ખુલી ગયો SBIનો નવો ડિફેન્સ ફંડ! પોર્ટફોલિયોના 50%થી વધુ પૈસા માત્ર આ 5 શેરોમાં જ રોકાશે, પૈસા લગાવતા પહેલાં જાણી લો ફાયદા અને જોખમ
SBI Defence NFO: SBI મ્યુચ્યુઅલ ફંડનો નવો 'SBI BSE India Defence ETF Fund of Fund' NFO 16 થી 30 નવેમ્બર સુધી ખુલ્લો છે. તેમાં ટોપ 5 શેરોનો હિસ્સો 56% થી વધુ છે. જાણો રોકાણ કરવું કે નહીં.
આ સ્કીમ સીધી રીતે અલગ-અલગ કંપનીઓના શેર ખરીદવાને બદલે તેની અંતર્ગત મ્યુચ્યુઅલ ફંડ સ્કીમ 'SBI BSE India Defence ETF'ના યુનિટ્સમાં રોકાણ કરશે.
SBI BSE India Defence ETF Fund of Fund: એસબીઆઈ મ્યુચ્યુઅલ ફંડે (SBI Mutual Fund) રોકાણકારો માટે દેશના ઝડપથી વિકસતા ડિફેન્સ સેક્ટરમાં રોકાણ કરવાનો એક નવો રસ્તો ખોલી દીધો છે. ફંડ હાઉસની નવી સ્કીમ ‘SBI BSE India Defence ETF Fund of Fund'નો ન્યૂ ફંડ ઓફર (NFO) ગઈકાલે એટલે કે 16 નવેમ્બરથી સબ્સ્ક્રિપ્શન માટે ખુલી ચૂક્યો છે અને તે 30 નવેમ્બર 2026 સુધી ખુલ્લો રહેશે. રોકાણકારો આ NFO માં પ્રતિ યુનિટ 10ની ઈશ્યૂ પ્રાઈસ પર અરજી કરી શકે છે, જેમાં ઓછામાં ઓછું પ્રારંભિક રોકાણ 5,000 નક્કી કરવામાં આવ્યું છે. જોકે, આ ફંડમાં પૈસા રોકતા પહેલાં એ જાણવું ખૂબ જ જરૂરી છે કે તેના પોર્ટફોલિયોનો મોટો હિસ્સો ગણતરીની કંપનીઓમાં જ કેન્દ્રિત છે, જ્યાં માત્ર ટોચના 5 શેરોની હિસ્સેદારી જ 53% વાસ્તવમાં 56.27%થી વધુ છે.
કેવી રીતે કામ કરે છે SBI Defence FoF?
ETFમાં રોકાણ: આ સ્કીમ સીધી રીતે અલગ-અલગ કંપનીઓના શેર ખરીદવાને બદલે તેની અંતર્ગત મ્યુચ્યુઅલ ફંડ સ્કીમ 'SBI BSE India Defence ETF'ના યુનિટ્સમાં રોકાણ કરશે.
પેસિવ મેનેજમેન્ટ: આ ફંડ 'BSE India Defence Index'ને ટ્રેક કરે છે. તેમાં કોઈ ફંડ મેનેજર દ્વારા સક્રિય રીતે શેરોની પસંદગી કરવામાં આવતી નથી, પરંતુ તેનું વળતર સીધું જ ETFના પ્રદર્શન અને તેના પર લાગતા ખર્ચ પર નિર્ભર કરે છે.
ઘરેલુ સંરક્ષણ ઉત્પાદનને પ્રોત્સાહન આપવા, આયાત પરની નિર્ભરતા ઘટાડવા અને ડિફેન્સ નિકાસ વધારવાના સરકારી પ્રયાસોને કારણે રોકાણકારોમાં ડિફેન્સ શેરોનો ક્રેઝ સતત જળવાઈ રહ્યો છે. ઉલ્લેખનીય છે કે SBI મ્યુચ્યુઅલ ફંડે ગત 13 ઓગસ્ટ 2026ના રોજ સેબી સમક્ષ આ સ્કીમનો ડ્રાફ્ટ રજૂ કર્યો હતો.
