HDFC બેંકને મળ્યા નવા બોસ, અનુપ બાગચી બન્યા નવા MD અને CEO, રિઝર્વ બેંકે આપી લીલી ઝંડી

દેશની સૌથી મોટી ખાનગી બેંકોમાંની એક HDFC બેંકના ટોચના લેવલ પર મોટો ફેરફાર થયો છે. બેંકે અનુપ બાગચીને પોતાના નવા મેનેજિંગ ડિરેક્ટર અને ચીફ એક્ઝિક્યુટિવ ઓફિસર તરીકે નિયુક્ત કર્યા છે. ખાસ વાત એ છે કે રિઝર્વ બેંક ઓફ ઇન્ડિયા દ્વારા પણ બાગચીની આ નવી નિમણૂકને ઔપચારિક મંજૂરી આપી દેવામાં આવી છે. 1 ઓક્ટોબરના રોજ બેંકે સ્ટોક એક્સચેન્જને સત્તાવાર રીતે આ અંગેની માહિતી પૂરી પાડી હતી.

કેમ કરવામાં આવી નવી નિમણૂક?

હાલમાં HDFC બેંકની કમાન શશિધર જગદીશનના હાથમાં છે. પરંતુ તેઓ આગામી 26 ઓક્ટોબરના રોજ નિવૃત્ત (રિટાયર) થઈ રહ્યા છે. જગદીશને અગાઉ જ સ્પષ્ટ કરી દીધું હતું કે તેઓ પોતાનો કાર્યકાળ આગળ વધારવા માંગતા નથી. તેમના આ નિર્ણય બાદ જ બેંકે નવા બોસની શોધખોળની પ્રક્રિયા શરૂ કરી દીધી હતી.

ક્યારથી ચાર્જ સંભાળશે અનુપ બાગચી?

કાર્યકાળ: HDFC બેંકના બોસ તરીકે અનુપ બાગચીનો કાર્યકાળ 3 વર્ષ માટેનો રહેશે.

એડિશનલ ડિરેક્ટર: 2 ઓક્ટોબરથી જ તેમની નિમણૂક બેંકના એડિશનલ ડિરેક્ટર તરીકે પણ પ્રભાવી થઈ ગઈ છે.

RBIની મંજૂરી: રિઝર્વ બેંક ઓફ ઇન્ડિયાએ બેંકિંગ રેગ્યુલેશન એક્ટ, 1949 ના સેક્શન 35B હેઠળ બાગચીની નિમણૂક અને તેમના પગાર-ભથ્થાંને લીલી ઝંડી આપી દીધી છે.

અટકળોનો આવ્યો અંત

અનુપ બાગચીની આ નિમણૂકની જાહેરાત થતાની સાથે જ HDFC બેંકમાં નેતૃત્વને લઈને ચાલી રહેલી તમામ અનિશ્ચિતતાનો અંત આવી ગયો છે. અગાઉ 'મનીકંટ્રોલ' ના એક રિપોર્ટમાં પણ જણાવવામાં આવ્યું હતું કે આ ટોચના પદ માટે જે બે નામોની સૌથી વધુ ચર્ચા ચાલી રહી છે, તેમાં અનુપ બાગચીનું નામ મોખરે છે.

અત્રે ઉલ્લેખનીય છે કે, અનુપ બાગચી પાસે બેંકિંગ અને ફાઇનાન્સ સેક્ટરનો બહોળો અનુભવ છે. આ નવી જવાબદારી પહેલાં તેઓ ICICI પ્રુડેન્શિયલ લાઈફ ઈન્સ્યોરન્સમાં MD અને CEO તરીકે પણ પોતાની શાનદાર સેવાઓ આપી ચૂક્યા છે.

આ પણ વાંચો-શેરબજારમાં સળંગ 3 દિવસની રજા, 2 ઓક્ટોબરે ગાંધી જયંતિ નિમિત્તે BSE-NSE અને બેંકો રહેશે બંધ, જાણો ક્યારે ખુલશે માર્કેટ