Chandrayaan 3 Update: વિક્રમ લેન્ડરે મોકલી ચાંદની એકદમ લેટેસ્ટ તસવીરો, ઇસરોએ આપી જાણકારી

Chandrayaan-3: ચંદ્રયાન 3ની લેન્ડિંગ પર ભારતની સાથે સાથે આખા વિશ્વની નજર છે. ત્યારે ભારતીય અંતરિક્ષ એજન્સી ઇસરો (ISRO) દ્વારા વિક્રમ લેન્ડરથી પાડેલી ચાંદની પહેલી તસવીરો શેર કરી છે. ઇસરોએ ટ્વિટ કરીને જણાવ્યુ હતુ કે, વિક્રમ લેન્ડર દ્વારા કેટલીક તસવીરો પાડવામાં આવી છે. લેંડરમાં લાગેલા કેમેરા લેન્ડિંગ દરમિયાન બોલ્ડર અને ઊંડી ખીણની જાણકારી આપતો રહે છે.

ક્યારે લેન્ડ થવાની આશા

લેન્ડર પર લાગેલો એક કેમેરા અમદાવાદમાં બન્યો છે

આપને જણાવીએ કે, વિક્રમ લેન્ડર સફળતાપૂર્વક ચંદ્ર પર સ્થાપિત થશે ત્યારે પ્રજ્ઞાાન રોવર ચંદ્રની ધરતી પર ફરવાનું શરુ કરશે. આમાં કુલ બે કેમેરા લાગાવાયેલા છે. તેમાંથી એક કેમેરા અમદાવાદ સેક - ઈસરો સેન્ટર દ્વારા બનાવવામાં આવ્યો છે. આ કેમેરા ચંદ્રની સપાટી પરના જુદા જુદા એરિયાને કવર કરતા ફોટો કેપ્ચર કરી શકશે.

લેન્ડિંગનું લાઇવ ટેલિકાસ્ટ ક્યાં જોવા મળશે?

'સોફ્ટ-લેન્ડિંગ'નું લાઈવ ટેલિકાસ્ટ ISROની વેબસાઈટ, તેની યુટ્યુબ ચેનલ, ઈસરોના ફેસબુક પેજ અને DD નેશનલ ટીવી ચેનલ સહિત બહુવિધ પ્લેટફોર્મ્સ પર ઉપલબ્ધ થશે. ISROએ કહ્યું, "ચંદ્રયાન-3નું 'સોફ્ટ લેન્ડિંગ' એ એક યાદગાર ક્ષણ હશે જે માત્ર જિજ્ઞાસા જ નહીં, પણ આપણા યુવાનોના મનમાં શોધખોળનો જુસ્સો પણ જગાડે છે."

Chandrayaan-3 Mission: Here are the images of Lunar far side area captured by the Lander Hazard Detection and Avoidance Camera (LHDAC). This camera that assists in locating a safe landing area -- without boulders or deep trenches -- during the descent is developed by ISRO… pic.twitter.com/rwWhrNFhHB

— ISRO (@isro) August 21, 2023

રશિયાનું પ્રથમ મૂન મિશન નિષ્ફળ

રશિયાના મહત્વકાંક્ષી મૂન મિશન લૂના-25 (Luna-25 Moon Mission) ફેલ થઈ ગયું છે. રશિયાની અંતરિક્ષ એજન્સી રોસ્કોસ્મોસ (Roscosmos)એ રવિવારે જણાવ્યું છે કે, લૂના-25 અંતરિક્ષ યાન ઈચ્છિત કક્ષાની જગ્યાએ અનિયંત્રિત કક્ષામાં ગયા બાદ ચંદ્ર સાથે ટકરાઈને નષ્ટ થઈ ગયું. આપને જણાવી દઈએ કે, ચાંદ પર સુરક્ષિત લેડિંગને લઈને લૂના- 25ની ટક્કર ભારતના ચંદ્રયાન-3 સાથે હતી. રશિયન અંતરિક્ષ યાનને પણ ચંદ્રમાની દક્ષિણી ધ્રુવ પર લેન્ડ કરવાનું હતું. પણ તે મિશન નિષ્ફળ રહ્યું. તે 47 વર્ષો બાદ રશિયાનું પ્રથમ મૂન મિશન હતું.

આ પણ વાંચો - Vande Bharat train: વડોદરાથી જામનગર-હાપા વચ્ચે વંદેભારત ટ્રેન શરૂ થશે, PM મોદી કરશે લોકાર્પણ