ભારતીય શેરબજારમાં 20 નવેમ્બરના રોજ શરૂઆતના ઘટાડા બાદ જોરદાર રિકવરી જોવા મળી હતી. શરૂઆતના કારોબારમાં સેન્સેક્સ અને નિફ્ટી બંનેમાં ભારે ઘટાડો નોંધાયો હતો, પરંતુ ત્યારબાદ બજારમાં ખરીદીનો માહોલ જોવા મળ્યો હતો. સેન્સેક્સ દિવસના નીચલા સ્તરેથી 1,036 પોઇન્ટ સુધી ઉછળીને 83,439.29ની ઊંચી સપાટીએ પહોંચ્યો હતો. જ્યારે નિફ્ટીએ પણ દિવસના નીચલા સ્તરેથી 292 પોઇન્ટ સુધીની રિકવરી નોંધાવીને 25,637.65ની ઊંચી સપાટી બનાવી હતી.

