેશનલ બેંક અને કેનેરા બેંક પણ નુકસાન સાથે ટ્રેડ કરી રહ્યા છે

હેવીવેઇટ શેર HDFC બેંકમાં પણ મામૂલી ઘટાડો

આ જંગી વેચવાલીને કારણે પ્રાઇવેટ અને સરકારીબંને બેંકિંગ ઇન્ડેક્સ નીચે આવ્યા છે. નિફ્ટી પ્રાઇવેટ બેંક 0.8 ટકા અને નિફ્ટી PSU બેંક ઇન્ડેક્સમાં 1.1 ટકાનો ઘટાડો નોંધાયો છે.

બેંક નિફ્ટી માટે ટેકનિકલ વ્યૂ

માર્કેટ નિષ્ણાતો અને ચોઇસ બ્રોકિંગના રિપોર્ટ અનુસાર, 2 જૂનના રોજ બેંક નિફ્ટીએ ઇન્ટ્રાડેના નીચલા સ્તરેથી શાનદાર રિકવરી કરીને એક 'બુલિશ કેન્ડલસ્ટિક પેટર્ન' બનાવી હતી. 53,200 ની નીચે સરક્યા પછી પણ તેમાં સતત ખરીદી જોવા મળી હતી.

બ્રોકરેજ ફર્મના જણાવ્યા મુજબ, રિલેટિવ સ્ટ્રેન્થ ઇન્ડેક્સ (RSI) સુધરીને 43.62 પર પહોંચી ગયો હતો, જે ધીમી મજબૂતીનો સંકેત હતો. બેંક નિફ્ટી માટે 53,000 થી 53,200 નો ઝોન તાત્કાલિક સપોર્ટ તરીકે કામ કરી રહ્યો છે. જ્યારે 54,300 થી 54,500 ની રેન્જમાં મોટો અવરોધ છે. જોકે, બુધવારે આવેલી આ અચાનક વેચવાલીએ બેંક નિફ્ટીને ફરીથી તેના જૂના સપોર્ટ ઝોન તરફ ધકેલી દીધો છે.

ડિસ્ક્લેમર: Moneycontrol.com પર વ્યક્ત કરાયેલા મંતવ્યો નિષ્ણાતોના અંગત મંતવ્યો છે. આ માટે વેબસાઇટ અથવા મેનેજમેન્ટ જવાબદાર નથી. મની કંટ્રોલ યુઝર્સને કોઈપણ રોકાણ નિર્ણય લેતા પહેલા પ્રમાણિત નિષ્ણાતની સલાહ લેવાની સલાહ આપે છે.

આ પણ વાંચો- Rupee Fall Today: ડોલર સામે રૂપિયો પસ્ત! 28 પૈસા તૂટીને 95.64 ના ઐતિહાસિક સ્તરે પહોંચ્યો