Share Market Crash: HDFC બેન્કે ડૂબાડ્યું બજાર, સેન્સેક્સમાં 700 પોઈન્ટનો કડાકો, જાણો નિફ્ટીના 24200 નીચે જવાના 4 મુખ્ય કારણો

Share Market Crash: એશિયન બજારોના મિશ્ર સંકેતો વચ્ચે આજે ભારતીય શેરબજારમાં હાહાકાર મચી ગયો છે. અમેરિકા અને ઈરાન વચ્ચેના યુદ્ધની અસર સીધી દલાલ સ્ટ્રીટ પર જોવા મળી છે. માર્કેટ ખુલતાની સાથે જ સેન્સેક્સ અને નિફ્ટી ધડામ થઈ ગયા હતા. ખાસ કરીને દિગ્ગજ HDFC બેન્કના શેરમાં આવેલા કડાકાએ આખા બજારને દબાણમાં લાવી દીધું છે.

માર્કેટની અત્યારની સ્થિતિ

સવારે 10:21 વાગ્યાની આસપાસ સેન્સેક્સ 467.50 પોઈન્ટ (0.60%) ના ઘટાડા સાથે 77,683.95 પર અને નિફ્ટી 112.35 પોઈન્ટ (0.46%) ઘટીને 24,221.95 ના સ્તરે ટ્રેડ કરી રહ્યો હતો. જોકે, ઇન્ટ્રા-ડેમાં સેન્સેક્સ એક સમયે 706.66 પોઈન્ટ તૂટીને 77,444.79 ના લેવલ પર અને નિફ્ટી 184.40 પોઈન્ટ ગગડીને 24,149.90 સુધી પહોંચી ગયો હતો. જોકે, આ મોટા કડાકા વચ્ચે પણ એક સારી વાત એ છે કે બ્રોડર માર્કેટમાં થોડી રોનક છે, નિફ્ટી મિડકેપ 100 અને નિફ્ટી સ્મોલકેપ 100 ઇન્ડેક્સ વધારા સાથે ટ્રેડ કરી રહ્યા છે.

શેરબજારમાં આજના મોટા કડાકા પાછળના 4 મુખ્ય કારણો

અમેરિકન સેનાએ સતત 9મા દિવસે ઈરાન પર હુમલો કર્યો છે. આનાથી હોર્મુઝ સ્ટ્રેટમાંથી થતા શિપિંગ ટ્રાન્સપોર્ટને લઈને ચિંતાઓ વધી ગઈ છે, જેની સીધી નકારાત્મક અસર માર્કેટના સેન્ટિમેન્ટ પર પડી છે.

2. ક્રૂડ ઓઈલમાં ભડકો

યુદ્ધના માહોલ વચ્ચે કાચું તેલ ફરી ઉકળી ઉઠ્યું છે. ગ્લોબલ બેન્ચમાર્ક બ્રેન્ટ ક્રૂડની કિંમત ઉછળીને 90 ડોલર પ્રતિ બેરલની પાર પહોંચી ગઈ છે. ભારત જેવા દેશો જે ઓઈલની આયાત પર નિર્ભર છે, તેમના માટે આ ભાવ વધારો મોંઘવારીની દ્રષ્ટિએ ખૂબ જ ચિંતાજનક છે.

3. બેન્કિંગ શેરોમાં ભારે વેચવાલી

માર્કેટમાં સૌથી મોટું વજન ધરાવતી HDFC બેન્કનો શેર આજે 4% થી વધુ તૂટી ગયો હતો, જેને કારણે આખા બજાર પર પ્રેશર આવ્યું. જૂન ક્વાર્ટરના પરિણામો પછી મોટાભાગની બ્રોકરેજ કંપનીઓએ આ શેર માટે પોઝિટિવ રેટિંગ આપ્યું હતું, તેમ છતાં શેરમાં કડાકો બોલ્યો છે. પ્રાઇવેટ બેન્કોના નિફ્ટી ઇન્ડેક્સમાં 2.5% નો ઘટાડો છે. નિફ્ટી પ્રાઇવેટ બેન્કના 10 શેરોમાંથી અત્યારે માત્ર એક 'ICICI બેન્ક' જ લીલા નિશાનમાં જોવા મળી રહ્યો છે.

4. India VIX માં ઉછાળો

માર્કેટનો ડર અને ગભરાહટ માપતા ઈન્ડેક્સ ઈન્ડિયા VIXમાં તેજ ઉછાળો આવ્યો છે. તે હાલમાં 2.98% ના વધારા સાથે 13.54 ના સ્તર પર છે. VIX વધવાનો સીધો અર્થ એ છે કે બજારમાં અત્યારે વોલેટિલિટી ખૂબ હાઈ રહેવાની આશંકા છે.

આ પણ વાંચો-Gold Rate Today: ક્રૂડ ઓઈલમાં ભડકો થતાં ગ્લોબલ માર્કેટમાં સોનું ગગડ્યું, મિડલ ઈસ્ટના તણાવથી મોંઘવારીની ચિંતા વધી