Closing Bell: સેન્સેક્સ 544 પોઈન્ટ ઉછળ્યો- નિફ્ટી 24,000 ની એકદમ નજીક, IT અને FMCG શેરોમાં બમ્પર કમાણી

Closing Bell: ભારતીય શેરબજારમાં 16 જૂનના રોજ સતત ત્રીજા ટ્રેડિંગ સેશનમાં શાનદાર તેજી જોવા મળી છે. નિફ્ટીની વીકલી એક્સપાયરીના દિવસે બજારમાં રોનક રહી હતી અને દિવસના અંતે માર્કેટ મજબૂત સ્થિતિમાં બંધ થયું હતું. આંતરરાષ્ટ્રીય બજારમાંથી પણ સારા સંકેત મળ્યા છે, જ્યાં બ્રેન્ટ ક્રૂડ સસ્તું થઈને 82 ડોલરની નીચે સરકી ગયું છે.

બજારના ક્લોઝિંગ આંકડા

કારોબારના અંતે BSE સેન્સેક્સ 544.15 પોઈન્ટ અથવા 0.71 ટકાના જંગી ઉછાળા સાથે 76,808.48 ના સ્તર પર બંધ થયો હતો. જ્યારે નિફ્ટી 50 ઇન્ડેક્સ 135.25 પોઈન્ટ અથવા 0.57 ટકા વધીને 24,000 ની ઐતિહાસિક સપાટીની એકદમ નજીક એટલે કે 23,989.15 ના સ્તર પર પહોંચીને બંધ રહ્યો હતો.

માર્કેટ બ્રેડ્થ અને ઇન્ડિયા VIX

આજના કારોબારમાં શેરબજારની એકંદર સ્થિતિ (માર્કેટ બ્રેડ્થ) સકારાત્મક રહી હતી. જેમાં લગભગ 2275 શેરોમાં તેજી જોવા મળી હતી, 1795 શેરોમાં ઘટાડો નોંધાયો હતો અને 151 શેરોના ભાવમાં કોઈ જ ફેરફાર થયો ન હતો.

કયા સેક્ટરમાં તેજી, કયામાં ઘટાડો?

તેજી વાળા સેક્ટર: ઓટો, ફાર્મા, PSU બેંક અને મેટલ સેક્ટરને બાદ કરતા લગભગ તમામ સેક્ટોરલ ઇન્ડેક્સ ગ્રીન ઝોનમાં બંધ થયા હતા. સૌથી વધુ ધૂમ ખરીદી IT શેરોમાં હતી, જેનો ઇન્ડેક્સ લગભગ 2 ટકા જેટલો ઉછળ્યો હતો. આ સિવાય કન્ઝ્યુમર ડ્યુરેબલ્સ, એનર્જી, મીડિયા, રિયલ્ટી અને FMCG સેક્ટરમાં પણ 1 થી 2 ટકાનો વધારો નોંધાયો હતો.

ઘટાડાવાળા સેક્ટર: બીજી તરફ મેટલ શેરોમાં ભારે નફાવસૂલી જોવા મળી હતી, જેના કારણે મેટલ ઇન્ડેક્સ લગભગ 1.5 ટકા તૂટ્યો હતો. જ્યારે બેંક નિફ્ટી દિવસ દરમિયાન એકદમ ફ્લેટ જોવા મળ્યો હતો.

નિફ્ટીના ટોપ ગેનર્સ અને લુઝર્સ

ટોપ ગેનર્સ

HCL ટેક્નોલોજીસ, ટાટા કન્ઝ્યુમર, HUL, બજાજ ફિનસર્વ અને NTPC નિફ્ટીના ટોપ ગેઈનર્સ રહ્યા હતા. આ સિવાય ટેક મહિન્દ્રા, એમ્ફેસિસ અને પર્સિસ્ટન્ટ જેવા IT શેરોમાં પણ 1 થી 2 ટકાનો શાનદાર ઉછાળો જોવા મળ્યો હતો.

ટોપ ગેનર્સ

ડિડાલ્કો, JSW સ્ટીલ, HDFC લાઈફ, આઇશર મોટર્સ અને એપોલો હોસ્પિટલના શેરોમાં સૌથી વધુ નુકસાન જોવા મળ્યું હતું.

બ્રોડર માર્કેટની સ્થિતિ

લાર્જકેપ શેરોની સાથે નાના અને મધ્યમ કદના શેરોમાં પણ રોકાણકારોએ સારી એવી ખરીદી કરી હતી. આજના ટ્રેડિંગ સેશનમાં મિડકેપ અને સ્મોલકેપ શેરોએ આઉટપરફોર્મ કર્યું હતું, જેના કારણે દિવસના અંતે નિફ્ટી મિડકેપ અને નિફ્ટી સ્મોલકેપ ઇન્ડેક્સ 0.4 ટકાની હળવી બઢત સાથે બંધ થયા હતા.

આ પણ વાંચો-ઈરાન ડીલ પછી ક્યાં થશે સૌથી વધુ કમાણી? શેર્સ, ગોલ્ડ કે બોન્ડ, જાણો એક્સપર્ટ્સની રોકાણ સ્ટ્રેટેજી