Aditya L1 Missionમાં નિગાર શાજીની છે મહત્વની ભૂમિકા, જાણો કોણ છે ISROની આ મહિલા વૈજ્ઞાનિક

Aditya L1 Mission: ચંદ્રયાન-3ની મોટી સફળતા પછી, ભારતીય અવકાશ સંશોધન સંસ્થા (ISRO) એ સૂર્યનો અભ્યાસ કરવા માટે આદિત્ય એલ-1 લોન્ચ કર્યું છે. અવકાશ વિજ્ઞાનના ઈતિહાસમાં વધુ એક નવો અધ્યાય લખાયો છે. આ પ્રોજેક્ટના નિર્દેશક તેનકશી નિવાસી નિગાર શાજીના નેતૃત્વમાં ઘણા લોકોએ સખત મહેનત કરી છે. ઈન્ડિયન સ્પેસ રિસર્ચ ઓર્ગેનાઈઝેશન (ISRO) એ જણાવ્યું કે તે છેલ્લા 35 વર્ષથી ઈસરોમાં સેવાઓ આપી રહી છે. નિગાર શાજી છેલ્લા 8 વર્ષથી આ જટિલ મિશન સંભાળી રહી છે.

શાજીએ કહ્યું કે હું આ મિશનનો ભાગ બનવા માટે ખરેખર સન્માનિત અને ગર્વ અનુભવું છું. શાજીએ ભારતીય રિમોટ સેન્સિંગ, કોમ્યુનિકેશન અને ઇન્ટરપ્લેનેટરી સેટેલાઇટ પ્રોગ્રામમાં વિવિધ જવાબદારીઓ નિભાવી છે.

નિગાર શાજી તમિલનાડુના તેનકસીની રહેવાસી છે. શાજી રાજ્યના જાણીતા નામોની યાદીમાં સામેલ થયા છે જેમણે મૂન મિશનનું નેતૃત્વ કર્યું હતું. આ યાદીમાં માયિલસામી અન્નાદુરાઈ, એમ વનિતા અને પી વીરમુથુવેલનો સમાવેશ થાય છે. જેમણે અત્યાર સુધીમાં દેશના ત્રણ ચંદ્ર મિશનનું નેતૃત્વ કર્યું છે. 59 વર્ષીય શાજીનો જન્મ ખેડૂત પરિવારમાં થયો હતો. તેમના પિતાનું નામ શેખ મીરાં અને માતાનું નામ સૈતૂન બીવી છે. શાજીએ તિરુનેલવેલી સરકારી એન્જિનિયરિંગ કોલેજમાંથી ઈલેક્ટ્રોનિક્સ અને કોમ્યુનિકેશન એન્જિનિયરિંગમાં સ્નાતકની ડિગ્રી મેળવી છે. ત્યારબાદ તેમણે રાંચીની બિરલા ઇન્સ્ટિટ્યૂટ ઑફ ટેક્નોલોજીમાંથી ઇલેક્ટ્રોનિક્સ અને કોમ્યુનિકેશન્સમાં માસ્ટર ડિગ્રી મેળવી.

જાણો નિગાર શાજી ક્યારે ઈસરોમાં જોડાયા?

શાજી 1987માં ઈસરોના સેટેલાઇટ સેન્ટરમાં જોડાયા હતા. બાદમાં બેંગ્લોરમાં યુઆર રાવ સેટેલાઇટ સેન્ટરમાં કામ કર્યું. અહીં તેમણે આદિત્ય-એલ1ના પ્રોજેક્ટ ડાયરેક્ટર તરીકે નિયુક્ત થયા પહેલા ઘણા વરિષ્ઠ પદો પર કામ કર્યું છે. શાજી ઈસરો, બેંગ્લોરમાં સેટેલાઈટ ટેલીમેટ્રી સેન્ટરના વડા પણ રહી ચૂક્યા છે.

#WATCH | On the successful launch of Aditya L-1, Project Director of Aditya L-1, Nigar Shaji says, "This is like a dream come true. I am extremely happy that Aditya L-1 has been injected by PSLV. Aditya L-1 has started its 125 days of long journey. Once Aditya L-1 is… pic.twitter.com/zs1avDJ9ba

— ANI (@ANI) September 2, 2023

નિગાર શાજીનો પુત્ર પણ વૈજ્ઞાનિક

આ દિવસોમાં નિગાર શાજી તેની માતા અને પુત્રી સાથે બેંગ્લોરમાં રહે છે. તેના પતિ મિડલ ઇસ્ટમાં એન્જિનિયર તરીકે કામ કરે છે. જ્યારે તેમનો પુત્ર નેધરલેન્ડમાં વૈજ્ઞાનિક છે. તમને જણાવી દઈએ કે ઈસરોના લગભગ તમામ મિશનમાં મોટી સંખ્યામાં મહિલાઓ મોટા પાયે કામ કરી રહી છે. એક અંદાજ મુજબ, સ્પેસ એજન્સીમાં 16,000થી વધુ કર્મચારીઓમાંથી લગભગ 20-25 ટકા મહિલાઓ છે.

આ પણ વાંચો - Post Office Scheme: પોસ્ટ ઓફિસની આ સ્કીમ મહિલાઓ માટે છે બેસ્ટ, 2 વર્ષમાં બની જશે અમીર