IMD Weather Update: દેશના આ ભાગોમાં પડી શકે છે વરસાદ, જાણો અન્ય સ્થળોએ કેવું રહેશે હવામાન

IMD Weather Update: ભારતીય હવામાન વિભાગ (IMD) એ રવિવારે દેશના કેટલાક ભાગોમાં વરસાદની આગાહી કરી છે. જોકે હવે ઘણા રાજ્યોમાંથી ચોમાસાની વિદાય શરૂ થઈ ગઈ છે. પરંતુ હવામાન વિભાગે પૂર્વ ભારતમાં 3 ઓક્ટોબર સુધી ભારે વરસાદની આગાહી કરી છે. આ ઉપરાંત રવિવારે દેશના પશ્ચિમી તટ પર પણ ભારે વરસાદ જોવા મળી શકે છે. ભારતીય હવામાન વિભાગ (IMD) એ કહ્યું કે ભારતના પૂર્વ ભાગમાં, હિમાલયન પશ્ચિમ બંગાળ, સિક્કિમ અને બિહારમાં પણ રવિવારે ભારે વરસાદ પડી શકે છે. આ સિવાય રવિવારે દેશના પશ્ચિમી તટ પર વરસાદની સંભાવના છે.

દેશના પશ્ચિમ ભાગમાં હવામાનની સ્થિતિ કેવી રહેશે?

જો રવિવારે દેશના પશ્ચિમ ભાગની વાત કરીએ તો રવિવારે કોંકણ, ગોવા અને મહારાષ્ટ્રના મધ્ય વિસ્તારોમાં પણ વરસાદની સંભાવના છે. આ સિવાય રવિવારે છત્તીસગઢ અને પૂર્વ મધ્યપ્રદેશમાં વરસાદની સંભાવના છે. હવામાન વિભાગે સમગ્ર ઓડિશામાં ભારે વરસાદની ચેતવણી જારી કરી છે. હવામાન વિભાગે કહ્યું કે ઓડિશામાં ભારે વરસાદને કારણે નીચાણવાળા વિસ્તારોમાં પાણી ભરાઈ શકે છે. આ સિવાય કેટલીક જગ્યાએ પૂર અને ભૂસ્ખલન જેવી સ્થિતિ પણ સર્જાઈ શકે છે.

ઉત્તર પ્રદેશમાં પણ હળવા વરસાદની શક્યતા