Closing Bell : નિફ્ટી 23,800ની નીચે ખાબક્યો, સેન્સેક્સ 380 પોઈન્ટ તૂટ્યો, માત્ર ફાર્મા સેક્ટર જ ચમક્યું

Closing Bell : ભારતીય શેરબજારમાં આજના લેટેસ્ટ કારોબારમાં રોકાણકારોને નિરાશા સાંપડી છે. શરૂઆતી સત્રથી જ બજારમાં વેચવાલીનું દબાણ જોવા મળ્યું હતું, જેના કારણે બેન્ચમાર્ક ઈન્ડેક્સ ઘટાડા સાથે બંધ થયા છે.આજના કારોબારના અંતે સેન્સેક્સ 382.62 પોઈન્ટ એટલે કે 0.50 ટકાના ઘટાડા સાથે 76,132.81 પર બંધ રહ્યો હતો. બીજી તરફ નિફ્ટી પણ 118.55 પોઈન્ટ અથવા 0.50 ટકા તૂટીને 23,800 ની મહત્વપૂર્ણ સપાટી તોડીને 23,779.15 ના સ્તરે બંધ થયો છે.

બજારમાં આજે વેચવાલીનું જોર વધુ રહ્યું હતું. આંકડાકીય માહિતી મુજબ, આજે લગભગ 1931 શેરોમાં વધારો જોવા મળ્યો હતો, જ્યારે 2353 શેરો લાલ નિશાનમાં (ઘટાડા સાથે) બંધ થયા હતા. આ ઉપરાંત 190 શેરોના ભાવમાં કોઈ જ ફેરફાર નોંધાયો ન હતો.

આજના ટોપ લુઝર્સ

નિફ્ટીમાં આજે આઈટી અને ફાઇનાન્શિયલ શેરોમાં સૌથી વધુ ધોવાણ થયું હતું.

એસબીઆઈ લાઈફ ઈન્સ્યોરન્સ

ટેક મહિન્દ્રા

જિયો ફાઇનાન્શિયલ

ટાટા સ્ટીલ અને એચડીએફસી લાઈફ

આ તમામ શેરોમાં આજે નોંધપાત્ર ઘટાડો જોવા મળ્યો હતો.

આજના ટોપ ગેનર્સ

બજારમાં ભારે કડાકા વચ્ચે પણ અમુક શેરોએ રોકાણકારોને કમાણી કરાવી હતી.

અપોલો હોસ્પિટલ્સ

ભારતી એરટેલ

એલએન્ડટી

કોલ ઈન્ડિયા, મારુતિ સુઝુકી, ટાટા કન્ઝ્યુમર, આઈશર મોટર્સ અને મેક્સ હેલ્થકેર જેવા શેરો લીલા નિશાનમાં બંધ થયા હતા.

સેક્ટર મુજબ બજારની સ્થિતિ

આજના કારોબારમાં માત્ર ફાર્મા સેક્ટરે જ બજારની લાજ રાખી હતી. ફાર્મા ઈન્ડેક્સ 0.75 ટકાના ઉછાળા સાથે બંધ થયો હતો.ફાર્મા સિવાયના લગભગ તમામ સેક્ટોરલ ઈન્ડેક્સમાં આજે મોટો કડાકો જોવા મળ્યો હતો. ઇન્ફોર્મેશન ટેકનોલોજી, મીડિયા, મેટલ, સરકારી બેંકો અને રિયલ્ટી સેક્ટરમાં 1 થી લઈને 2.8 ટકા સુધીનો ભારે ઘટાડો નોંધાયો છે. મિડકેપ શેરોની વાત કરીએ તો નિફ્ટી મિડકેપ ઈન્ડેક્સ 0.5 થી 0.6 ટકા તૂટ્યો હતો, જ્યારે સ્મોલકેપ ઈન્ડેક્સ કોઈ પણ મોટા ફેરફાર વગર ફ્લેટ બંધ રહ્યો હતો.

આ પણ વાંચો-Zydus Wellnessના શેરમાં 9%નો મોટો ઉછાળો: 2 નવા અધિગ્રહણ બાદ બ્રોકરેજ ફર્મ ફિદા, આપ્યો 650નો ટાર્ગેટ