માત્ર આ 5 શેરોમાં જ લાગેલા છે 56.27% પૈસા: HAL અને BELનો દબદબો
આ ફંડના બેન્ચમાર્ક ઈન્ડેક્સનું કન્સન્ટ્રેશન રોકાણકારો માટે સૌથી મહત્વનું પાસું છે. 30 ઓક્ટોબર 2026 ની ફેક્ટશીટ મુજબ, ઈન્ડેક્સના કુલ 33 શેરોમાંથી માત્ર ટોચની 3 કંપનીઓનો હિસ્સો જ 45.55% છે, જ્યારે ટોચની 5 કંપનીઓનું કુલ વેઈટેજ 56.27% છે:
આ ઈન્ડેક્સ કેપ્ડ ફ્રી-ફ્લોટ માર્કેટ કેપિટલાઈઝેશન પદ્ધતિ પર કામ કરે છે અને દર વર્ષે જૂન તેમજ ડિસેમ્બર મહિનામાં તેની સમીક્ષા કરવામાં આવે છે.
ડિફેન્સ ઈન્ડેક્સનું અત્યાર સુધીનું રિટર્ન અને મોંઘું વેલ્યુએશન
30 ઓક્ટોબર 2026 સુધીની ફેક્ટશીટ અનુસાર, BSE India Defence Index એ નીચે મુજબનું વાર્ષિક વળતર આપ્યું છે:
* 1 વર્ષમાં: 5.57%
* 3 વર્ષમાં: 34.75%
* 5 વર્ષમાં: 40.93%
અહીં ખાસ ધ્યાનમાં રાખવા જેવી બાબત એ છે કે આ ઈન્ડેક્સ 14 ઓગસ્ટ 2025 ના રોજ જ લોન્ચ થયો હતો, તેથી તેના 3 વર્ષ અને 5 વર્ષના રિટર્નના આંકડા વાસ્તવિક લાઈવ પ્રદર્શનને બદલે 'બેક-ટેસ્ટેડ ડેટા' (જૂના ડેટાની ગણતરી) પર આધારિત છે. ઈન્ડેક્સનું 5 વર્ષનું વાર્ષિક જોખમ 27.19% રહ્યું છે. વેલ્યુએશનની વાત કરીએ તો, 30 ઓક્ટોબર 2026 સુધી તેનો પ્રાઈસ-ટુ-અર્નિંગ (P/E) રેશિયો 45.01 અને પ્રાઈસ-ટુ-બુક (P/B) રેશિયો 11.51 ના ઊંચા સ્તરે છે.
રોકાણ કરતા પહેલાં કયા જોખમો ધ્યાનમાં રાખવા?
થીમેટિક ફંડનું જોખમ: આ એક સેક્ટર-આધારિત થીમેટિક ફંડ છે, જેને ડાયવર્સિફાઈડ ઈક્વિટી ફંડના વિકલ્પ તરીકે ન જોવું જોઈએ. ટોચના 5 શેરોમાં આવનારો કોઈપણ મોટો ઘટાડો આખા ફંડના રિટર્નને સીધી અસર કરશે.
સરકારી ઓર્ડર પર નિર્ભરતા: ડિફેન્સ કંપનીઓની કમાણી સરકારી ઓર્ડર મળવાના સમય, પ્રોજેક્ટ પૂર્ણ થવામાં થતો વિલંબ, ખરીદીની પ્રાથમિકતાઓમાં ફેરફાર અને કાચા માલના ભાવની વધઘટથી પ્રભાવિત થાય છે.
બેવડો ખર્ચ: આ 'ફંડ ઓફ ફંડ' (FoF) માળખું હોવાથી રોકાણકારોએ FoF અને અંતર્ગત ETF એમ બંને સ્તરે ખર્ચ ભોગવવો પડી શકે છે.
આ સ્કીમના ડોક્યુમેન્ટમાં તેને ‘ખૂબ જ વધુ જોખમ' (Very High Risk) કેટેગરીમાં મૂકવામાં આવી છે. તેથી માત્ર ઊંચું જોખમ લેવાની ક્ષમતા અને લાંબા ગાળાનો દ્રષ્ટિકોણ ધરાવતા રોકાણકારોએ જ પોતાના પોર્ટફોલિયોના નાના હિસ્સા તરીકે તેમાં રોકાણ કરવાનો વિચાર કરવો જોઈએ.
(ડિસ્ક્લેમર: અહીં આપવામાં આવેલી માહિતી માત્ર જાણકારી માટે છે. મ્યુચ્યુઅલ ફંડમાં રોકાણ બજારના જોખમોને આધીન છે. રોકાણ કરતા પહેલાં તમારા સર્ટિફાઇડ ફાઇનાન્શિયલ એક્સપર્ટની સલાહ ચોક્કસ લો.)