શેરબજારમાં જોરદાર તેજી: નિફ્ટી 24500ને પાર, જાણો આજના માર્કેટની ટ્રેડિંગ રણનીતિ અને કયા શેરમાં રોકાણ કરવું?

Market Trend: ગ્લોબલ માર્કેટમાંથી મળી રહેલા સારા સંકેતોની સીધી અસર આજે ભારતીય શેરબજાર પર જોવા મળી છે. માર્કેટ ખુલતાની સાથે જ બેન્ચમાર્ક ઈન્ડેક્સમાં સારી એવી તેજી જોવા મળી અને નિફ્ટીએ 24500 નો આંકડો પાર કરી લીધો છે. સવારે 10 વાગ્યાની આસપાસ સેન્સેક્સ 519.05 પોઈન્ટ 0.66%ના ઉછાળા સાથે 78,613.69 પર ટ્રેડ થઈ રહ્યો હતો. જ્યારે નિફ્ટી 172.95 પોઈન્ટ 0.71% વધીને 24,556.55 ની સપાટી પર પહોંચી ગયો હતો.

આજના ટોપ ગેનર્સ અને લુઝર્સ

બજારમાં આજે ચોમેર હરિયાળી જોવા મળી રહી છે. તમામ સેક્ટર ઈન્ડેક્સ ગ્રીન ઝોનમાં છે, જેમાં ખાસ કરીને FMCG અને ટેલિકોમ સેક્ટરમાં 1-1% નો મજબૂત ઉછાળો નોંધાયો છે.

ટોપ ગેનર્સ: ઈન્ટરગ્લોબ એવિએશન (Indigo), બજાજ ફાઈનાન્સ, ITC, TMPV અને બજાજ ફિનસર્વ જેવા શેરોમાં સૌથી વધુ ખરીદી જોવા મળી રહી છે.

નિફ્ટી માટે ટ્રેડિંગ રણનીતિ: એક્સપર્ટનો મત

સીએનબીસી-આવાઝના માર્કેટ એક્સપર્ટ વીરેન્દ્ર કુમારે પોતાની રણનીતિ શેર કરતા જણાવ્યું છે કે, શુક્રવારે નિફ્ટીએ તેના ઉપરના તમામ લક્ષ્યાંકો પૂરા કર્યા હતા. બજારમાં FIIs દ્વારા કેશમાં ખરીદી કરવામાં આવી છે અને ઈન્ડેક્સમાં શોર્ટ કવરિંગ પણ જોવા મળ્યું છે. નેટ શોર્ટ પોઝિશન 13,500 ઘટીને 1.73 લાખ પર આવી ગઈ છે. અમેરિકન બજારોમાંથી પણ સારા સંકેતો છે અને કાચા તેલ ના ભાવમાં ઘટાડો માર્કેટ માટે મોટી રાહતના સમાચાર છે.

નિફ્ટીનો સપોર્ટ: પહેલો બેઝ 24266-24309 પર અને મોટો બેઝ 24178-24219 પર છે.

નિફ્ટીનો રેઝિસ્ટન્સ: પહેલો રેઝિસ્ટન્સ 24457-24493/24521 પર છે, જ્યારે મોટો સપ્લાય ઝોન 24541-24586 પર રહેશે.

ટ્રેડિંગ ટિપ: 24500-24600ના લેવલ પર કોલ રાઈટિંગ અને 24300-24200 પર પુટ રાઈટિંગ જોવા મળી છે. જો માર્કેટમાં ઘટાડો આવે અને નિફ્ટી પહેલા બેઝ સુધી જાય, તો ત્યાંથી 'ખરીદી' કરવાની રણનીતિ અપનાવવી જોઈએ. 24586 ની ઉપર ટકશે તો જ નવા ટાર્ગેટ જોવા મળશે.

બેન્ક નિફ્ટી માટે ટ્રેડિંગ રણનીતિ

બેન્ક નિફ્ટી હાલમાં એક રેન્જમાં ટ્રેડ કરી રહ્યો છે, પરંતુ તેમાં પ્રોફિટ કમાવવાની પૂરી તક છે. કાચા તેલમાં નરમીને કારણે બેન્કિંગ સેક્ટરનું સેન્ટિમેન્ટ આજે પોઝિટિવ રહી શકે છે. 57000 ના લેવલ પર સૌથી વધુ કોલ અને પુટ રાઈટિંગ થયેલી છે.

બેન્ક નિફ્ટી સપોર્ટ: પહેલો સપોર્ટ 56626-56801 પર અને મોટો સપોર્ટ 56468-56561 પર છે.

બેન્ક નિફ્ટી રેઝિસ્ટન્સ: પહેલો રેઝિસ્ટન્સ 57443-57578 અને ત્યારપછી મોટો રેઝિસ્ટન્સ 57813-57967/58081 પર રહેશે.

ટ્રેડિંગ ટિપ: અહીં પણ પહેલા બેઝ સુધીના કોઈપણ ઘટાડે ખરીદી કરી શકાય. 58000 ના લેવલ પર ભારે કોલ રાઈટિંગ હોવાથી હાલ પૂરતી 58081 સુધીની જ તેજીનો અંદાજ છે. આ લેવલ પાર થશે તો જ નવી તેજી આવશે.

આજના ચકાચક ચાર્ટ વાળા 2 બેસ્ટ સ્ટોક્સ

જો તમે આજે કોઈ સ્પેસિફિક શેરમાં રોકાણ કરવાનું વિચારી રહ્યા છો, તો જાણીતા માર્કેટ એક્સપર્ટ માનસ જાયસ્વાલ દ્વારા બે શાનદાર શેરની ભલામણ કરવામાં આવી છે:

GAIL (ગેલ): આ શેરમાં શાનદાર ચાર્ટ પેટર્ન બની રહી છે. 176 રૂપિયાના સ્ટોપ-લોસ સાથે 190 રૂપિયાના ટાર્ગેટ માટે આ શેરમાં ખરીદી કરી શકાય છે.

Ashok Leyland (અશોક લેલેન્ડ): ઓટો સેક્ટરના આ શેરમાં 163 રૂપિયાના સ્ટોપ-લોસ સાથે ખરીદીની સલાહ છે. આ શેર માટે ઉપરની તરફ 172 રૂપિયાનો ટાર્ગેટ આપવામાં આવ્યો છે.

આ પણ વાંચો- Propshop IPO Listing: શેરબજારમાં ખરાબ એન્ટ્રી, લિસ્ટિંગ થતાં જ લાગી લોઅર સર્કિટ, રોકાણકારોને એક જ લોટ પર 33,100 રૂપિયાનો મોટો ફટકો

ડિસ્ક્લેમર: આ માહિતી માત્ર જાણકારીના હેતુથી આપવામાં આવી છે. અહીં જણાવવું જરૂરી છે કે શેરબજારમાં રોકાણ એ બજારના જોખમોને આધીન છે. રોકાણકારોએ કોઈપણ જગ્યાએ નાણાં રોકતા પહેલા હંમેશા નિષ્ણાતની સલાહ લેવી જોઈએ. મનીકંટ્રોલ દ્વારા ક્યારેય પણ કોઈને રોકાણ કરવાની સલાહ આપવામાં આવતી નથી.