નીતિશ કુમારે 10મી વખત બિહારના મુખ્યમંત્રી પદના શપથ લીધા, 26 મંત્રીઓ સાથે નવી NDA સરકારનો શપથવિધિ સમારોહ

Bihar CM Oath Ceremony: બિહારમાં NDAના ભવ્ય વિજય બાદ રાજ્યમાં રાજકીય ગરમાવો જોવા મળ્યો હતો, અને હવે નવી સરકારનું ગઠન થઈ ચૂક્યું છે. નીતિશ કુમારે 10મી વખત બિહારના મુખ્યમંત્રી તરીકે શપથ ગ્રહણ કરીને એક નવો કિર્તીમાન સ્થાપિત કર્યો છે. તેમની સાથે 26 અન્ય મંત્રીઓએ પણ પદ અને ગોપનીયતાના શપથ લીધા હતા. આ ઐતિહાસિક શપથવિધિ સમારોહમાં વડાપ્રધાન નરેન્દ્ર મોદી સહિત કેન્દ્રીય મંત્રીઓ અમિત શાહ અને જે.પી. નડ્ડા, તેમજ 11 રાજ્યોના મુખ્યમંત્રીઓ પણ ઉપસ્થિત રહ્યા હતા.

#WATCH | Nitish Kumar greets Prime Minister Narendra Modi after taking oath as the Chief Minister of Bihar for the 10th time at Gandhi Maidan in Patna. pic.twitter.com/toCJx5ac0H

— ANI (@ANI) November 20, 2025

નાયબ મુખ્યમંત્રીઓ અને મંત્રીમંડળની રચના

નીતિશ કુમારની નવી સરકારમાં ભારતીય જનતા પાર્ટી (BJP) ક્વોટામાંથી 2 નાયબ મુખ્યમંત્રીઓએ શપથ લીધા છે. સમ્રાટ ચૌધરી અને વિજય કુમાર સિંહાએ ફરી એકવાર બિહારના નાયબ મુખ્યમંત્રી તરીકેનો કાર્યભાર સંભાળ્યો છે. નીતિશના નવા મંત્રીમંડળમાં મુખ્યમંત્રી નીતીશ કુમાર ઉપરાંત કુલ 26 મંત્રીઓનો સમાવેશ થાય છે. NDAના ઘટક પક્ષોમાં, ભારતીય જનતા પાર્ટી (BJP) પાસે નવી સરકારમાં સૌથી વધુ 17 મંત્રીઓ હશે, જ્યારે જનતા દળ યુનાઇટેડ (JDU) પાસે 15 મંત્રીઓ હશે. આ મંત્રીમંડળમાં અનુભવી અને યુવા ચહેરાઓનું સુભગ સમન્વય જોવા મળે છે.

#WATCH | BJP's Samrat Choudhary takes oath as state minister in Bihar cabinet at the oath ceremony being held at Patna's Gandhi Maidan. (Source: DD News) pic.twitter.com/MXNtVpCHGo — ANI (@ANI) November 20, 2025

નાયબ મુખ્યમંત્રી સમ્રાટ ચૌધરી અને વિજય સિંહા ઉપરાંત, અન્ય મંત્રીઓ તરીકે વિજય ચૌધરી, વિજેન્દ્ર યાદવ, શ્રવણ કુમાર, મંગલ પાંડે, દિલીપ જયસ્વાલ, અશોક ચૌધરી, લેસી સિંહ, મદન સહની, નીતિન નવીન, નીતિન નવીન કુમાર, સુનિલ કુમાર, જામા ખાન, સંજય સિંહ ટાઈગર, અરુણ શંકર, સુરેન્દ્ર મહેતા, નારાયણ પ્રસાદ, રામા નિષાદ, લખેન્દ્ર કુમાર રોશન, શ્રેયસી સિંહ, પ્રમોદ કુમાર, સંજય કુમાર, સંજય કુમાર સિંહ અને દીપક પ્રકાશનો સમાવેશ થાય છે.

બિહારના મુખ્યમંત્રીનો પગાર અને વિશેષાધિકારો

સરકારી નિયમો અનુસાર, બિહારના મુખ્યમંત્રીને માસિક આશરે 2.5 લાખનો પગાર અને ભથ્થાં મળે છે. આ રકમ ફક્ત તેમનો મૂળ પગાર જ નથી, પરંતુ તેમાં સરકારી નિવાસસ્થાન, સુરક્ષા, કાર્યાલય કામગીરી સંબંધિત ખર્ચ અને ધારાસભ્ય તરીકેના અન્ય લાભો પણ શામેલ હોય છે. નોંધનીય છે કે ભારતના દરેક રાજ્યમાં મુખ્યમંત્રીઓને મળતો પગાર અલગ-અલગ હોય છે. કેટલાક રાજ્યોમાં આ રકમ નોંધપાત્ર રીતે વધારે હોય છે, જ્યારે અન્ય રાજ્યોમાં તે ઓછી જોવા મળે છે.

ઓછો પગાર, પણ અસાધારણ સત્તા અને લાભ

બિહારમાં મુખ્યમંત્રીનો પગાર અન્ય કેટલાક મોટા રાજ્યોની સરખામણીમાં ઓછો હોઈ શકે છે, પરંતુ આ પદ સાથે સંકળાયેલા ભથ્થાં અને વિશેષાધિકારો વ્યાપક હોય છે. મુખ્યમંત્રીનું નિવાસસ્થાન, વ્યક્તિગત અને સત્તાવાર સુરક્ષા, સત્તાવાર સ્ટાફ, સરકારી વાહનો અને વહીવટી સત્તાઓ તેને દેશના સૌથી પ્રભાવશાળી પદોમાંનું એક બનાવે છે. આમ, ભલે આર્થિક દ્રષ્ટિએ પગાર ઓછો લાગતો હોય, પરંતુ મુખ્યમંત્રી તરીકેની જવાબદારી અને પ્રભાવનો અવકાશ ઘણો વિશાળ અને મહત્વપૂર્ણ હોય છે.

આ પણ વાંચો- મ્યાનમારના સાયબર ફ્રોડનો ભોગ બનેલા 125 ભારતીયોને IAF દ્વારા સુરક્ષિત વતન પરત લવાયા, વિદેશી નોકરીની છેતરપિંડી સામે ચેતવણી