Closing Bell: શેરબજારમાં કડાકો, સેન્સેક્સ 720 પોઈન્ટ તૂટ્યો- નિફ્ટી 26,000ની નીચે ગગડ્યો, રોકાણકારોને મોટો ફટકો

Closing Bell: શેરબજારમાં રોકાણકારો માટે સપ્તાહની શરૂઆત ખૂબ જ નિરાશાજનક રહી છે. આજે માર્કેટમાં ચારે બાજુથી વેચવાલીનું દબાણ જોવા મળ્યું હતું, જેના કારણે મુખ્ય ઈન્ડેક્સ લાલ નિશાનમાં બંધ થયા છે. ખાસ કરીને સેન્સેક્સ અને નિફ્ટીમાં મોટા ગાબડાં પડતાં રોકાણકારોના પોર્ટફોલિયોને અસર થઈ છે.

આજના કારોબારના અંતે સેન્સેક્સ 720 પોઈન્ટ તૂટીને બંધ થયો હતો. જ્યારે બીજી બાજુ નિફ્ટી પણ પોતાની મનોવૈજ્ઞાનિક સપાટી તોડીને 26,000ની નીચે ક્લોઝ થયો છે. માર્કેટનું સેન્ટિમેન્ટ એટલું નબળું હતું કે તમામ સેક્ટોરલ ઈન્ડેક્સ (Sectoral Indices) લાલ નિશાનમાં જ બંધ થયા છે.

મિડકેપ અને સ્મોલકેપમાં ગાબડાં

માત્ર લાર્જ કેપ જ નહીં, પરંતુ નાના અને મધ્યમ કદના શેરોમાં પણ આજે ભારે ધોવાણ જોવા મળ્યું હતું.

BSE Smallcap Index: 2.2% જેટલો મોટો ઘટાડો નોંધાયો.

આજના ટોપ લૂઝર્સ

બજારને નીચે લાવવામાં આ મુખ્ય શેરોમાં આવેલી વેચવાલી જવાબદાર રહી હતી. આજના ટોપ લૂઝર્સ ઇન્ટરગ્લોબ એવિએશન, ભારત ઈલેક્ટ્રોનિક્સ (BEL), JSW સ્ટીલ, બજાજ ફિનસર્વ, શ્રીરામ ફાયનાન્સ રહ્યા હતા.

આજના ટોપ ગેનર્સ

આવા નેગેટિવ માર્કેટમાં પણ IT અને સિમેન્ટ સેક્ટરના કેટલાક શેરોએ મજબૂતી બતાવી હતી. આજના ટોપ ગેનર્સમાં Tech Mahindra, વિપ્રો, HDFC Life, એચડીએફસી ટેક્નોલોજીસ, અલ્ટ્રા ટેક સિમેન્ટ રહ્યા હતા.

આજના સેશન પરથી સ્પષ્ટ છે કે માર્કેટમાં અત્યારે મંદીવાળાઓનું જોર વધારે છે. તમામ સેક્ટર રેડ ઝોનમાં બંધ થવું એ બજારની નબળાઈ સૂચવે છે. રોકાણકારોએ અત્યારે વોલેટાઈલ માર્કેટમાં સાવચેતીપૂર્વક વેપાર કરવો હિતાવહ રહેશે.

આ પણ વાંચો-અત્યારે બજાર પ્રત્યે આટલા નકારાત્મક બનવાની જરૂર નથી, આવતીકાલથી આવી શકે છે રિકવરી