હવે કાર પોતાની જાતે જ બ્રેક લગાવશે, 2030થી તમામ નવી કારોમાં AEBS સિસ્ટમ થશે ફરજિયાત, જાણો સરકારનો નવો નિયમ

AEBS system in cars: ઘણીવાર રસ્તા પર ડ્રાઇવિંગ કરતી વખતે અચાનક કોઈ વાહન, પ્રાણી કે વ્યક્તિ સામે આવી જાય છે. આવા સમયે ડ્રાઇવર સમયસર બ્રેક નથી લગાવી શકતો અને મોટો અકસ્માત સર્જાય છે. આવા ગંભીર અકસ્માતોને રોકવા માટે કેન્દ્ર સરકાર હવે એક મોટો અને મહત્વનો નિર્ણય લેવા જઈ રહી છે. ટૂંક સમયમાં નવી કારોમાં એવી ટેકનોલોજી આવશે, જેનાથી કાર અકસ્માત થતાં પહેલાં જ પોતાની જાતે બ્રેક લગાવી દેશે.

2030 થી આ નિયમ થશે ફરજિયાત

ટાઇમ્સ ઓફ ઇન્ડિયાના એક રિપોર્ટ અનુસાર, સરકાર ઓક્ટોબર 2030થી બજારમાં આવનારા તમામ નવા કાર મોડલ્સમાં 'ઓટોમેટિક બ્રેક સિસ્ટમ' લગાવવાનું ફરજિયાત કરવા જઈ રહી છે. આ ઉપરાંત, જે કાર કંપનીઓ અત્યારે પોતાના વાહનો વેચી રહી છે, તેમને આ નવી સિસ્ટમ અપડેટ કરવા માટે ઓક્ટોબર 2032 સુધીનો સમય આપવામાં આવી શકે છે.

કાર પોતાની જાતે બ્રેક કેવી રીતે લગાવશે?

ટેક્સીઓ માટે પણ આવશે નવા સેફ્ટી ફીચર્સ

માત્ર પ્રાઇવેટ કાર જ નહીં, પરંતુ પેસેન્જર ટેક્સીઓ માટે પણ સુરક્ષાના નવા નિયમો લાવવાની તૈયારી ચાલી રહી છે. ટેક્સીઓમાં નીચે મુજબના ફીચર્સ જોવા મળશે:

વાહનને પોતાની લેનમાં જાળવી રાખવા માટે 'લેન કીપ આસિસ્ટ' સિસ્ટમ

જો ડ્રાઇવરને ઊંઘનું ઝોકું આવી જાય, તો તેને તરત જ એલર્ટ કરતી સિસ્ટમ

ગાડી પોતાની લેનમાંથી બહાર નીકળે કે તરત જ ડ્રાઇવરને ચેતવણી મળશે

આ ફીચર્સ ખાસ કરીને લાંબા રૂટ પર ડ્રાઇવિંગ કરતા ટેક્સી ડ્રાઇવરો માટે ખૂબ મદદરૂપ સાબિત થશે.

બસ અને ટ્રક માટે 2027 થી કડક નિયમો

કાર અને ટેક્સી ઉપરાંત બસ અને ભારે ટ્રકો માટે પણ સુરક્ષાના નિયમો કડક બનાવવામાં આવશે. રિપોર્ટ મુજબ, જાન્યુઆરી 2027 થી બસ અને ટ્રકના નવા મોડલ્સમાં પણ ઓટોમેટિક બ્રેક સિસ્ટમ  ફરજિયાત થઈ શકે છે. આ સાથે એવી ટેકનોલોજી પણ લગાવવામાં આવશે જે ડ્રાઇવરની સીધી નજરમાં ન આવતા વાહનોને પણ ઓળખી લેશે.

કાર કંપનીઓએ ટેકનોલોજી અપગ્રેડ કરવી પડશે

જો આ નિયમો સત્તાવાર રીતે લાગુ થશે, તો તમામ ઓટોમોબાઇલ કંપનીઓએ પોતાના વાહનોની ડિઝાઈન અને ટેકનોલોજીમાં મોટા ફેરફાર કરવા પડશે. જોકે, આ અંગેની સત્તાવાર અંતિમ તારીખ અને ચોક્કસ નિયમોની જાણકારી સરકારની સત્તાવાર જાહેરાત બાદ જ સામે આવશે.

આ પણ વાંચો-CJP નેતાઓએ દિલ્હી હાઈકોર્ટમાંથી જામીન અરજી પાછી ખેંચી, ઉંમર સાંભળીને જજે કહ્યું- 'આ લોકો Gen Z નથી!'