Market outlook: શેરબજારમાં તેજીનો કરંટ, સેન્સેક્સ-નિફ્ટીમાં જોરદાર રિકવરી, જાણો 30 એપ્રિલે કેવી રહેશે માર્કેટની ચાલ

Market outlook: ભારતીય શેરબજારમાં અગાઉના સત્રમાં જોવા મળેલી નરમાશ બાદ 29 એપ્રિલે જોરદાર ઉછાળો જોવા મળ્યો છે. મે મહિનાની વાયદા સીરીઝની શરૂઆત મજબૂતી સાથે થઈ છે. આજના ટ્રેડિંગમાં નિફ્ટી 50 એ 24,334.70 ની ઊંચી સપાટીને સ્પર્શી હતી, પરંતુ ઊંચા લેવલે થયેલા પ્રોફિટ બુકિંગને કારણે બજાર થોડું નીચે આવ્યું હતું. તેમ છતાં, સેન્સેક્સ અને નિફ્ટી મજબૂત વધારા સાથે બંધ થયા છે.

બજારના આજના આંકડા

BSE સેન્સેક્સ: 609.45 પોઈન્ટ (0.79%) વધીને 77,496.36 પર બંધ રહ્યો.

NSE નિફ્ટી: 181.95 પોઈન્ટ (0.76%) વધીને 24,177.65 પર બંધ રહ્યો.

શા માટે આવી તેજી?

જિયોજિત ઇન્વેસ્ટમેન્ટ્સના મતે, નબળા વૈશ્વિક સંકેતો અને કાચા તેલના વધતા ભાવ છતાં ભારતીય બજારે નીચલા સ્તરેથી રિકવરી કરી છે. રોકાણકારોએ 'બાય ઓન ડીપ્સ' ની વ્યૂહરચના અપનાવી છે. ખાસ કરીને FMCG, ઓટો અને રિયલ્ટી શેરોમાં શાનદાર પરિણામોને કારણે જોરદાર ખરીદી જોવા મળી હતી. જોકે, બેંકિંગ સેક્ટરમાં રેગ્યુલેટરી ચિંતાઓને કારણે થોડો દબાણ જોવા મળ્યો હતો.

30 એપ્રિલે બજારની ચાલ કેવી રહેશે?

બજારના નિષ્ણાતો માને છે કે ટૂંકા ગાળામાં માર્કેટ એક રેન્જમાં રહી શકે છે. આગામી સમયમાં યુએસ ફેડરલ રિઝર્વની પોલિસીના પરિણામો અને વૈશ્વિક ઘટનાક્રમો પર બજારની નજર રહેશે.

નિફ્ટી માટે ટેકનિકલ લેવલ્સ

રેઝિસ્ટન્સ: નિફ્ટી માટે 24,300-24,330 નું સ્તર તાત્કાલિક અવરોધ સમાન છે. જો આ સ્તર પાર થશે તો નિફ્ટી 24,500 થી 24,650 સુધી જઈ શકે છે.

સપોર્ટ : નીચેની તરફ 24,000-23,970 નું સ્તર મજબૂત સપોર્ટ છે. જો આ લેવલ તૂટશે તો 23,800 સુધીનો ઘટાડો જોવા મળી શકે છે.

બેંક નિફ્ટી પર નિષ્ણાતોની રાય

બેંક નિફ્ટીમાં અત્યારે ઊંચા લેવલે વેચાણનું દબાણ જોવા મળી રહ્યું છે. નિષ્ણાતોની સલાહ છે કે બેંક નિફ્ટીમાં 'Sell on Rise' (ઉછાળે વેચવું) ની સ્ટ્રેટેજી ફાયદાકારક રહી શકે છે.

રેઝિસ્ટન્સ: 55,800 અને 56,200.

સપોર્ટ: 55,000 થી 54,800.

ડિસ્ક્લેમર: Moneycontrol.com પર વ્યક્ત કરાયેલા મંતવ્યો નિષ્ણાતોના અંગત મંતવ્યો છે. આ માટે વેબસાઇટ અથવા મેનેજમેન્ટ જવાબદાર નથી. મની કંટ્રોલ યુઝર્સને કોઈપણ રોકાણ નિર્ણય લેતા પહેલા પ્રમાણિત નિષ્ણાતની સલાહ લેવાની સલાહ આપે છે.

આ પણ વાંચો-Vedanta Q4 Results: નફામાં 92% નો તોફાની વધારો, શેર પણ 5% ઉછળ્યો