Jaisalmer Travel: માત્ર 48 કલાકમાં જેસલમેરની કરી લો શેર, જાણો ક્યાં ક્યાં લેવી મુલાકાત

Jaisalmer Travel: જો તમે ઠાઠ-માઠના મજા લેવા માંગતા હોવ તો રાજસ્થાનની મુલાકાત લઈ શકો છો. અહીંના લોકો, સંસ્કૃતિ અને ખોરાક - ત્રણેય અદ્ભુત છે. રાજસ્થાન ડેઝર્ટ સફારી માટે પણ જાણીતું છે. જે લોકો રણની સફારી પસંદ કરે છે તેઓ જેસલમેર જાય છે. જેસલમેરને ગોલ્ડન સિટી તરીકે પણ ઓળખવામાં આવે છે.

જેસલમેર તેના સુંદર કિલ્લા અને તળાવો માટે પ્રખ્યાત છે. આ શહેર આપણને રાજસ્થાનના સમૃદ્ધ સાંસ્કૃતિક વારસા અને રંગોની ઝલક આપે છે. આપને જણાવી દઈએ કે જેસલમેરમાં ઉજવાતા તહેવારો ભારત અને દુનિયાભરના પ્રવાસીઓને આ શહેરમાં આકર્ષિત કરે છે. તો ચાલો આજે તમને જેસલમેરના પ્રવાસે લઈ જઈએ.

જેસલમેર શબ્દનો અર્થ થાય છે જેસલનો પહાડી કિલ્લો. આ શહેરની સ્થાપના 1156 માં રાજપૂત રાજા મહારાવલ જેસલ સિંહ દ્વારા કરવામાં આવી હતી. પ્રાચીન સમયમાં આ શહેર વેપારનું મુખ્ય કેન્દ્ર હતું. આ શહેર જેસલમેરના કિલ્લા અને ડેઝર્ટ સફારી માટે જાણીતું છે. અહીં અવારનવાર વિદેશી પ્રવાસીઓની ભીડ જોવા મળે છે.

જેસલમેર ઉત્સવ

જેસલમેરનો સૌથી પ્રખ્યાત તહેવાર ડેઝર્ટ ફેસ્ટિવલ છે. તે ફેબ્રુઆરીથી માર્ચ સુધી ઉજવવામાં આવે છે. તમને જણાવી દઈએ કે આ તહેવાર સેમ સેન્ડ ડ્યુન્સમાં ઉજવવામાં આવે છે, જે શહેરથી 42 કિલોમીટર દૂર છે. આ ઉપરાંત અહીં રામદેવરા મેળાનો ઉત્સવ ઉજવાય છે.

ફરવા માટે ક્યાં જવું

જેસલમેરમાં, તમે સેમ સેન્ડ ડ્યુન્સ, કુલધારા ગામ, જેસલમેર કિલ્લો, અમર સાગર, ગાદીસર તળાવ, પટવોન કી હવેલી અને બડા બાગની મુલાકાત લઈ શકો છો. આ સિવાય તમે અહીં કેમલ સફારી અને જીપ સફારી તેમજ બોટિંગની પણ મજા માણી શકો છો.

ખરીદી

જેસલમેર તેના મિરર-વર્ક, એમ્બ્રોઇડરીવાળા કાપડ અને કાર્પેટ, તેલના દીવા, રંગબેરંગી કાપડ, લાકડાની વસ્તુઓ, રેશમી કાપડ અને ચાંદીના ઘરેણાં માટે જાણીતું છે. સદર બજાર, પંસારી બજાર, સીમા ગ્રામ અને ગાંધી દર્શન અહીંના પ્રખ્યાત બજારો છે. તમે તમારા બજેટ પ્રમાણે ખરીદી કરી શકો છો.

ક્યારે અને કેવી રીતે જવું

તમે ઓક્ટોબરથી માર્ચ વચ્ચે જેસલમેરની મુલાકાત લઈ શકો છો. અહીં મુલાકાત લેવા માટે 48 કલાક એટલે કે બે દિવસ પૂરતા છે. તમે હવાઈ, માર્ગ અને રેલ માર્ગે પણ જેસલમેર જઈ શકો છો. જો તમે અહીં ફ્લાઈટ દ્વારા જઈ રહ્યા છો, તો તમારે અહીંથી 300 કિલોમીટરના અંતરે આવેલા જોધપુર એરપોર્ટ પર ઉતરવું પડશે.

આ પણ વાંચો - Refrigerator Explodes: રેફ્રિજરેટર વિસ્ફોટથી 6 લોકોના મોત, જાણો કેમ ફાટે છે ફ્રીઝ અને તેનાથી કેવી રીતે બચી શકાય?