Gujarati Arrested in fraud Case: અમેરિકામાં ગુજરાતનો નિશાંત બન્યો નટવરલાલ.. 4.47 લાખ ડોલરનો કરી નાંખ્યો કાંડ, હવે ગણશે જેલના સળીયા

Gujarati Arrested in fraud Case: ભારતમાં સરકારી યોજનાઓનો ગેરલાભ ઉઠાવવાના કિસ્સા કંઈ નવા નથી.. દરેક યોજનામાં લેભાગુ લાલચી લોકો છેતરપિંડી કરતા જ હોય છે પણ આવા તત્વો ફોરેન જાય તો પણ સીધા નથી રહેતા તેનું એક ઉદાહરણ સામે આવ્યું છે અમેરિકાના ટેક્સાસથી.. જ્યાં રહેતા નિશાંત પટેલ નામના એક ગુજરાતીને 4.47 લાખ ડોલરનો કાંડ કરવા બદલ જેલની હવા ખાવાનો વારો આવ્યો છે.

શું છે સમગ્ર મામલો?

તપાસ તેજ

કોરોનાકાળ દરમિયાન ખોટી રીતે માફીપાત્ર લોન મેળવી લેનારા લોકો સુધી જોકે હવે તપાસનો રેલો આવી રહ્યો છે. હોમલેન્ડ સિક્યોરિટીના તાબામાં આવતી કેટલીક એજન્સીઓ આવા કેસોની તપાસ કરી રહી છે. અગાઉ પણ ન્યૂજર્સીમાં અમુક ભારતીયો સહિતના લોકો આ કાંડમાં પકડાયા હતા જેમાંના મોટાભાગના લોકોએ કોર્ટમાં પોતાનો ગુનો કબૂલી લીધો હતો. ટેક્સાસના આ કેસમાં નિશાંત પટેલ તેમજ હરજિત સિંહે સધર્ન ડિસ્ટ્રિક્ટ ઓફ ટેક્સાસ સમક્ષ પોતાના ગુનાની કબૂલાત કરી હતી. કોર્ટમાં રજૂ કરાયેલા ડોક્યુમેન્ટ્સ અનુસાર, કુલ પાંચ લોકોને આ કેસમાં આરોપી બનાવવામાં આવ્યા હતા જેમાંના બે મૂળ ભારતીય છે જ્યારે બાકીના ત્રણ આરોપીના નામના આધારે તેમની રાષ્ટ્રીયતાની કોઈ ચોક્કસ વિગતો નથી મળી શકી. આ લોકોએ પોતાની લોન એપ્લિકેશન્સમાં ખોટી માહિતી રજૂ કરી હતી, અને એવા લોકોને પોતાના એમ્પ્લોઈ બતાવીને તેમને પેમેન્ટ કરી દીધા હતા કે જે ખરેખર તો તેમના કર્મચારી હતા જ નહીં. ભૂતિયા એમ્પ્લોઈઝને પગાર આપવાના નામે જે ચેક ઈશ્યૂ કરાયા હતા તે પાછળથી આરોપીઓની સાથે જોડાયેલા વ્યક્તિઓના ચેક કેશિંગ સ્ટોર્સમાં વટાવી લેવામાં આવ્યા હતા.

કોણ કોણ છે સંડોવાયેલું?

આ કૌભાંડમાં નિશાંત પટેલે કુલ 4,83,333 ડોલરની લોન લીધી હતી, જ્યારે હરજિત સિંહ તો તેનાથી પણ ચઢિયાતો સાબિત થયો હતો. કોર્ટ રેકોર્ડ્સ અનુસાર, હરજિતે ફેક પેપર્સના આધારે કુલ 9,37,379 ડોલરની બે લોન્સ પાસ કરાવી લીધી હતી અને તમામ રકમનો પાછળથી વહીવટ કરી નાખીને તેને પોતાના બિઝનેસના ખર્ચા તરીકે દર્શાવી દઈને તેને માફ પણ કરાવી લીધી હતી. હોમલેન્ડ સિક્યોરિટી ડિપાર્ટમેન્ટની એક રિલીઝ પ્રમાણે આ તમામ આરોપીઓને પાંચ વર્ષ સુધીની જેલની સજા થઈ શકે છે. ઉલ્લેખનીય છે કે, ચાલુ મહિનામાં જ પ્રદીપ બાસરા નામના એક ભારતીયને અમેરિકન કોર્ટે લાખો ડોલરના કોવિડ રિલિફ ફંડ ફ્રોડમાં ત્રણ વર્ષની સજા ફટકારી હતી. બાસરાએ અમીર અકિલ નામના બીજા એક શખ્સ સાથે મળીને 20 મિલિયન ડોલરથી પણ વધુનો કાંડ કર્યો હતો જેમાં મુખ્ય ભેજાબાજ અકીલ હતો. આ કૌભાંડમાં બીજા પણ ચાર લોકો સામેલ હતા, તેમણે જે લાખો ડોલર્સ ઓળવ્યા હતા તેમાંથી મોંઘા ઘર તેમજ લક્ઝુરિયસ કાર્સ ખરીદી હતી. આ કૌભાંડ પણ ટેક્સાસમાં જ થયું હતું જેમાં મુખ્ય ષડયંત્રકાર અમીર અકીલને 15 વર્ષની જેલની સજા કરાઈ છે તેમજ 55 લાખ ડોલરનો દંડ પણ ફટકારવામાં આવ્યો છે.

આ પણ વાંચો - Worlds Richest Person Latest List: અમીર બન્યાં વધુ અમીર, મસ્કની સંપત્તિ સાથે અંબાણીની સંપત્તિમાં અધધધ વધારો, જાણો કોણ છે વિશ્વના ટોપ 10 અબજોપતિ