Share Market Crash: સેન્સેક્સમાં 650 પોઈન્ટનો કડાકો, નિફ્ટી 24200ની નીચે ખાબક્યો, જાણો બજાર તૂટવાના 4 મોટા કારણો

Share Market Crash: પશ્ચિમ એશિયામાં ફરી એકવાર તણાવ વધતા ભારતીય શેરબજારમાં આજે વેચવાલીનું મોટું વાવાઝોડું જોવા મળ્યું છે. ગઈકાલની રિકવરીની નિષ્ફળતા બાદ આજે માર્કેટ ખુલતાની સાથે જ સેન્સેક્સ અને નિફ્ટીમાં ભારે કડાકો બોલી ગયો. શરૂઆતના કારોબારમાં જ એટલું મોટું દબાણ આવ્યું કે BSE પર લિસ્ટેડ કંપનીઓનું માર્કેટ કેપ ઘટી ગયું અને રોકાણકારોના લગભગ 1.5 લાખ કરોડ રૂપિયા ડૂબી ગયા.

બ્રોડર માર્કેટમાં પણ ભારે દબાણ છે, નિફ્ટી મિડકેપ 100 અને નિફ્ટી સ્મોલકેપ 100 ઇન્ડેક્સ પણ લાલ નિશાનમાં ટ્રેડ થઈ રહ્યા છે.

બજારના લેટેસ્ટ આંકડા

સેન્સેક્સ 668.35 પોઈન્ટ (એટલે કે 0.85%) ઘટીને 77,512.37 ના સ્તર પર છે. ઇન્ટ્રા-ડેમાં સેન્સેક્સ 682.20 પોઈન્ટ તૂટીને 77,498.70 સુધી નીચે ગયો હતો. નિફ્ટી (Nifty 50) 202.90 પોઈન્ટ (એટલે કે 0.83%) ના મોટા ઘટાડા સાથે 24,195.80 પર છે. ઇન્ટ્રા-ડેમાં નિફ્ટી પણ 209.50 પોઈન્ટ ગગડીને 24,189.20 ના સ્તર સુધી આવી ગયો હતો.

1. અમેરિકા અને ઈરાન વચ્ચે યુદ્ધ જેવી સ્થિતિ

હોર્મુઝ સ્ટ્રેટમાંથી પસાર થતા કોમર્શિયલ જહાજો પર ઈરાનના હુમલા બાદ અમેરિકાએ ઈરાન પર જવાબી કાર્યવાહી કરતા પશ્ચિમ એશિયામાં તણાવ ચરમસીમાએ પહોંચ્યો છે. ઈરાની મીડિયા મુજબ, અમેરિકાના બોમ્બમારાથી બંદર અબ્બાસ, સિરીક પોર્ટ, કેશ્મ દ્વીપ અને ખર્ગ દ્વીપ પર ભયંકર વિસ્ફોટ થયા છે, જેમાં અનેક નાગરિકો ઘાયલ થયા છે. આના જવાબમાં ઈરાનની સેનાએ બહેરીન અને કુવૈતમાં આવેલા અમેરિકન બેઝ પર 85 જેટલી મિસાઈલો અને ડ્રોનથી હુમલો કર્યો છે. આ યુદ્ધના ડરે બજારને હચમચાવી દીધું છે.

2. કાચા તેલના ભાવમાં ભડકો

અમેરિકા અને ઈરાન વચ્ચેના યુદ્ધની સીધી અસર ક્રૂડ ઓઇલ પર પડી છે. મિડલ ઈસ્ટના તણાવથી કાચા તેલના ભાવમાં ઉછાળો આવ્યો છે.

ઓગસ્ટ ડિલિવરી માટેનું US બેન્ચમાર્ક વેસ્ટ ટેક્સાસ ઇન્ટરમીડિયેટ ક્રૂડ 2.1% વધીને 71.87 ડોલર પ્રતિ બેરલ થઈ ગયું છે.સપ્ટેમ્બર ડિલિવરી માટે ગ્લોબલ બેન્ચમાર્ક બ્રેન્ટ ક્રૂડ 1.9% વધીને 75.53 ડોલર પ્રતિ બેરલ પર પહોંચી ગયું છે. તેલ મોંઘુ થતાં શેરબજારની રોનક ગાયબ થઈ ગઈ છે.

3. India VIXમાં ઉતાર-ચઢાવ

માર્કેટમાં રોકાણકારોની ગભરામણ અને વોલેટિલિટી માપતા ઇન્ડેક્સ 'ઈન્ડિયા વિક્સ' ના આંકડાઓએ દબાણ વધાર્યું છે. હાલમાં તે 12.47 ના સ્તર પર જોવા મળ્યો છે. જ્યારે આ ઇન્ડેક્સમાં ઉતાર-ચઢાવ આવે છે, ત્યારે માર્કેટમાં અસ્થિરતાનું જોખમ વધે છે, જે રોકાણકારોને વેચવાલી તરફ દોરી જાય છે.

4. સરકારી બેન્કો અને ઓટો સેક્ટરનું દબાણ

ગ્લોબલ સેન્ટિમેન્ટની સાથે સાથે સ્થાનિક બજારમાં સરકારી બેન્કો અને ઓટો સેક્ટરે બજાર પર સૌથી વધુ દબાણ બનાવ્યું છે. આ બંને સેક્ટરના નિફ્ટી ઇન્ડેક્સમાં 1-1% થી વધુનો ઘટાડો નોંધાયો છે, જેના કારણે નિફ્ટી 24200 ની નીચે સરકી ગયો છે.

આ પણ વાંચો-South Indian Bankના શેરમાં 9% નો મોટો કડાકો, નવા CEO ની જાહેરાત થતાં જ શેર કેમ ધડામ થયો? જાણો કારણ

ડિસ્ક્લેમર: આ જાણકારી ફક્ત સૂચના હેતુ આપવામાં આવી રહી છે. અહીં બતાવુ જરૂરી છે કે માર્કેટમાં રોકાણ બજાર જોખમોના આધીન છે. રોકાણકારોની રીતે પૈસા લગાવાથી પહેલા હંમેશા એક્સપર્ટથી સલાહ લે. મનીકંટ્રોલની તરફથી કોઈને પણ પૈસા લગાવાની અહીં ક્યારેય પણ સલાહ નથી આપવામાં આવી છે.