Mutual Fund Schemes: શેરબજાર તૂટ્યું તો પણ આ 5 મ્યુચ્યુઅલ ફંડ્સમાં થઈ તગડી કમાણી, 3 વર્ષમાં મળ્યું 24% સુધીનું બમ્પર રિટર્ન

Mutual Fund Schemes: છેલ્લા થોડા અઠવાડિયાથી ભારતીય શેરબજારમાં જે ઉથલપાથલ ચાલી રહી છે, તેનાથી રોકાણકારોના જીવ તાળવે ચોંટી ગયા છે. બજારની આ અસ્થિરતાને કારણે ઘણા લોકોના સ્ટોક પોર્ટફોલિયો લાલ રંગે રંગાઈ ગયા છે અને તેની અસર મ્યુચ્યુઅલ ફંડ પોર્ટફોલિયો પર પણ જોવા મળી છે. જોકે, આ મુશ્કેલ સમયમાં પણ કેટલીક મ્યુચ્યુઅલ ફંડ સ્કીમ્સ એવી છે જેણે જાણે કે રોકાણકારો માટે સુરક્ષા કવચનું કામ કર્યું છે.

આજે અમે તમને એવી 5 'મલ્ટી કેપ મ્યુચ્યુઅલ ફંડ' સ્કીમ્સ વિશે જણાવીશું, જેમણે બજારના ઉતાર-ચઢાવ વચ્ચે પણ છેલ્લા 3 વર્ષમાં રોકાણકારોને 23.85% સુધીનું તગડું રિટર્ન કમાઈ આપ્યું છે.

1. કોટક મલ્ટી કેપ ફંડ

AMFIના ડેટા પર નજર કરીએ તો, છેલ્લા 3 વર્ષમાં સૌથી વધુ કમાણી કરાવવામાં કોટક મલ્ટી કેપ ફંડ મોખરે રહ્યું છે. આ ફંડના ડાયરેક્ટ પ્લાને રોકાણકારોને 3 વર્ષમાં 23.85%નું જબરદસ્ત રિટર્ન આપ્યું છે, જે બજારની હાલની સ્થિતિમાં ખૂબ જ ઉત્તમ ગણાય.

વળતર આપવાની રેસમાં બીજા નંબરે આવે છે એક્સિસ મલ્ટી કેપ ફંડ. આ મ્યુચ્યુઅલ ફંડ સ્કીમના ડાયરેક્ટ પ્લાને છેલ્લા 3 વર્ષના ગાળામાં રોકાણકારોને 22.66%નું શાનદાર રિટર્ન આપ્યું છે. આ ફંડે રોકાણકારોના પોર્ટફોલિયોને મજબૂતી આપી છે.

3. મહિન્દ્રા મેન્યુલાઈફ મલ્ટી કેપ ફંડ

આ લિસ્ટમાં ત્રીજું નામ મહિન્દ્રા મેન્યુલાઈફ મલ્ટી કેપ ફંડનું છે. જે રોકાણકારોએ આ સ્કીમ પર ભરોસો મૂક્યો હતો, તેમને નિરાશ થવું પડ્યું નથી. આ ફંડના ડાયરેક્ટ પ્લાને છેલ્લા 3 વર્ષમાં 20.81% જેટલું રિટર્ન જનરેટ કર્યું છે.

4. નિપ્પોન ઈન્ડિયા મલ્ટી કેપ ફંડ

સૌથી વધુ વળતર આપતા મલ્ટી કેપ ફંડ્સમાં ચોથા ક્રમે નિપ્પોન ઈન્ડિયા મલ્ટી કેપ ફંડ આવે છે. આ ફંડ સ્કીમના ડાયરેક્ટ પ્લાને પણ રોકાણકારોને રાજી કરી દીધા છે અને 20.70% નું શ્રેષ્ઠ રિટર્ન આપ્યું છે.

5. એલઆઈસી એમએફ મલ્ટી કેપ ફંડ

છેલ્લા 3 વર્ષમાં સારૂ પ્રદર્શન કરનાર લિસ્ટમાં પાંચમું નામ LIC MF મલ્ટી કેપ ફંડનું છે. આ ફંડે પણ સાતત્ય જાળવી રાખતા રોકાણકારોને 20.68% નું રિટર્ન આપ્યું છે, જે ફિક્સ્ડ ડિપોઝિટ કરતા અનેકગણું વધારે છે.

ડિસ્ક્લેમર: આ આર્ટિકલ માત્ર માહિતીના હેતુ માટે છે. મ્યુચ્યુઅલ ફંડમાં રોકાણ બજારના જોખમોને આધીન છે. કોઈપણ પ્રકારનું રોકાણ કરતા પહેલા તમારા નાણાકીય સલાહકારની ચોક્કસ મદદ લો.

આ પણ વાંચો-Budget 2026: 'બજેટ' શબ્દ ક્યાંથી આવ્યો? આઝાદ ભારતનું પહેલું બજેટ કોણે રજૂ કર્યું હતું? જાણો રસપ્રદ ઈતિહાસ