ગુજરાત ચૂંટણી: મફત વીજળી, મફત સારવાર, 10 લાખ સરકારી નોકરીઓ... કોંગ્રેસે તેના ઢંઢેરામાં કર્યા આ વચનો

gujarat assemblly elections 2022: ગુજરાત વિધાનસભાની ચૂંટણીના પ્રથમ તબક્કાના ઉમેદવારીપત્રોની પ્રક્રિયા વચ્ચે રાજકીય પક્ષો દ્વારા મતદારોને પોતપોતાના પક્ષમાં બનાવવાનો સંઘર્ષ તેજ થતો જોવા મળી રહ્યો છે. નેતાઓ પ્રજાલક્ષી વાયદાઓ કરી રહ્યા છે, પ્રજાના પ્રશ્નોના નિરાકરણ માટે આશ્વાસનો આપવામાં આવી રહ્યા છે, ત્યારે હવે કોંગ્રેસે પણ પોતાનો ચૂંટણી ઢંઢેરો બહાર પાડ્યો છે.

રાજસ્થાનના મુખ્યમંત્રી અશોક ગેહલોતે શનિવારે આયોજિત એક કાર્યક્રમમાં ગુજરાત ચૂંટણી માટે કોંગ્રેસનો ઘોષણાપત્ર “જન મેનિફેસ્ટો 2022” બહાર પાડ્યો હતો. કોંગ્રેસે તેના ઢંઢેરામાં યુવાનો, મહિલાઓ, ખેડૂતો, દરેક માટે લોકપ્રિય વચનો આપ્યા છે. કોંગ્રેસ પાર્ટી દ્વારા જાહેર કરવામાં આવેલા મેનિફેસ્ટોમાં દરેક ગુજરાતી માટે 10 લાખ રૂપિયા સુધીની મફત સારવાર અને મફત દવા, 300 યુનિટ મફત વીજળી, બાકી વીજળીના બિલો માફ કરવાનું વચન આપવામાં આવ્યું છે.

કોંગ્રેસના મેનિફેસ્ટોના મુખ્ય મુદ્દા

1
મોંઘવારી
ગુજરાતની ગૃહિણીઓને મળશે રૂ.500નાં ભાવે ઘરેલું ગેસ સિલિન્ડર

3
શિક્ષણ
પ્રત્યેક જરૂરિયાત વિદ્યાર્થિનીને KG થી PG સુધી શૈક્ષણિક ખર્ચ પેટે રૂ.500થી 20,000 સુધીની શિષ્યવૃત્તિ

4
આરોગ્ય
સસ્તાં ભાવે ગુણવત્તાયુક્ત દવાઓની ઉપલબ્ધિ માટે જનતા મેડિકલ સ્ટોરની સુવિધા

5
ખેડૂતો
ખેડૂતોને ખેત પેદાશોના વાજબી ભાવ માટે ભાવ નિર્ધારણ સમિતિની રચના

6
પશુપાલકો
કામધેનુ ગૌ સંવર્ધન યોજના હેઠળ પ્રતિ વર્ષ રૂ.1000 કરોડનું બજેટ

7
માછીમારો
માછીમાર વિકાસ નિગમની પુનઃરચના

8
શ્રમિકો
સમાન કામ અને સમાન વેતનનો અમલ
મળશે પીએફ, ઇ.એસ.આઈ અને બોનસનો લાભ

9
ઘરના ઘર યોજના
શહેરી અને ગ્રામીણ વિસ્તારોમાં મહિલાના નામે મળશે ઘરનું ઘર

10
પંચાયતી રાજ
પંચાયતના તમામ કર્મચારીઓ માટે કોન્ટ્રાક્ટ પ્રથા બંધ કરી કાયમી ભરતી

11
SC/ST/OBC અને લઘુમતી સમાજ
જાતિ આધારિત વસ્તી ગણતરી
કાયમી અનામત આયોગની રચના

12
મહિલા સશક્તિકરણ
વિધવા,વૃદ્ધ,એકલ નારી અને જરૂરિયાતમંદ મહિલાને મહિને રૂ.2000 નું ભથ્થું

13
લોકશાહી
નાત, જાત,ધર્મ કે પક્ષીય ભેદભાવ વગર કાયદાનું શાશન

14
આર્થિક નીતિઓ
સંતુલિત ઔધોગિક નીતિ

15
વ્યાપાર ઉદ્યોગ
સ્થાનિક સિરામિક ઉદ્યોગ, એન્જિનિયિંગ ઉદ્યોગ,કાપડ અને હીરા ઉદ્યોગ માટે સ્પેશિયલ ક્લસ્ટર

16
બંદરગાહ,ઊર્જા અને ઈન્ફરાસ્ટ્રક્ચર
બારમાસી બંદરોનો વિકાસ

17
પર્યાવરણ
પ્રદૂષણ મુક્ત ગુજરાત બનાવીશું

18
કલા અને સંસ્કૃતિ
મોટેરા સ્ટેડિયમનું નામ સરદાર વલ્લભભાઈ પટેલ સ્ટેડિયમ કરાશે

સાથે કોંગ્રેસે કહ્યું છે કે સત્તામાં આવ્યા બાદ મહિલાઓને 50 ટકા અનામત આપવામાં આવશે, જ્યારે 10 લાખ યુવાનોને સરકારી નોકરી આપવામાં આવશે. કોંગ્રેસ પાર્ટી દ્વારા જાહેર કરવામાં આવેલા જાહેર ઘોષણાપત્રમાં, તેમણે સરકારી નોકરીઓમાં કોન્ટ્રાક્ટ અને આઉટસોર્સિંગ પ્રણાલીનો અંત લાવવા, બેરોજગારોને દર મહિને 3000 રૂપિયા બેરોજગારી ભથ્થું આપવાનું વચન આપ્યું છે.

ગુજરાતમાં 27 વર્ષથી સત્તાની બહાર રહેલી કોંગ્રેસે દૂધ ઉત્પાદકોને લિટર દીઠ 5 રૂપિયાની સબસિડી અને 500 રૂપિયામાં ગેસ સિલિન્ડર આપવાનું વચન આપ્યું છે. કોંગ્રેસે છોકરીઓને KG થી PG સુધી મફત શિક્ષણ આપવાનું વચન આપ્યું છે અને કહ્યું છે કે જો પાર્ટી સત્તામાં આવશે તો 3000 અંગ્રેજી માધ્યમની સરકારી શાળાઓ ખોલવામાં આવશે.