Groww Share Price: 17 નવેમ્બરે ટ્રેડિંગ પ્લેટફોર્મ Growwની પેરેન્ટ કંપની બિલિયનબ્રેન્સ ગેરેજ વેન્ચર્સના 8.7 કરોડ શેરનું વેચાણ થયું હતું. ઉપલબ્ધ આંકડા અનુસાર, પ્રી-ઓપન બ્લોક વિન્ડોમાં થયેલા આ મોટા સોદામાં કંપનીની આશરે 1.4% હિસ્સેદારી વેચાઈ હતી. શેરદીઠ સરેરાશ ₹219ના ભાવે થયેલા આ ટ્રાન્ઝેક્શનની કુલ કિંમત ₹1,905 કરોડ રહી હતી. જોકે, આ સોદામાં કોણે શેર વેચ્યા અને કોણે ખરીદ્યા તે અંગે હજુ સુધી સત્તાવાર માહિતી સામે આવી નથી.

