Dividend Stocks: 29 જૂને Jyothy Labs અને Nerolac સહિત આ 4 કંપનીઓ વહેંચશે ડિવિડન્ડ, તમારા પોર્ટફોલિયોમાં છે આ શેર?

Dividend Stocks: જો તમે શેરબજારમાં રોકાણ કર્યું છે, તો તમારા માટે એક મહત્વના સમાચાર છે. આગામી 29 જૂન, 2026 નો દિવસ રોકાણકારો માટે ખાસ છે, કારણ કે આ દિવસે 4 દિગ્ગજ કંપનીઓ ડિવિડન્ડ માટે એક્સ-ડેટ ટ્રેડ કરશે. જે રોકાણકારોના નામ રેકોર્ડ ડેટ સુધી કંપનીના રજીસ્ટરમાં હશે, તેમને આ ડિવિડન્ડનો લાભ મળશે.

કઈ કંપની કેટલું ડિવિડન્ડ આપશે?

આ 4 કંપનીઓએ નાણાકીય વર્ષ 2025-26 માટે ડિવિડન્ડની જાહેરાત કરી છે.

કલ્પતરુ પ્રોજેક્ટ્સ ઇન્ટરનેશનલ

કન્સાઈ નેરોલેક પેઈન્ટ્સ

રંગકામ ક્ષેત્રની આ કંપની શેર દીઠ 2.50 રૂપિયાનું ડિવિડન્ડ આપશે. 9 જુલાઈની વાર્ષિક સભા બાદ 14 જુલાઈ કે ત્યાર પછી ડિવિડન્ડની રકમ ચૂકવવામાં આવશે.

જ્યોતિ લેબ્સ

જાણીતી એફએમસીજી કંપની જ્યોતિ લેબ્સ શેર દીઠ 3.50 રૂપિયાનું ડિવિડન્ડ જાહેર કર્યું છે. આ ડિવિડન્ડની ચૂકવણી 14 જુલાઈના રોજ અથવા તેના પછી કરવામાં આવશે.

રેમન્ડ લાઈફસ્ટાઈલ

ફેશન અને લાઈફસ્ટાઈલ ક્ષેત્રની આ કંપની શેર દીઠ 1 રૂપિયાનું ડિવિડન્ડ આપશે. કંપનીએ 14 જુલાઈની વાર્ષિક સભા બાદ પેમેન્ટની પ્રક્રિયા હાથ ધરવાની યોજના બનાવી છે.

રોકાણકારો માટે જરૂરી માહિતી

ઉલ્લેખનીય છે કે, રેમન્ડ લાઈફસ્ટાઈલ અગાઉ 'રેમન્ડ કન્ઝ્યુમર કેર લિમિટેડ' તરીકે ઓળખાતી હતી, જે સપ્ટેમ્બર 2024 માં લિસ્ટ થઈ હતી. આ કંપનીઓ ડિવિડન્ડની જાહેરાત મે મહિનામાં જ કરી ચૂકી છે. ડિવિડન્ડ મેળવવા માટે તમારી પાસે નિર્ધારિત રેકોર્ડ ડેટ પહેલા આ કંપનીઓના શેર તમારા ડીમેટ ખાતામાં હોવા આવશ્યક છે.

શેરબજારના જાણકારો માને છે કે ડિવિડન્ડ આપતી કંપનીઓમાં રોકાણ કરવું એ લાંબા ગાળાના રોકાણકારો માટે આવકનો એક વધારાનો સ્ત્રોત બની શકે છે. જોકે, રોકાણ કરતા પહેલા કંપનીઓના ફંડામેન્ટલ્સ અને માર્કેટ સ્થિતિ તપાસવી હંમેશા હિતાવહ છે.

તમે પણ જો આ કંપનીઓના શેર ધરાવતા હોવ, તો 29 જૂનની તારીખ ખાસ નોંધ કરી લેવી જેથી તમે આ ડિવિડન્ડનો લાભ મેળવી શકો.

આ પણ વાંચો- દિલ્હી સહિત અન્ય રાજ્યોમાં ચોમાસાની રાહ લંબાશે, IMDનું નવું અનુમાન, જાણી લો હવે ક્યારે પડશે વરસાદ?