ખરાબ આંખના ટીપાં અંગે ગુજરાતની ફાર્મા કંપનીને નોટિસ, શ્રીલંકાએ કરી હતી ફરિયાદ, હવે લાયસન્સ રદ કરવાની તલવાર લટકી

ફાર્મા એક્સપોર્ટ પ્રમોશન કાઉન્સિલ ઓફ ઈન્ડિયા  (Pharmexcil) એ ગુરુવારે ગુજરાત સ્થિત ફાર્માસ્યુટિકલ કંપનીને કારણ બતાવો નોટિસ મોકલી છે. આ નોટિસ શ્રીલંકામાં ઈન્ડિયાના ઓપ્થેલ્મિક્સની આ ફાર્મા કંપનીના આઈ ડ્રોપ્સના કારણે સામે આવી રહેલા ઈન્ફેક્શનના કેસને લઈને મોકલવામાં આવી છે. નોટિસમાં, ફાર્માક્સિલના ડાયરેક્ટર જનરલ ઉદય ભાસ્કરે ચિંતા વ્યક્ત કરી છે કે આવા આઇ ડ્રોપ્સની નિકાસથી ભારતીય ફાર્મા ઉદ્યોગની છબી ખરાબ થઈ છે અને તે ભારતીય દવાઓની નિકાસ પર વૈશ્વિક એજન્સીઓના વિશ્વાસને હચમચાવી શકે છે. જ્યારે મનીકંટ્રોલે સ્થાનિક બજારમાં Methylprednisolone આંખના ડ્રોપ્સના સપ્લાયને લગતા પ્રશ્નો પૂછ્યા, ત્યારે કંપનીએ જવાબ આપ્યો ન હતો. આ કંપનીનો બિઝનેસ ભારત સહિત વિશ્વના 30થી વધુ દેશોમાં ફેલાયેલો છે.

રદ થઈ શકે છે કંપનીનું રજીસ્ટ્રેશન

શ્રીલંકાએ એપ્રિલમાં ફરિયાદ કરી હતી

એપ્રિલમાં, શ્રીલંકાના આરોગ્ય મંત્રાલયે ઇન્ડિયાના ઓપ્થેલ્મિક્સના આંખના ટીપાં વિશે ભારત સરકારને ફરિયાદ કરી હતી. શ્રીલંકાના સ્વાસ્થ્ય મંત્રાલયે દાવો કર્યો હતો કે આ કંપનીના આઇ ડ્રોપ્સના કારણે શ્રીલંકામાં 30 થી વધુ લોકોને આંખમાં ચેપ લાગ્યો છે. આ પછી ભારતીય ડ્રગ રેગ્યુલેશન સેન્ટ્રલ ડ્રગ્સ સ્ટાન્ડર્ડ કંટ્રોલ ઓર્ગેનાઈઝેશન (CDSCO) એ આ મામલે તપાસ શરૂ કરી. કંપનીને મોકલવામાં આવેલી નોટિસ અનુસાર, 16 મેના રોજ શ્રીલંકાની કેબિનેટની બેઠકમાં આંખના ટીપાંમાં ખામી અંગે ચર્ચા કરવામાં આવી હતી. આના પર શ્રીલંકાના રાષ્ટ્રપતિએ સ્વાસ્થ્ય મંત્રીને તાત્કાલિક તપાસ શરૂ કરવા કહ્યું. આ બેઠકમાં અસરગ્રસ્તોને વળતર આપવાના મુદ્દે પણ ચર્ચા કરવામાં આવી હતી.

આ પણ વાંચો - ‘મુસ્લિમ લીગ સંપૂર્ણપણે સેક્યુલર પાર્ટી', રાહુલ ગાંધીના નિવેદન પર બીજેપીએ કહ્યું-કોંગ્રેસના નેતાઓ લાચાર