વંદે ભારત ટ્રેનમાં લક્ઝરી સ્લીપર કોચ હશે, રેલવે મંત્રીએ શેર કરી સુંદર તસવીરો, જાણો ક્યારે કરી શકશો મુસાફરી

Viral Photos: વંદે ભારત એક્સપ્રેસ ટ્રેનોમાં હવે સ્લીપર કોચ પણ હશે. ભારતીય રેલ્વે ટૂંક સમયમાં મુસાફરો માટે વંદે ભારત સ્લીપર ટ્રેન શરૂ કરવા જઈ રહી છે. આ ટ્રેન આવતા વર્ષે પાટા પર દોડતી જોવા મળશે. કેન્દ્રીય રેલવે મંત્રી અશ્વિની વૈષ્ણવે વંદે ભારતમાં સ્લીપર કોચની પહેલી તસવીર શેર કરી છે. વંદે ભારત એક્સપ્રેસના સ્લીપર વર્ઝનમાં વિશાળ અને આરામદાયક બર્થ, લક્ઝુરિયસ ઈન્ટિરિયર્સ અને અત્યાધુનિક ડિઝાઇન અને અન્ય ઘણી ટેક્નોલોજીઓ હાજર રહેશે. વંદે ભારત ટ્રેનને મુસાફરોની સુવિધા અનુસાર તૈયાર કરવામાં આવી છે. વંદે ભારતની સ્લીપર ટ્રેન દ્વારા મુસાફરો હવે લાંબા અંતરની મુસાફરી કરી શકશે.

રેલવે મંત્રી અશ્વિની વૈષ્ણવે મંગળવારે એક્સ પર કોન્સેપ્ટ ટ્રેનની તસવીરો શેર કરી હતી. અંદરની તસવીરો જોઈને તમારું દિલ ખુશ થઈ જશે. તસવીરો શેર કરતી વખતે, રેલ્વે મંત્રીએ લખ્યું, "કન્સેપ્ટ ટ્રેન- વંદે ભારત (સ્લીપર વર્ઝન) ટૂંક સમયમાં આવી રહી છે... 2024ની શરૂઆતમાં..." તસ્વીરોમાં જોઈ શકાય છે કે વંદે ભારત સ્લીપર ટ્રેનમાં બે અને ત્રણ સ્તરના વિકલ્પો હશે. ઉપરાંત, તેની બર્થની ડિઝાઇન રાજધાની અને અન્ય પ્રીમિયમ ટ્રેનોથી સંપૂર્ણપણે અલગ છે.

Concept train - Vande Bharat (sleeper version) Coming soon… early 2024 pic.twitter.com/OPuGzB4pAk

— Ashwini Vaishnaw (@AshwiniVaishnaw) October 3, 2023

સ્લીપર ટ્રેન આધુનિક સુવિધાઓથી સજ્જ છે. તેની ડિઝાઇન એકદમ આધુનિક છે. મુસાફરોની સુવિધાને ધ્યાનમાં રાખીને તેને તૈયાર કરવામાં આવી છે. આ સ્લીપર ટ્રેનોમાં મુસાફરી પ્લેન જેટલી લક્ઝુરિયસ હશે. રિપોર્ટ અનુસાર આ વર્ષના અંત સુધીમાં સ્લીપર કોચ તૈયાર થઈ જશે. પ્રાપ્ત માહિતી અનુસાર, અનુમાન છે કે આ ટ્રેનની ટ્રાયલ વર્ષ 2024માં જાન્યુઆરી-ફેબ્રુઆરી મહિનામાં શરૂ થશે.

આ ટ્રેનનો રૂટ હજુ સુધી સાફ થયો નથી. તેના રંગની પણ લોકોમાં ચર્ચા થઈ રહી છે. રેલવે મંત્રીની પોસ્ટ ઈન્ટરનેટ પર વાયરલ થઈ. સમાચાર લખાય છે ત્યાં સુધી 17 લાખ વ્યૂઝ અને 48,000થી વધુ લાઈક્સ મળી ચૂક્યા છે. જ્યારે 8,000 થી વધુ વપરાશકર્તાઓએ આ પોસ્ટને ફરીથી પોસ્ટ કરી છે અને લગભગ 2300 વપરાશકર્તાઓએ ટિપ્પણી કરી છે.

આ પણ વાંચો - Land For Jobs Scam Case: જમીનના બદલે નોકરી કૌભાંડમાં લાલુ યાદવ, રાબડી દેવી અને તેજસ્વીને મળી રાહત, કોર્ટે આપ્યા જામીન