શેરબજારમાં કડાકો: સેન્સેક્સ 400 પોઈન્ટ તૂટ્યો, નિફ્ટી 26,050ની નીચે; જાણો બજાર તૂટવાના 4 મુખ્ય કારણો

Share Market Down: ભારતીય શેરબજારોમાં આજે 26 ડિસેમ્બરે સતત બીજા દિવસે નિરાશાજનક માહોલ જોવા મળ્યો છે. સપ્તાહના ટૂંકા કારોબારી સેશનમાં રોકાણકારોએ સાવચેતીભર્યું વલણ અપનાવતા બજારમાં વેચવાલીનું દબાણ વધ્યું હતું. કારોબાર દરમિયાન સેન્સેક્સ 400 અંકો સુધી ગગડી ગયો હતો, જ્યારે નિફ્ટી પણ મહત્વના સપોર્ટ લેવલ તોડીને 26,050ની નીચે આવી ગયો હતો.

બપોરે 2.30 વાગ્યાની આસપાસ બીએસઈ સેન્સેક્સ લગભગ 432 અંક એટલે કે 0.51 ટકાના ઘટાડા સાથે 84,976ના સ્તરે ટ્રેડ થઈ રહ્યો હતો. બીજી તરફ, નિફ્ટી ઈન્ડેક્સ પણ 119 અંક અથવા 0.46 ટકા તૂટીને 26,020.85ના સ્તરે જોવા મળ્યો હતો. ક્રિસમસની રજા બાદ ખુલેલા બજારમાં વિદેશી રોકાણકારોની વેચવાલી અને ગ્લોબલ સંકેતોને કારણે સેન્ટિમેન્ટ નબળું રહ્યું હતું.

આજના શેરબજારમાં આવેલા આ કડાકા પાછળ મુખ્યત્વે 4 મોટા કારણો જવાબદાર છે, જે નીચે મુજબ છે:

1. રૂપિયામાં ઐતિહાસિક નબળાઈ

ભારતીય રૂપિયો અમેરિકન ડોલરની સામે સતત નબળો પડી રહ્યો છે, જેની સીધી અસર બજાર પર જોવા મળી. શુક્રવારે રૂપિયો 23 પૈસા તૂટીને 89.94ના સ્તરે પહોંચી ગયો હતો. ફોરેક્સ માર્કેટમાં રૂપિયો 89.84 પર ખુલ્યો હતો પરંતુ ઈમ્પોર્ટર્સ દ્વારા ડોલરની માંગ અને ક્રૂડના ભાવ વધવાને કારણે તે ગગડીને 89.94 થયો હતો.

2. વિદેશી રોકાણકારો (FII) દ્વારા સતત વેચવાલી

બજાર તૂટવાનું સૌથી મોટું કારણ વિદેશી સંસ્થાકીય રોકાણકારો (FII) દ્વારા થઈ રહેલી સતત વેચવાલી છે. બુધવારે FII દ્વારા ભારતીય બજારમાંથી 1,721.26 કરોડ રૂપિયા પાછા ખેંચી લેવામાં આવ્યા હતા. જીયોજિત ઇન્વેસ્ટમેન્ટ્સના વી.કે. વિજયકુમારના જણાવ્યા મુજબ, અમેરિકાનો જીડીપી ગ્રોથ 2025ના ત્રીજા ક્વાર્ટરમાં 4.3 ટકા રહ્યો છે, જે ખૂબ જ મજબૂત આંકડો છે. આ કારણે અમેરિકન માર્કેટ વધુ આકર્ષક બનતા હેજ ફંડ્સ ભારતમાંથી પૈસા કાઢી રહ્યા છે.