ભારતીય શેરબજારો માટે વર્ષ 2025નો છેલ્લો ટ્રેડિંગ દિવસ શાનદાર રહ્યો છે. આજે બજારમાં જબરદસ્ત તેજી જોવા મળી હતી. કારોબાર દરમિયાન સેન્સેક્સ 600 પોઈન્ટથી પણ વધુ ઉછળી ગયો હતો, જ્યારે નિફ્ટી પણ 26,150ના લેવલની નજીક પહોંચી ગયો હતો. આ ઉછાળા સાથે છેલ્લા ઘણા દિવસોથી બજારમાં ચાલી રહેલા ઘટાડા પર બ્રેક લાગી છે.
2025ના અંતિમ દિવસે બજારમાં બલ્લે-બલ્લે, સેન્સેક્સ 600 પોઈન્ટ ઉછળ્યો, જાણો તેજીના 5 મોટા કારણો
2025ના છેલ્લા ટ્રેડિંગ દિવસે ભારતીય શેરબજારમાં જોરદાર તેજી જોવા મળી છે. Sensex 600 પોઈન્ટ ઉછળ્યો છે અને Nifty 26,150ની નજીક પહોંચ્યો છે. સ્ટીલ સેક્ટરમાં તેજી, ક્રૂડ ઓઈલના ભાવમાં ઘટાડો અને Value Buying જેવા 5 મુખ્ય કારણો વિશે અહીં વાંચો.
અપડેટેડ 03:46:59 PM Dec 31, 2025 પર
માત્ર મોટા શેર્સ જ નહીં, પણ નાના અને મધ્યમ કદના શેર્સમાં પણ આજે સારી ખરીદી નીકળી હતી.
બપોરે 12:55 વાગ્યે, સેન્સેક્સ 621.09 પોઈન્ટ (0.73%) વધીને 85,296.17 ના સ્તરે ટ્રેડ થઈ રહ્યો હતો. બીજી તરફ, નિફ્ટી 204.55 પોઈન્ટ (0.79%) ના વધારા સાથે 26,143.40 પર જોવા મળ્યો હતો.
શેરબજારમાં આજે આવેલી તેજીના 5 મુખ્ય કારણો
1. સ્ટીલ સેક્ટરમાં જોરદાર ખરીદી
આજના ઉછાળાનું સૌથી મોટું કારણ સ્ટીલ સેક્ટર છે. સરકારે સ્ટીલની અમુક પ્રોડક્ટ્સની આયાત પર 3 વર્ષ માટે 12% સુધીની 'સેફગાર્ડ ડ્યુટી' લગાવવાની જાહેરાત કરી છે. આ નિર્ણયથી ઘરેલુ સ્ટીલ કંપનીઓને મોટો ફાયદો થવાની આશા છે. જેના કારણે ટાટા સ્ટીલ 2.2% વધીને 179.7 રૂપિયા પર પહોંચ્યો હતો. JSW Steelમાં 4.8%, જિંદાલ સ્ટીલમાં 3.6% અને Jindal Stainlessમાં 2.8% સુધીનો ઉછાળો જોવા મળ્યો છે.
2. ક્રૂડ ઓઈલ સસ્તું થયું
આંતરરાષ્ટ્રીય બજારમાં કાચા તેલના ભાવમાં ઘટાડો થયો છે. બુધવારે બેન્ટ ક્રુડ ઓઈલ 0.10% ઘટીને 61.27 ડોલર પ્રતિ બેરલ પર આવી ગયું હતું. ક્રૂડ ઓઈલ સસ્તું થવાથી મોંઘવારીનું દબાણ ઘટે છે, જે શેરબજાર માટે હંમેશા પોઝિટિવ ગણાય છે.
3. રોકાણકારોમાં ડર ઘટ્યો
બજારની વોલેટિલિટી દર્શાવતો India VIX ઈન્ડેક્સ 3% થી વધુ ઘટીને 9.37 પર આવી ગયો છે. VIX ઘટવાનો અર્થ એ છે કે રોકાણકારોમાં ગભરાટ ઓછો થયો છે અને તેઓ ફરીથી રિસ્ક લેવા તૈયાર છે.
4. Value Buying
છેલ્લા 5 દિવસથી સેન્સેક્સ અને 4 દિવસથી નિફ્ટી ઘટી રહ્યા હતા. સતત ઘટાડાને કારણે ઘણા સારા શેર્સ નીચા ભાવે મળી રહ્યા હતા. સ્માર્ટ રોકાણકારો અને ટ્રેડર્સે આ તકનો લાભ લઈ નીચા લેવલે ખરીદી (Value Buying) કરી, જેનાથી બજાર રિકવર થયું છે.
5. મિડકેપ અને સ્મોલકેપમાં તેજી
માત્ર મોટા શેર્સ જ નહીં, પણ નાના અને મધ્યમ કદના શેર્સમાં પણ આજે સારી ખરીદી નીકળી હતી. નિફ્ટી મિડકેપ અને સ્મોલકેપ 100 ઈન્ડેક્સમાં 1% થી વધુનો ઉછાળો જોવા મળ્યો હતો, જે માર્કેટનું સેન્ટિમેન્ટ સુધરેલું દર્શાવે છે.
એક્સપર્ટ શું કહે છે?
જિયોજિત ઈન્વેસ્ટમેન્ટ્સના ચીફ માર્કેટ સ્ટ્રેટેજિસ્ટ આનંદ જેમ્સના જણાવ્યા મુજબ, નિફ્ટી 25,850 ની આસપાસ ગયો ત્યારે ત્યાંથી ખરીદી નીકળી હતી. જોકે, ટેકનિકલ ચાર્ટ પર હજુ સંપૂર્ણ ટ્રેન્ડ બદલાયો નથી. જ્યાં સુધી નિફ્ટી 25,970 ની નીચે છે ત્યાં સુધી સાવચેત રહેવું જોઈએ. જો ઈન્ડેક્સ 26,027 ની ઉપર ટકે તો જ વધુ તેજીની શક્યતા છે.
ડિસ્ક્લેમર: મનીકંટ્રોલ.કોમ પર આપવામાં આવેલી સલાહ કે વિચારો એક્સપર્ટ/બ્રોકરેજ ફર્મના અંગત મંતવ્યો છે. વેબસાઇટ કે તેનું મેનેજમેન્ટ તેના માટે જવાબદાર નથી. યુઝર્સને મનીકંટ્રોલ દ્વારા સલાહ આપવામાં આવે છે કે કોઈપણ રોકાણનો નિર્ણય લેતા પહેલા હંમેશા પ્રમાણિત નિષ્ણાતની સલાહ લેવી.
MoneyControl News
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.
