Gujarat police station:ગુજરાત પોલીસને ગર્વ થાય તેવું પોલીસ સ્ટેશન, પોતાના કૅમ્પસના મનમોહક વાતાવરણથી જાણીતું બનેલું ગુજરાતનું અનોખું પોલીસ સ્ટેશન

Gujarat police station : ગુજરાતમાં એક એવુ પોલીસ સ્ટેશન છે, જે તમને પોલીસ સ્ટેશન કરતા હરવા ફરવાનું સ્થળ વધારે લાગશે. અહીં કલાકો સુધી બેસવાનું મન થાય એવું સુરત જિલ્લાના ઉમરપાડાનું ઈકો ફ્રેન્ડલી પોલીસ સ્ટેશન છે. પર્યાવરણપ્રેમી પોલીસ સ્ટાફે સહિયારી માવજતથી ગ્રીન અને ક્લીન પોલીસ સ્ટેશન બનાવ્યું છે. જે સ્વચ્છતા અને પ્રકૃત્તિપ્રેમી પી.એસ.આઈ. અને પોલીસ સ્ટાફે પર્યાવરણનો સુમેળ રચ્યો છે. પોલીસ સ્ટેશનના આહ્લાદક વાતાવરણને લઈ લોકો ફરવા માટે આવે છે.

આ પોલીસ સ્ટેશન અન્ય કરતાં એટલા માટે અલગ છે. કારણ કે અહીં કાર્યરત તમામ પોલીસ જવાનો, અધિકારીઓ પર્યાવરણપ્રેમી છે. અહીં ફરજ બજાવતાં સ્વચ્છતા અને પ્રકૃત્તિપ્રેમી પોલીસ કર્મીઓએ પર્યાવરણનો સુમેળ રચ્યો છે. પોલીસ મથકના પ્રકૃત્તિપ્રેમી પોલીસ સ્ટાફે સહિયારી માવજતથી ગ્રીન અને ક્લીન પોલીસ સ્ટેશન બનાવ્યું છે. વૃક્ષોથી આચ્છાદિત પરિસરના કારણે પક્ષીઓના કલરવથી પોલીસ સ્ટેશન આહ્લાદક અનુભૂતિ કરાવે છે.

આજે પોલીસ સ્ટેશનનું આંગણું હર્યુભર્યું બની ગયું છે. ઉશ્કેરાટમાં, વ્યથિત થઈને પોતાની ફરિયાદ લઈને આવતો અરજદાર અહીં પ્રવેશ્યા બાદ સ્વચ્છતા, હરિયાળી જોઈને બેઘડી પ્રફુલ્લિત થઈ જાય છે. અહીં કામ કરતાં પોલીસકર્મીઓ તણાવમુક્ત બન્યા છે. અને કાર્યક્ષમતામાં પણ વધારો થયો છે,સુરત જિલ્લાનું આ એક માત્ર ઇકો ફ્રેન્ડલી પોલીસ મથક છે ત્યારે આ પોલીસ મથકની તેમજ પોલીસ કર્મીઓની સૌ કોઈ પ્રશંસા કરી રહ્યા છે.

આ પણ વાંચો - Chemical theft: વરણામાં કેમિકલ ચોરીના કૌભાંડનો પર્દાફાશ, 15.20 લાખના કેમિકલના જથ્થા સાથે બે શખ્સની ધરપકડ