'એક સમયે હું ભાજપ ઓફિસમાં પત્રકારો માટે ખુરશીઓ ગોઠવતો હતો...', દિવાળી મિલનમાં PM મોદીએ વાગોળી 90ના દાયકાની યાદો

PM Modi Diwali Milan: દિલ્હીના ભાજપ મુખ્યાલયમાં દિવાળી મિલન કાર્યક્રમનું આયોજન કરવામાં આવ્યું હતું. આ કાર્યક્રમમાં વડાપ્રધાન નરેન્દ્ર મોદીએ પત્રકારો સાથે ખુલ્લા મને વાતચીત કરી અને પોતાના જૂના દિવસોની યાદો તાજી કરી. ભાજપના રાષ્ટ્રીય અધ્યક્ષ નીતિન નવીનની યજમાનીમાં યોજાયેલા આ કાર્યક્રમમાં PM મોદીએ જે વાતો કહી, તે સાંભળીને ઘણા લોકો ભાવુક થઈ ગયા.

ખુરશી ગોઠવવાથી લઈને વડાપ્રધાન સુધીનો સફર

તેમણે ઉમેર્યું કે, 'તે સમયે કેમેરા ઓછા હતા, પરંતુ સંબંધોની આત્મીયતા એવી જ હતી જેવી આજે છે.' આ વાત સાંભળીને હાજર રહેલા પત્રકારોમાં પણ એક અલગ જ ભાવના જોવા મળી.

પ્રેસ રિલીઝથી ઈન્સ્ટા રીલ્સ સુધી — મીડિયાનો બદલાયેલો ચહેરો

PM મોદીએ મીડિયા જગતમાં આવેલા મોટા ફેરફારો વિશે પણ વાત કરી. તેમણે કહ્યું કે, 'આજે અહીં નવી પેઢીના ઘણા સાથીદારો છે, પરંતુ જૂની પેઢીના લોકો જાણે છે કે મારો ઘણા લાંબા સમયથી તમારી દુનિયા સાથે સહજ સંબંધ રહ્યો છે.'

તેમણે એક રસપ્રદ વાત કરતાં કહ્યું, 'પ્રેસ રિલીઝથી લઈને ઈન્સ્ટા રીલ્સ રિલીઝ સુધી મેં મીડિયાનો એક લાંબો સમય જોયો છે.' આ એક વાક્યમાં મીડિયા જગતમાં છેલ્લા 30 વર્ષમાં આવેલા ક્રાંતિકારી બદલાવનું ચિત્ર આવી જાય છે.

જૂના અનુભવો આજે પણ કામ આવે છે

વડાપ્રધાને પોતાના સંગઠનાત્મક દિવસોના અનુભવોનું મહત્ત્વ સમજાવતાં કહ્યું કે, 'મહેમાનોની આગતાસ્વાગતાથી લઈને ન્યૂઝ ડેસ્ક અને કેમેરા પર્સન સાથે કામ કરવાના જૂના અનુભવોમાંથી મને ઘણું શીખવા મળ્યું છે, જે આજે પણ મને ઉપયોગી સાબિત થાય છે.'

'જેટલા મોં, એટલી વાતો — આ જ લોકશાહીની તાકાત છે'

PM મોદીએ લોકશાહીના મહત્ત્વ પર પણ પ્રકાશ પાડ્યો. તેમણે કહ્યું, 'જેટલા મોં, એટલી વાતો. ક્યારેક તો એવું લાગે છે કે દેશમાં જેટલા લોકો છે, એટલા જ ઓપિનિયન્સ છે.' તેમણે ઉમેર્યું કે, 'આટલા બધા જાતભાતના ઓપિનિયન્સ જ આપણી લોકશાહીને જાળવી રાખે છે, તેને વાઇબ્રન્ટ રાખે છે, અને તેમાં ભારતીય મીડિયાની બહુ મોટી ભૂમિકા છે.'

'આજે દરેક ગલીમાં દરેક સમાચારના એક્સપર્ટ મળે છે'

ટેક્નોલોજીના બદલાવ વિશે વાત કરતાં PM મોદીએ એક મજેદાર ઉદાહરણ આપ્યું. તેમણે કહ્યું, 'પહેલા આપણા ત્યાં કહેવાતું કે ભારતમાં ગલીએ ગલીએ ક્રિકેટ એક્સપર્ટ છે. કોઈ ગામની ગલીમાં લોકો કહેતા કે સચિને શું ભૂલ કરી. અને આજે તો દરેક ગલીમાં દરેક સમાચારના એક્સપર્ટ મળી જાય છે!'

તેમણે કહ્યું કે, 'ઘણું બદલાયું છે — દેશ બદલાયો, દુનિયા બદલાઈ, રાજકારણની પદ્ધતિ બદલાઈ. પહેલા મોટી મોટી OB વાનનો સંઘર્ષ હતો, આજે મોબાઈલ જ OB વેન બની ગયો છે. આજે દરેકનું પોતાનું પ્લેટફોર્મ છે, પોતાની ચેનલ છે, પોતાના પોડકાસ્ટ છે.'

આ પણ વાંચો-સરકારી કર્મચારીઓ માટે ખુશખબર: હવે 1.80 લાખ સુધીનું લેપટોપ મળશે, 4 વર્ષ પછી ઘરે લઈ જઈ શકશો! જાણો કોને-કોને મળશે ફાયદો