Tablet Import Ban: ભારતમાં લેપટોપ, ટેબલેટ, પીસીના આયાત લાયસન્સની મર્યાદા વધારવાની શક્યતા, એક વર્ષનો લંબાઈ શકે છે સમયગાળો

Tablet Import Ban: ભારતમાં લેપટોપ, ટેબ્લેટ અને પર્સનલ કોમ્પ્યુટર આયાત કરવા માટે લાયસન્સ આવશ્યકતા માટેની સમયમર્યાદા લંબાવવામાં આવી શકે છે. મીડિયા રિપોર્ટ્સ અનુસાર, બે સરકારી અધિકારીઓએ કહ્યું છે કે ભારતમાં આયાતી લેપટોપ, ટેબલેટ અને પર્સનલ કોમ્પ્યુટર માટે લાયસન્સ જરૂરી કરવાની યોજનામાં એક વર્ષનો વિલંબ થઈ શકે છે. 4 ઓગસ્ટના રોજ, ભારત સરકારે અચાનક લાઇસન્સ વિના ઇનબાઉન્ડ શિપમેન્ટ પર પ્રતિબંધ મૂક્યો. જે બાદ આ મોટી કંપનીઓ એપલ, સેમસંગ અને એચપીને સૌથી વધુ નુકસાન સહન કરવું પડ્યું હતું.

કંપનીઓને રાહત મળી શકે છે

કંપનીઓએ પોતાનો વિરોધ વ્યક્ત કર્યો હતો

સરકારના આ નિર્ણય બાદ ડેલ અને એચપી જેવી ઘણી કંપનીઓએ પણ વાંધો ઉઠાવ્યો હતો. આ કંપનીઓએ આ યોજના સામે વાંધો વ્યક્ત કરતા કહ્યું હતું કે તેનાથી તેમને અસર થશે. આ માટે વોશિંગ્ટનની ટીકા પણ થઈ હતી. જે બાદ સરકારે આ નિર્ણયને ત્રણ મહિના માટે લંબાવ્યો હતો. હવે તેના બદલે નવેમ્બરમાં ઈલેક્ટ્રોનિક્સ મંત્રાલયે આ યોજનાને લાગુ કરવાને બદલે સરળ આયાત પ્રક્રિયાનો પ્રસ્તાવ મૂક્યો હતો. આ મામલાથી વાકેફ અધિકારીઓના હવાલાથી મીડિયામાં આ માહિતી સામે આવી છે. તેમણે કહ્યું કે મંત્રાલયે શુક્રવારે એક બેઠકમાં આ પ્રસ્તાવ અંગે ઉદ્યોગ અધિકારીઓને જાણ કરી છે. અગાઉ પણ એવા અહેવાલો આવ્યા હતા કે લેપટોપ, ટેબલેટ અને આવી અન્ય વસ્તુઓની આયાત માટે લાયસન્સની સમયમર્યાદા લંબાવવામાં આવી શકે છે.

આ પણ વાંચો-Rupees 2000 Notes Exchange: બેન્કની શાખામાં જઈને 2,000ની નોટ બદલવા માટે માત્ર 4 દિવસ બાકી, આવતા અઠવાડિયા પહેલા આ કામ તાત્કાલિક કરો પૂર્ણ