Layoff News: McDonald’sએ અમેરિકામાં ઓફિસ કરી બંધ, છટણી પહેલાની તૈયારી

Layoff News: ફાસ્ટ-ફૂડ ચેઇન મેકડોનાલ્ડ્સ પર છટણીની તલવાર લટકી રહી છે. કંપનીએ આની શરૂઆત કરી છે અને પ્રથમ તબક્કાના ભાગરૂપે આ અઠવાડિયે યુએસમાં તેની કેટલીક ઓફિસો અસ્થાયી રૂપે બંધ કરી દીધી છે. કર્મચારીઓને છટણી સંબંધિત માહિતી આપવા માટે આ નિર્ણય લેવામાં આવ્યો છે. McD તેના બિઝનેસના મોટા પાયે પુનઃરચનામાંથી પસાર થઈ રહ્યું છે. અમેરિકન અને કેટલાક આંતરરાષ્ટ્રીય કર્મચારીઓને મોકલવામાં આવેલા મેલમાં, કંપનીએ તેમને સોમવારથી બુધવાર સુધી ઘરેથી કામ કરવાનું કહ્યું છે જેથી સ્ટાફિંગના નિર્ણયો ઓનલાઈન લઈ શકાય. વોલ સ્ટ્રીટ જર્નલમાં એક અહેવાલ અનુસાર, કંપનીએ તમામ કર્મચારીઓને મુખ્યાલયમાં વેન્ડર અથવા અન્ય કોઈ બહારની પાર્ટી સાથેની વ્યક્તિગત મીટિંગ્સ રદ કરવા પણ કહ્યું છે.

McDonald’s જાન્યુઆરીમાં જ સંકેતો આપ્યા હતા

McD એ વર્ષોથી ઘણી છટણી કરી છે. 2018 માં, કંપનીએ તેની મેનેજમેન્ટ ટીમમાં ઘટાડો કર્યો હતો. વહીવટી ખર્ચ ઘટાડવા માટે 2019 માં છટણી કરવામાં આવી હતી. કંપનીના તત્કાલીન યુએસ હેડ કેમ્પસિન્સ્કીના જણાવ્યા અનુસાર, તેની કોર્પોરેટ અને રેસ્ટોરન્ટમાં કર્મચારીઓની કુલ સંખ્યા વર્ષ 2017માં 2.35 લાખથી ઘટીને 2019માં 2.05 લાખ થઈ ગઈ છે. જો કે, ભારત વિશે વાત કરીએ તો, ગયા વર્ષે ડિસેમ્બરમાં McD ઇન્ડિયાએ કહ્યું હતું કે તે આગામી ત્રણ વર્ષમાં અહીં તેના આઉટલેટ્સને બમણા કરીને 300 કરવા માંગે છે અને આ માટે લગભગ 5 હજારની ભરતી કરવામાં આવશે.

કેવો છે બિઝનેસ

McDના બિઝનેસ વિશે વાત કરીએ તો, તેના રિટેલર્સે ખર્ચમાં મંદી વિશે માહિતી આપી હતી પરંતુ તેનું વેચાણ યથાવત રહ્યું હતું. જાન્યુઆરીમાં, કંપનીએ રોકાણકારોને કહ્યું હતું કે કેટલાક ઓછી આવક ધરાવતા કસ્ટમર્સ ઓછી વસ્તુઓનો ઓર્ડર આપી રહ્યા છે અથવા સસ્તી ઓર્ડર આપી રહ્યા છે પરંતુ તેની રેસ્ટોરન્ટમાં તેમનો ખર્ચ ચાલુ છે. આમ કસ્ટમર્સએ તેમના ખર્ચમાં ઘટાડો કર્યો પરંતુ એકંદર વેચાણમાં ઘટાડો થયો નથી.

આ પણ વાંચો - Yes Bank: અંગ્રેજી આવ્યું કામે, એક શબ્દે યસ બેન્કના બચાવ્યા લાખો ડોલર, લંડન હાઈકોર્ટે મોટી રાહતની શું છે સ્ટોરી, જાણો સમગ્ર મામલો