Stock Market Update: શેરબજારમાં તોફાની તેજી! સેન્સેક્સ 300 અંક ઉછળ્યો, નિફ્ટી 25700 પાર, જાણો આજનું માર્કેટ અપડેટ

Stock Market Today: ભારતીય શેરબજારમાં સપ્તાહના પ્રથમ ટ્રેડિંગ સેશન એટલે કે સોમવારની શરૂઆત દમદાર રહી છે. રોકાણકારો માટે આજનો દિવસ ખૂબ જ સારા સંકેતો લઈને આવ્યો છે. ગિફ્ટ નિફ્ટી (GIFT Nifty) અને વૈશ્વિક બજારોમાંથી મળી રહેલા પોઝિટિવ સંકેતોને કારણે ભારતીય બજારમાં ખરીદીનો માહોલ જોવા મળી રહ્યો છે.

GIFT Niftyમાં 200 અંકનો ઉછાળો

કેમ આવ્યું બજારમાં જોશ?

બજારમાં આ તેજી પાછળનું મુખ્ય કારણ અમેરિકાથી આવેલા સમાચાર છે. અમેરિકાની સુપ્રીમ કોર્ટે રાષ્ટ્રપતિ ડોનાલ્ડ ટ્રમ્પના કેટલાક વ્યાપારી ટેરિફ (Tarrif) નિયમોને ફગાવી દીધા છે. આ નિર્ણય બાદ વૈશ્વિક સ્તરે જોખમ ઘટ્યું છે અને રોકાણકારોનું સેન્ટિમેન્ટ સુધર્યું છે, જેના કારણે ખરીદી વધી છે.

શુક્રવારનું માર્કેટ કેવું હતું?

આ પહેલા ગત સપ્તાહના છેલ્લા દિવસે એટલે કે શુક્રવારે પણ બજાર ગ્રીન ઝોનમાં બંધ રહ્યું હતું.

BSE Sensex: 316.57 અંક (0.38%) વધીને 82,814.71 પર બંધ થયો હતો.

NSE Nifty: 116.90 અંક (0.46%) ની તેજી સાથે 25,571.25 પર બંધ થયો હતો.

વૈશ્વિક બજારોમાં પણ તેજીનો માહોલ

આજે એશિયાના બજારોમાં પણ હરિયાળી જોવા મળી રહી છે.

* દક્ષિણ કોરિયાનો Kospi Index સતત ત્રીજા દિવસે વધીને રેકોર્ડ હાઈ પર પહોંચ્યો છે, જેમાં 1.7% નો ઉછાળો નોંધાયો છે.

* ઓસ્ટ્રેલિયાનો માર્કેટ પણ 0.17% ની મામૂલી તેજી સાથે ખુલ્યો છે.

નોંધનીય છે કે ચીન અને જાપાનના બજારો આજે રજાના કારણે બંધ છે.

બીજી તરફ, શુક્રવારે અમેરિકન બજારો (Wall Street) પણ જોરદાર તેજી સાથે બંધ થયા હતા. ગૂગલની પેરેન્ટ કંપની આલ્ફાબેટ અને એમેઝોન જેવા શેરોમાં ઉછાળાને કારણે S&P 500 માં 0.69%, Nasdaq માં 0.90% અને Dow Jonesમાં 0.47%ની તેજી જોવા મળી હતી.

ટ્રમ્પનો નવો પ્લાન

જોકે, વ્યાપાર યુદ્ધની ચિંતાઓ હજુ સંપૂર્ણ ટળી નથી. સુપ્રીમ કોર્ટના ઝટકા બાદ ટ્રમ્પે કહ્યું છે કે તેઓ ગ્લોબલ ટેરિફને 10% થી વધારીને 15% કરવાની યોજના બનાવી રહ્યા છે. કોર્ટે 1977 ના કાયદા હેઠળ ટ્રમ્પના કેટલાક જૂના નિર્ણયો રદ કર્યા છે, જેના જવાબમાં આ નવી જાહેરાત કરવામાં આવી છે.

FII અને DIIનો ડેટા

ભારતીય બજારમાં વિદેશી અને ઘરેલુ બંને સંસ્થાઓએ ખરીદી કરી છે, જે બજાર માટે સારા સંકેત છે.

FII (વિદેશી રોકાણકારો): 947.57 કરોડ રૂપિયાના શેર ખરીદ્યા.

DII (ઘરેલુ રોકાણકારો): 2,479.99 કરોડ રૂપિયાની જોરદાર ખરીદી કરી.

IPO અપડેટ: આજે કમાણીની તક

પ્રાઈમરી માર્કેટમાં પણ આજે ઘણી હલચલ છે. રોકાણકારો માટે આજે નીચે મુજબના વિકલ્પો ખુલ્લા છે:

નવા IPO: Clean Max Enviro Energy Solutions અને Shree Ram Twistex ના આઈપીઓ આજથી સબસ્ક્રિપ્શન માટે ખુલી રહ્યા છે.

ચાલુ IPO: Gaudium IVF & Women Health IPO માં અરજી કરવાનો આજે બીજો દિવસ છે.

SME IPO: એસએમઈ સેગમેન્ટમાં ત્રણ નવા ઈશ્યુ આવી રહ્યા છે - Accord Transformer & Switchgear, Mobilize App Lab અને Kiasa Retail.

આજના ટ્રેડિંગ સેશનમાં બજારની આ મજબૂતી ટકી રહે છે કે કેમ તે જોવું રસપ્રદ રહેશે. રોકાણકારોએ વૈશ્વિક સમાચારો પર ખાસ નજર રાખવી જોઈએ.

આ પણ વાંચો - Stocks to Watch: આજે IDFC First Bank અને UPL સહિત આ શેર્સ રહેશે ફોકસમાં, 590 કરોડના ફ્રોડના સમાચારથી હલચલ

ડિસ્ક્લેમર: Moneycontrol.com પર વ્યક્ત કરાયેલા મંતવ્યો નિષ્ણાતોના અંગત મંતવ્યો છે. આ માટે વેબસાઇટ અથવા મેનેજમેન્ટ જવાબદાર નથી. મની કંટ્રોલ યુઝર્સને કોઈપણ રોકાણ નિર્ણય લેતા પહેલા પ્રમાણિત નિષ્ણાતની સલાહ લેવાની સલાહ આપે છે.