BR Ambedkar Death Anniversary: ડો.બાબાસાહેબની આજે પુણ્યતિથિ, યુવાનો માટે આ વિચારો પ્રેરણાદાયી

BR Ambedkar Death Anniversary: ડૉ.ભીમરાવ રામજી આંબેડકર, જેમને આપણે બધા ડૉ.બાબાસાહેબ આંબેડકરના નામથી પણ ઓળખીએ છીએ. ડૉ.આંબેડકરને બંધારણના પિતા કહેવામાં આવે છે. 06ડિસેમ્બર 1956ના રોજ તેમનું અવસાન થયું. દર વર્ષે 06ડિસેમ્બરે બાબા સાહેબની પુણ્યતિથિને મહાપરિનિર્વાણ દિવસ તરીકે ઉજવવામાં આવે છે. તેમના અવસાન પછી તેમના કાર્યને આગળ ધપાવવાનું કાર્ય તેમના અનુયાયીઓ તેમજ પરિવારની આગામી પેઢીઓ દ્વારા કરવામાં આવ્યું હતું. કાયદા નિષ્ણાત, અર્થશાસ્ત્રી, બંધારણ ઘડવૈયા હોવા ઉપરાંત તેઓ દલિત લોકોના ઉદ્ધારકના મસીહા ગણાય છે.

મહાપરિનિર્વાણ દિવસ નિમિત્તે બાબા સાહેબને સન્માન અને શ્રદ્ધાંજલિ આપવામાં આવે છે. ભીમરાવ રામજી આંબેડકરનો જન્મ 14એપ્રિલ 1891ના રોજ મધ્ય પ્રદેશના મહુમાં થયો હતો. તેઓ રામજી માલોજી સકપાલ અને ભીમાબાઈના 14મા અને છેલ્લા સંતાન હતા. તેમનો મરાઠી મૂળનો પરિવાર મહારાષ્ટ્રના રત્નાગિરી જિલ્લાના અંબડવે ગામનો હતો. તેઓ મહાર જાતિના હતા, જેને હિંદુઓમાં અસ્પૃશ્ય ગણવામાં આવે છે.

આંબેડકરની યાત્રા

ભીમરાવને બાળપણથી જ ગંભીર ભેદભાવ અને સામાજિક ધિક્કારનો સામનો કરવો પડ્યો હતો. આ બધું સહન કરીને પણ તેમણે સમાજમાં પોતાનું સ્થાન તો બનાવ્યું જ, પરંતુ દલિત અને શોષિત સમાજના ઉત્થાન માટે પૂરા સમર્પણ સાથે કામ કર્યું. ભીમ રાવ વિદેશમાં અર્થશાસ્ત્રમાં ડોક્ટરેટની ડિગ્રી મેળવનાર પ્રથમ ભારતીય હતા. 1926માં તેઓ ભારત આવ્યા ત્યારે તેઓ મુંબઈની વિધાનસભાના સભ્ય તરીકે ચૂંટાયા હતા. તેઓ સ્વતંત્ર દેશના પ્રથમ કાયદા પ્રધાન બન્યા. વર્ષ 1990માં તેમને ભારતના સર્વોચ્ચ સન્માન “ભારત રત્ન”થી નવાજવામાં આવ્યા હતા. આંબેડકરે વર્ષ 1956માં બૌદ્ધ ધર્મ અપનાવ્યો. પરિનિર્વાણ એ બૌદ્ધ ધર્મના મુખ્ય સિદ્ધાંતો અને લક્ષ્યોમાંનું એક છે.

ડૉ.આંબેડકરના મૃત્યુને મહાપરિનિર્વાણ કહેવાય છે. 1956માં તેમનું અવસાન થયું. પરંતુ તેમને 1948થી ડાયાબિટીસની ફરિયાદ થવા લાગી હતી અને દવાઓની આડઅસરને કારણે તેમની આંખો પણ નબળી પડી ગઈ હતી. 1955માં તેમની તબિયત વધુ લથડી હતી. તેમના પુસ્તક ધ બુદ્ધ એન્ડ હિઝ ધર્મને પૂર્ણ કર્યાના ત્રણ દિવસ પછી, તેઓ દિલ્હીમાં તેમના ઘરે તેમની ઊંઘમાં મૃત્યુ પામ્યા.

બૌદ્ધ સંસ્કાર

મુંબઈના દાદરમાં ચોપાટી બીચ પર બૌદ્ધ ધર્મની પરંપરાઓ અનુસાર બાબાસાહેબના અંતિમ સંસ્કાર કરવામાં આવ્યા હતા. ત્યારે ત્યાં 5લાખ લોકોએ તેમને ભાવુક વિદાય આપી હતી. આ પછી 16ડિસેમ્બરે ધર્માંતરણ કાર્યક્રમનું આયોજન કરવામાં આવ્યું હતું. જેમાં તેમના અંતિમ સંસ્કાર કરનારાઓનું તે જ સ્થળે ધર્માંતરણ કરવામાં આવ્યું હતું.

પ્રેરણાત્મક અવતરણો

આ પણ વાંચો - દિલ્હી મ્યુનિસિપલ કોર્પોરેશનમાં AAPની બલ્લે-બલ્લે, એગ્ઝિટ પોલમાં BJPના 15 વર્ષના શાસનના અંતની આગાહી