Closing Bell : સેન્સેક્સ 152 પોઈન્ટ ઉછળ્યો, નિફ્ટી 24600ની પાર, રોકાણકારો માલામાલ

Closing Bell : 5 ઓગસ્ટના રોજ ભારતીય શેરબજારમાં એકંદરે સપાટ પરંતુ હકારાત્મક કારોબાર જોવા મળ્યો હતો. રિઝર્વ બેંક ઓફ ઇન્ડિયાના વ્યાજદરોના નિર્ણય બાદ બજારમાં શાંતિ રહી હતી અને મુખ્ય ઇન્ડેક્સ વધારા સાથે લીલા નિશાનમાં બંધ થવામાં સફળ રહ્યા હતા.

આજના બજારના મુખ્ય આંકડા

આજના ટ્રેડિંગ સેશનના અંતે શેરબજારની સ્થિતિ નીચે મુજબ રહી..સેન્સેક્સ30 શેરો વાળો બોમ્બે સ્ટોક એક્સચેન્જનો ઇન્ડેક્સ સેન્સેક્સ 152 પોઈન્ટ એટલે કે 0.19 ટકા ઉછળીને 78,581 ના સ્તર પર બંધ થયો હતો. નિફ્ટી નેશનલ સ્ટોક એક્સચેન્જનો નિફ્ટી 50 ઇન્ડેક્સ 10 પોઈન્ટ (0.04 ટકા)ના મામૂલી વધારા સાથે 24,624.65 ના સ્તરે બંધ થયો હતો. એટલે કે નિફ્ટીએ 24,600 ની મહત્વની સપાટી જાળવી રાખી છે.

RBIની નીતિ અને બજાર પર તેની અસર

મિડકેપ અને સ્મોલકેપ શેરોમાં જોરદાર ખરીદી

આજે મોટા શેરો કરતા નાના અને મધ્યમ કદના શેરોમાં વધુ ખરીદી જોવા મળી હતી. બ્રોડર માર્કેટનું પ્રદર્શન મુખ્ય ઇન્ડેક્સ કરતા ઘણું સારું રહ્યું, BSE 150 મિડકેપ ઇન્ડેક્સમાં 0.34 ટકાનો સારો વધારો નોંધાયો હતો. BSE 250 સ્મોલકેપ ઇન્ડેક્સ 0.70 ટકાના શાનદાર ઉછાળા સાથે બંધ થયો હતો.

રોકાણકારોએ એક જ દિવસમાં કમાયા 2.5 લાખ કરોડ

બજારમાં ભલે મામૂલી તેજી દેખાઈ હોય, પરંતુ રોકાણકારો માટે આજનો દિવસ જબરદસ્ત કમાણીનો રહ્યો છે. માત્ર એક જ સેશનમાં રોકાણકારોની સંપત્તિમાં 2.5 લાખ કરોડ રૂપિયાનો તોતિંગ વધારો થયો છે. BSE પર લિસ્ટેડ તમામ કંપનીઓનું કુલ માર્કેટ કેપ જે ગઈકાલે 489.5 લાખ કરોડ રૂપિયા હતું, તે આજે ઉછળીને 492 લાખ કરોડ રૂપિયા પર પહોંચી ગયું છે.

આ પણ વાંચો-બજારમાં અચાનક મોટો કડાકો: સેન્સેક્સ ઉપલા સ્તરેથી 700 પોઈન્ટ તૂટ્યો, જાણો નિફ્ટી 24500ની નીચે જવા પાછળનાં 3 મુખ્ય કારણો