Google લાવ્યું જેમિની 2.5, અત્યાર સુધીનું સૌથી એડવાન્સ AI મોડલ હોવાનો દાવો, ChatGPTમાં પણ જોડાયું ખાસ ફિચર

ગૂગલે અત્યાર સુધીનું સૌથી ઇન્ટેલિજેન્ટ AI મોડેલ જેમિની 2.5 લોન્ચ કર્યું છે. ગૂગલ અને આલ્ફાબેટના સીઈઓ સુંદર પિચાઈએ આ નવા AI મોડેલ વિશે માહિતી શેર કરી છે. આ ઉપરાંત, ChatGPT માં એક નવી ઇમેજ ફીચર પણ ઉમેરવામાં આવ્યું છે, જેના દ્વારા યુઝર્સ આ AI ટૂલનો ઉપયોગ કરીને ઇમેજ જનરેટ કરી શકશે. OpenAIના સીઈઓ સેમ ઓલ્ટમેને ChatGPTના આ ફીચર વિશે માહિતી શેર કરી છે.

Gemini 2.5

Gemini 2.5 લોન્ચ કરતી વખતે, ગૂગલના સીઈઓ સુંદર પિચાઈએ કહ્યું કે આ કંપનીનું અત્યાર સુધીનું સૌથી ઇન્ટેલિજેન્ટ AI છે. જેમિની 2.5 ની સાથે, તેનું પ્રો વર્ઝન Gemini 2.5 Pro રજૂ કરવામાં આવ્યું છે. આ બંને AI ટૂલ્સ સ્ટેટ ઓફ આર્ટ થિકિંગ મોડેલ છે, જે તર્ક અને કોડિંગનો વધુ સારો એક્સપિરિયન્સ પ્રોવાઇડ કરશે. AI બેન્ચમાર્કિંગ પ્લેટફોર્મ Imarena અનુસાર, Geminiનું આ એડવાન્સ વર્ઝન આગામી થોડા અઠવાડિયામાં યુઝર્સ માટે ઉપલબ્ધ થશે. એડવાન્સ યુઝર્સ જેમિની AI સ્ટુડિયો અને જેમિની એપ સાથે આ AI ટૂલનો ઉપયોગ કરી શકશે.

સુંદર પિચાઈએ એક ગ્રાફ બતાવ્યો અને બતાવ્યું કે જેમિની 2.5માં ચીનના પોપ્યુલર AI ટૂલ ડીપસીક, સેમ ઓલ્ટમેનના OpenAI o3 મિની અને ગ્રોક AI કરતાં વધુ સારી તર્ક ક્ષમતાઓ છે. પિચાઈએ કહ્યું કે આ AI ટૂલની તર્ક ક્ષમતાઓને એવી રીતે સમજી શકાય છે કે તે સિંગલ લાઇન પ્રોમ્પ્ટનો ઉપયોગ કરીને કોડિંગ દ્વારા મૂળભૂત વીડિઓ ગેમ્સ બનાવી શકે છે.

1/ Gemini 2.5 is here, and it’s our most intelligent AI model ever. Our first 2.5 model, Gemini 2.5 Pro Experimental is a state-of-the-art thinking model, leading in a wide range of benchmarks – with impressive improvements in enhanced reasoning and coding and now #1 on… pic.twitter.com/mtEdRCTcgF

— Sundar Pichai (@sundarpichai) March 25, 2025

ChatGPTની ઇમેજ ફિચર

OpenAIના CEO સેમ ઓલ્ટમેને ChatGPT નું નવું ઇમેજ ટૂલ લોન્ચ કર્યું છે. સેમ ઓલ્ટમેને કહ્યું કે આ નવું ઇમેજ ટૂલ એક અસાધારણ ટેકનોલોજી ઉત્પાદન છે. આ ઇમેજ ફીચરનો ઉપયોગ કરીને, યુઝર્સ ChatGPT દ્વારા રીઅલ ટાઇમમાં ઇમેજ બનાવી શકશે. આ ટૂલ દ્વારા બનાવવામાં આવેલી ઇમેજઓમાં ઉચ્ચ વોટર માર્કનો ઉપયોગ કરવામાં આવશે, જે યુઝર્સને ક્રિએટિવ ફ્રીડમ આપશે, એટલે કે ચેટ GPT દ્વારા બનાવવામાં આવેલી ક્રિએટિવ ઇમેજીસ સરળતાથી ઓળખી શકાશે.

આ પણ વાંચો- Gold Vs Silver: આગામી 5, 10 કે 20 વર્ષ માટે સોના કે ચાંદીમાં ઇન્વેસ્ટ કરવાનો શ્રેષ્ઠ ઓપ્શન કયો છે?