Stock Market Crash: શેરબજારમાં સતત 5મા દિવસે ભયંકર કડાકો, સેન્સેક્સ 917 પોઈન્ટ તૂટ્યો; જાણો બજાર તૂટવા પાછળનાં 6 મોટાં કારણો

Stock Market Crash: ભારતીય શેરબજારમાં શુક્રવાર, 24 જુલાઈના રોજ સળંગ 5મા ટ્રેડિંગ સેશનમાં મોટો કડાકો જોવા મળ્યો છે. આ ઘટાડો સામાન્ય નથી, પરંતુ બજારમાં ભારે વેચવાલીનું દબાણ જોવા મળ્યું છે. જો આજના આંકડા પર નજર કરીએ તો, સેન્સેક્સ લાલ નિશાન સાથે 75708.19 ના સ્તર પર ખુલ્યો હતો. થોડી જ વારમાં તેમાં અગાઉના બંધ કરતા લગભગ 917 પોઈન્ટનું ગાબડું પડ્યું અને તે 75474.43 ના નીચલા સ્તરે પહોંચી ગયો હતો.

આવી જ સ્થિતિ નિફ્ટીની પણ રહી. નિફ્ટી 23666.35 ના સ્તર પર ખુલ્યા બાદ પાછલા ક્લોઝિંગથી 263 પોઈન્ટ તૂટીને 23606.30 ના લેવલ પર પહોંચી ગયો હતો. અગાઉ ગુરુવારે પણ સેન્સેક્સ 363.66 પોઈન્ટ (0.47 ટકા) ઘટીને 76391.39 પર અને નિફ્ટી 126.65 પોઈન્ટ (0.53 ટકા) ઘટીને 23869.60 ના સ્તર પર બંધ થયો હતો.

ચાલો વિસ્તારથી જાણીએ કે શુક્રવારે શેરબજારમાં આવેલા આ ભૂકંપ પાછળ કયા 6 મોટા કારણો જવાબદાર છે:

1. ક્રૂડ ઓઈલની કિંમત 100 ડોલરને પાર

2. ઇન્ફોસિસના શેરમાં મોટો ઘટાડો

દિગ્ગજ આઈટી કંપની ઇન્ફોસિસના શેરમાં શુક્રવારે 3 ટકાનો કડાકો બોલી ગયો હતો, જે NSE પર ટોપ લુઝર સ્ટોક્સમાં સામેલ રહ્યો. કંપનીએ વૈશ્વિક મેક્રો-ઇકોનોમિક અસ્થિરતાને કારણે પોતાના આખા વર્ષના રેવેન્યુ ગ્રોથના અંદાજની ઉપલી મર્યાદા ઘટાડીને 1.5 ટકા થી 3 ટકાની વચ્ચે કરી દીધી છે. જોકે, એપ્રિલ-જૂન ક્વાર્ટરમાં કંપનીનો કોન્સોલિડેટેડ નેટ પ્રોફિટ વાર્ષિક ધોરણે 12.2 ટકા વધીને રૂપિયા 7769 કરોડ અને રેવેન્યુ 14 ટકા વધીને રૂપિયા 48211 કરોડ નોંધાઈ હતી. તેમ છતાં ગાઇડન્સ ઘટાડવાથી રોકાણકારો નિરાશ થયા છે.

3. વિદેશી રોકાણકારોની સતત વેચવાલી

શેરબજારના લેટેસ્ટ ડેટા મુજબ, વિદેશી સંસ્થાકીય રોકાણકારો (FII) સતત માલ વેચી રહ્યા છે. ગુરુવારે પણ તેમણે ભારતીય બજારમાંથી રૂપિયા 2999.23 કરોડના શેર વેચ્યા હતા, જે બજાર પર દબાણ વધારી રહ્યું છે.

4. એશિયન અને ગ્લોબલ માર્કેટમાં મંદી

વૈશ્વિક બજારોનો મૂડ પણ ખરાબ છે. એશિયન બજારોમાં દક્ષિણ કોરિયાનો કોસ્પી (Kospi) ઇન્ડેક્સ 5.56 ટકા જેટલો ખરાબ રીતે તૂટી ગયો છે. આ ઉપરાંત જાપાનનો નિક્કેઈ 225, ચીનનો એસએસઈ કમ્પોઝિટ અને હોંગકોંગનો હેંગસેંગ પણ લાલ નિશાનમાં કારોબાર કરી રહ્યા છે. અગાઉ ગુરુવારે અમેરિકન શેરબજાર પણ ઘટાડા સાથે બંધ થયા હતા.

5. ઇન્ડિયા VIXમાં ઉછાળો

શેરબજારમાં ડર અને અસ્થિરતા માપવા માટે વપરાતો ‘ઇન્ડિયા VIX' 9 ટકા ઉછળીને 14.68 ના સ્તરે પહોંચી ગયો છે. આ દર્શાવે છે કે રોકાણકારોમાં ભારે ડર અને અનિશ્ચિતતાનો માહોલ છે. જ્યારે VIX વધે છે, ત્યારે જોખમ ન લેવા માંગતા રોકાણકારો બજારમાંથી પૈસા પાછા ખેંચવા લાગે છે.

6. વધતો જિયો-પોલિટિકલ તણાવ

મધ્ય પૂર્વમાં યુદ્ધનું સંકટ વધુ ઘેરું બન્યું છે. યમનના હૂથી બળવાખોરોએ લાલ સમુદ્રમાં સાઉદી અરેબિયાના બે ઓઇલ ટેન્કરો પર હુમલો કર્યા બાદ અમેરિકી રાષ્ટ્રપતિ ડોનાલ્ડ ટ્રમ્પે ઈરાન અને તેના સહયોગી હૂથીઓને આકરી સૈન્ય સજા આપવાની ચેતવણી આપી છે. આ વૈશ્વિક તણાવની સીધી અસર ગ્લોબલ સપ્લાય ચેઈન અને શેરબજાર પર પડી રહી છે.

એક તરફ મોંઘુ ક્રૂડ ઓઇલ અને બીજી તરફ વૈશ્વિક યુદ્ધની ભીતિ - આ બંને પરિબળોએ ભારતીય શેરબજારને બાનમાં લીધું છે. જ્યાં સુધી વૈશ્વિક સ્થિતિ સામાન્ય નહીં થાય ત્યાં સુધી બજારમાં ઉતાર-ચઢાવ જોવા મળી શકે છે. રોકાણકારોએ હાલ પૂરતી સાવચેતી રાખવી હિતાવહ છે.

આ પણ વાંચો- Swiggy Share Crash: સ્વિગીના શેરમાં મોટો કડાકો! કંપનીના એક જ નિર્ણયથી રોકાણકારોના કરોડો સ્વાહા, જાણો ઘટાડાનું મુખ્ય કારણ

ડિસ્ક્લેમર: (આ જાણકારી ફક્ત સૂચના હેતુ આપવામાં આવી રહી છે. અહીં બતાવુ જરૂરી છે કે માર્કેટમાં રોકાણ બજાર જોખમોના આધીન છે. રોકાણકારોની રીતે પૈસા લગાવાથી પહેલા હંમેશા એક્સપર્ટથી સલાહ લે. મનીકંટ્રોલની તરફથી કોઈને પણ પૈસા લગાવાની અહીં ક્યારેય પણ સલાહ નથી આપવામાં આવી છે.)