અમેરિકામાં ફેલાઈ રહ્યો છે મનુષ્યો અને પશુઓને અસર કરતો H5N1 વાયરસ, રોગચાળાનું વધ્યું જોખમ

અમેરિકામાં H5N1 વાયરસના કેસમાં સતત વધારો થઈ રહ્યો છે, જેને બર્ડ ફ્લૂ તરીકે પણ ઓળખવામાં આવે છે. આ વાયરસ મુખ્યત્વે પક્ષીઓ અને પશુઓને ચેપ લગાડે છે, પરંતુ હવે તે મનુષ્યોને પણ પોતાની ઝપટમાં લઈ રહ્યું છે, જેનાથી રોગચાળાની ચિંતા વધી છે.

H5N1 વાયરસ શું છે?

H5N1 એ એવિયન ઈન્ફલ્યુએન્ઝા વાયરસનો એક પ્રકાર છે, જેને બર્ડ ફ્લૂ તરીકે ઓળખવામાં આવે છે. આ વાયરસ મુખ્યત્વે પક્ષીઓને અસર કરે છે, પરંતુ કેટલાક કિસ્સાઓમાં તે મનુષ્યો અને અન્ય પ્રાણીઓને પણ ચેપ લગાડી શકે છે. તાજેતરમાં અમેરિકામાં H5N1 વાયરસના ફેલાવાના સમાચારે ચિંતા વધારી છે, ખાસ કરીને જ્યારે તે ડેરી ગાયો અને મનુષ્યોમાં પણ જોવા મળ્યો છે.

રોગચાળાનું જોખમ

વાયરસ કેવી રીતે ફેલાય છે?

H5N1 વાયરસ ચેપગ્રસ્ત પક્ષીઓના મળ, થૂંક અથવા પીંછાંના સંપર્કમાં આવવાથી ઝડપથી ફેલાય છે. જો માંસ યોગ્ય રીતે રાંધ્યું ન હોય તો તેના સેવનથી પણ આ વાયરસ ફેલાઈ શકે છે. અહેવાલો અનુસાર, હવે આ વાયરસ ગાયોમાં પણ જોવા મળી રહ્યો છે અને કેટલાક કિસ્સાઓમાં મનુષ્યો સુધી પહોંચ્યો છે.

વાયરસનો ઈતિહાસ

H5N1 વાયરસ સૌપ્રથમ 1996માં ચીનના હંસમાં જોવા મળ્યો હતો. ત્યારબાદ તે મરઘીઓમાં ફેલાયો અને પછી મનુષ્યોમાં પણ ચેપ લગાડ્યો. જોકે, આ વાયરસ મનુષ્યોમાં સરળતાથી ફેલાતો નથી, પરંતુ તેની ઊંચી મૃત્યુદરની સંભાવના તેને ગંભીર ચિંતાનો વિષય બનાવે છે.

આ પણ વાંચો- આજથી લાગુ થઈ રહ્યા છે આ 5 મોટા ફેરફારો, જાણો તમારા ખિસ્સા પર શું પડશે અસર