અનંત અંબાણીએ જામનગરથી જગત મંદિર દ્વારકાધીશની પદયાત્રા કરી પૂર્ણ, 170 કિલોમીટરની પદયાત્રા 29 માર્ચથી કરી હતી શરૂ

રિલાયન્સ ઇન્ડસ્ટ્રીઝ લિમિટેડના નોન-એક્ઝિક્યુટિવ ડિરેક્ટર અનંત અંબાણીએ 6 એપ્રિલના રોજ જામનગરથી દ્વારકાધીશ મંદિર સુધીની 170 કિલોમીટર લાંબી પદયાત્રા પૂર્ણ કરી. આ મુલાકાતના ઊંડા સાંસ્કૃતિક મહત્વ માટે તેમની માતા નીતા અંબાણીએ પ્રશંસા કરી હતી. આધ્યાત્મિક પદયાત્રા પૂર્ણ કર્યા પછી પત્રકારો સાથે વાત કરતા અનંતે કહ્યું, "રામ નવમી નિમિત્તે હું બધાને શુભેચ્છા પાઠવું છું. મેં દ્વારકાધીશના દર્શન કર્યા અને આ સાથે મારી પદયાત્રા પૂર્ણ થઈ."

VIDEO | Son of Reliance Industries Chairman Mukesh Ambani, Anant Ambani completes his 170-km-long 'padyatra' from Jamnagar to the Dwarkadhish Temple in Gujarat. He says, "Jai Dwarkadhish, I want to wish people on Ram Navami. I have taken the 'darshan'. Thank you."#anantambani… pic.twitter.com/QBVrYPudXK

— Press Trust of India (@PTI_News) April 6, 2025

પોતાના પુત્રની આધ્યાત્મિક યાત્રા વિશે વાત કરતા, રિલાયન્સ ફાઉન્ડેશનના સ્થાપક અધ્યક્ષ નીતા અંબાણીએ કહ્યું, "એક માતા તરીકે, મારા નાના પુત્ર અનંતને દ્વારકાધીશના આ દિવ્ય સ્થાનની પદયાત્રા પૂર્ણ કરતા જોવું મારા માટે ખૂબ જ ગર્વની વાત છે. છેલ્લા 10 દિવસથી, અનંતની પદયાત્રામાં જોડાયેલા તમામ યુવાનો આપણી સંસ્કૃતિનો ફેલાવો કરી રહ્યા છે. દ્વારકાધીશને મારી એક જ પ્રાર્થના છે કે તે અનંતને શક્તિ આપે."

અનંતની પત્ની રાધિકા મર્ચન્ટે કહ્યું કે, આ પદયાત્રાનું એક ખાસ વ્યક્તિગત મહત્વ છે. તેમણે કહ્યું, "આજે અનંતનો 30મો જન્મદિવસ છે. અમારા લગ્ન પછી આ પદયાત્રા કરવાની તેમની ઇચ્છા હતી... અમને ગર્વ છે કે અમે આજે અહીં તેમનો જન્મદિવસ ઉજવી રહ્યા છીએ. તેમની પદયાત્રાને સફળ બનાવવા માટે તેમને આશીર્વાદ આપનારા બધાનો હું આભાર માનું છું."

મહત્વનું છે કે, રિલાયન્સ ઇન્ડસ્ટ્રીઝના નોન-એક્ઝિક્યુટિવ ડિરેક્ટર હોવા ઉપરાંત, અનંત જિયો પ્લેટફોર્મ્સ લિમિટેડ, રિલાયન્સ રિટેલ વેન્ચર્સ લિમિટેડ, રિલાયન્સ ન્યૂ એનર્જી લિમિટેડ અને રિલાયન્સ ન્યૂ સોલાર એનર્જી લિમિટેડના બોર્ડમાં પણ સેવા આપે છે.

આ પણ વાંચો-અમેરિકી ટ્રેડ વોર બાદ બજાર તાત્કાલિક નહીં થાય સ્થિર, શું હવે SIP બંધ કરવું યોગ્ય?