શેરબજારમાં ‘વેઇટ એન્ડ વોચ'નો માહોલ: ઘટાડે ફાર્મા, ડિફેન્સ અને હોસ્પિટલના આ શેરોમાં રોકાણ કરાવશે તગડી કમાણી!

Top Stock Picks: શેરબજારમાં છેલ્લા કેટલાક દિવસોથી ભારે ઉથલપાથલ અને અનિશ્ચિતતાનો માહોલ જોવા મળી રહ્યો છે. તાજેતરના ટ્રેડિંગ સેશનમાં સેન્સેક્સ અને નિફ્ટીમાં વ્યાપક વેચવાલી જોવા મળી છે. બેન્ચમાર્ક ઈન્ડેક્સ સેન્સેક્સ 571.57 અંક એટલે કે 0.75%ના ઘટાડા સાથે 75819.82ની સપાટીએ જોવા મળ્યો છે. જ્યારે નિફ્ટી 163.20 અંક 0.68% ઘટીને 23706.40 પર કારોબાર કરી રહ્યો છે. આ ઉપરાંત નિફ્ટી મિડકેપ અને સ્મોલકેપ ઈન્ડેક્સમાં પણ 0.5%નો ઘટાડો નોંધાયો છે. આવા સમયે નાના રોકાણકારો મૂંઝવણમાં છે કે કયા શેરમાં પૈસા લગાવવા અને ક્યાંથી દૂર રહેવું.

આવી સ્થિતિમાં રોકાણકારોને માર્ગદર્શન આપતા જેએમ ફાઈનાન્શિયલ સર્વિસીસના PMSના મેનેજિંગ ડિરેક્ટર આશિષ ચતુરમોહતાએ ટેકનો-ફંડા નજરિયા સાથે કેટલીક મહત્વની વાતો શેર કરી છે.

બજાર કેમ ઘટી રહ્યું છે?

આશિષ ચતુરમોહતાના જણાવ્યા અનુસાર, બજારમાં અત્યારે અનિશ્ચિતતાના કેટલાક મુખ્ય કારણો છે:

ગ્લોબલ માર્કેટનું દબાણ: તાઈવાન, કોરિયા અને અમેરિકા જેવા વૈશ્વિક બજારોમાં આર્ટિફિશિયલ ઈન્ટેલિજન્સ ડેટા સેન્ટર સંબંધિત શેરોમાં ભારે વેચવાલી આવી છે. AI પાછળ થઈ રહેલા મોટા ખર્ચને કારણે Apple જેવી મોટી કંપનીઓની આવક પર પણ શંકા ઊભી થઈ છે.

જિયો-પોલિટિકલ ટેન્શન: જો મધ્ય પૂર્વમાં સંકટ વધુ ઘેરું બનશે, તો તેની સીધી અસર દુનિયાભરના શેરબજારો પર જોવા મળશે.

નિફ્ટી માટે શું છે સપોર્ટ લેવલ?

નિફ્ટી લાંબા સમયથી તેની 200 દિવસની મૂવિંગ એવરેજને જાળવી રાખવાનો પ્રયાસ કરી રહ્યો હતો, પરંતુ બેન્કિંગ સેક્ટરમાં આવેલા ઘટાડાને કારણે તે શક્ય બન્યું નથી. આશિષ ચતુરમોહતાની સલાહ છે કે અત્યારે બજારમાં 'વેઈટ એન્ડ વોચ'ની નીતિ અપનાવવી જોઈએ. નિફ્ટી માટે 23500 થી 23400 નું લેવલ એક મજબૂત સપોર્ટ છે. જો આ સપોર્ટ તૂટશે તો બજારમાં વધુ નબળાઈ આવી શકે છે. તેથી હાલ લોંગ કે શોર્ટ, બંને બાજુની પોઝિશન બનાવવામાં ઉતાવળ ટાળવી.

ઘટાડે કયા શેરોમાં કરશો ખરીદી?

બજારના આ ઘટાડાને એક તક તરીકે જોતા એક્સપર્ટે ત્રણ ખાસ સેક્ટરમાં રોકાણ કરવાની સલાહ આપી છે:

1. હોસ્પિટલ સ્ટોક્સ

હોસ્પિટલ સેક્ટર અત્યારે આશિષ ચતુરમોહતાની પહેલી પસંદ છે. આ સેક્ટરમાં હાલ મોટું કન્સોલિડેશન ચાલી રહ્યું છે. મોટી હોસ્પિટલો નાની હોસ્પિટલોને વાજબી ભાવે ખરીદી રહી છે. દર્દીઓનો રોકાવાનો સમય ઘટી રહ્યો છે અને હોસ્પિટલોનો ઓક્યુપન્સી રેટ વધી રહ્યો છે.

ટોપ પિક્સ: લાર્જ કેપમાં એપોલો હોસ્પિટલ અને મેક્સ હોસ્પિટલ શ્રેષ્ઠ લાગે છે. જ્યારે મિડ અને સ્મોલ કેપમાં એસ્ટર ડીએમ અને પાર્ક મેડી પર નજર રાખી શકાય.

2. ફાર્મા સેક્ટર

ફાર્મા સેક્ટરમાં જિનેરિક દવાઓ કરતા સ્પેશિયાલિટી CDMO અને CRDMO સ્પેસ વધુ સુરક્ષિત માનવામાં આવે છે. આ કંપનીઓ પર ટેરિફને લગતી અનિશ્ચિતતાની અસર થતી નથી.

ટોપ પિક્સ: બજારમાં ઘટાડો આવે ત્યારે નવીન ફ્લોરિન, બાયોકોન અને લોરસ લેબ જેવા શેરોમાં ખરીદીની તક શોધી શકાય છે.

3. ડિફેન્સ સેક્ટર

સરકારનું સતત ફોકસ અને મજબૂત ઓર્ડર બુકના કારણે ડિફેન્સ સેક્ટર હજુ પણ આકર્ષક છે. આ કંપનીઓ હવે ડિઝાઇનિંગ અને મેન્યુફેક્ચરિંગ બંને પર ભાર મૂકી રહી છે.

ટોપ પિક્સ: એરોસ્પેસ એન્જિનિયરિંગ અને ડિફેન્સ સંબંધિત સારી કંપનીઓના શેરોમાં કોઈપણ મોટા ઘટાડે લાંબા ગાળા માટે રોકાણ કરી શકાય છે.

આ પણ વાંચો- Stock Market Crash: શેરબજારમાં સતત 5મા દિવસે ભયંકર કડાકો, સેન્સેક્સ 917 પોઈન્ટ તૂટ્યો; જાણો બજાર તૂટવા પાછળનાં 6 મોટાં કારણો

ડિસ્ક્લેમર: (આ જાણકારી ફક્ત સૂચના હેતુ આપવામાં આવી રહી છે. અહીં બતાવુ જરૂરી છે કે માર્કેટમાં રોકાણ બજાર જોખમોના આધીન છે. રોકાણકારોની રીતે પૈસા લગાવાથી પહેલા હંમેશા એક્સપર્ટથી સલાહ લે. મનીકંટ્રોલની તરફથી કોઈને પણ પૈસા લગાવાની અહીં ક્યારેય પણ સલાહ નથી આપવામાં આવી છે.)