ભારતીય રાજકારણમાં સામાન્ય રીતે વિરોધ પક્ષના નેતાઓ સત્તાધારી પક્ષના નેતાઓ પર પ્રહારો કરતા હોય છે. પરંતુ ક્યારેક ક્યારેક એવું પણ બને છે જે બધાને ચોંકાવી દે. આવું જ કંઈક હવે બન્યું છે. ઇન્ડિયન ઓવરસીઝ કોંગ્રેસના પ્રમુખ સેમ પિત્રોદાએ વડાપ્રધાન નરેન્દ્ર મોદીની જોરદાર પ્રશંસા કરી છે અને તેમને પોતાનો ગુજરાતી મિત્ર ગણાવ્યા છે. આ સાંભળીને રાજકીય ગલિયારામાં ચર્ચાનો માહોલ ગરમાયો છે.
કોંગ્રેસ નેતા સેમ પિત્રોદાએ PM મોદીની કરી પ્રશંસા, કહ્યું 'તેઓ મારા ગુજરાતી મિત્ર છે'; PM મોદીએ પણ આપ્યો જવાબ
ઇન્ડિયન ઓવરસીઝ કોંગ્રેસના પ્રમુખ સેમ પિત્રોદાએ PM મોદીને પોતાના ગુજરાતી મિત્ર ગણાવ્યા. કહ્યું કોઈ વ્યક્તિગત મતભેદ નથી. PM મોદીએ પણ દિવાળી શુભેચ્છા સાથે જવાબ આપ્યો.
અપડેટેડ 03:32:38 PM Nov 12, 2026 પર
સેમ પિત્રોદાએ PM મોદી વિશે ઘણી ચોંકાવનારી વાતો કહી છે. તેમણે કહ્યું કે, "PM મોદી મારા એક ગુજરાતી મિત્ર છે. એક વ્યક્તિ તરીકે હું તેમનું સન્માન કરું છું.
'PM મોદી મારા ગુજરાતી મિત્ર છે, કોઈ વ્યક્તિગત મતભેદ નથી'
સેમ પિત્રોદાએ PM મોદી વિશે ઘણી ચોંકાવનારી વાતો કહી છે. તેમણે કહ્યું કે, "PM મોદી મારા એક ગુજરાતી મિત્ર છે. એક વ્યક્તિ તરીકે હું તેમનું સન્માન કરું છું. મારી પત્ની અને હું તેમને મળી ચૂક્યા છીએ."પિત્રોદાએ આગળ કહ્યું કે, "વ્યક્તિગત રીતે તેઓ ખૂબ જ સ્નેહી, દયાળુ, પ્રેમાળ અને કાળજી રાખનારા રહ્યા છે. તેઓ એક સારા વક્તા છે અને મહેનતી પણ છે. અમારી વચ્ચે સારી બને છે. અમારી વચ્ચે કોઈ વ્યક્તિગત મતભેદ નથી."તેમણે એ પણ જણાવ્યું કે, "એક ગુજરાતી નેતા, મિત્ર કે શુભચિંતક તરીકે મને PM મોદી સાથે કોઈ તકલીફ નથી. તેમણે મારા પ્રત્યે ખૂબ સ્નેહ દર્શાવ્યો છે અને હું તેની કદર કરું છું. હું ગુજરાતમાં તેમના ઘરે પણ ઘણી વખત જઈ ચૂક્યો છું."
PM મોદીએ પણ આપ્યો જવાબ
સેમ પિત્રોદાના આ નિવેદનની ચર્ચા ચારેય તરફ થઈ રહી હતી, ત્યારે PM મોદીએ પણ તેમના વીડિયો પર જવાબ આપ્યો છે. PM મોદીએ લખ્યું,,,"સેમ ભાઈ, તમને અને અંજના બેનને દિવાળી અને નૂતન વર્ષાભિનંદનની શુભેચ્છાઓ. આવનારા આનંદમય અને સ્વસ્થ વર્ષ માટે પ્રાર્થના કરું છું. જય જગન્નાથ!"
રાજકારણમાં દુર્લભ ક્ષણ
આ ઘટના એટલા માટે ખાસ છે કારણ કે સામાન્ય રીતે કોંગ્રેસના નેતાઓ તરફથી PM મોદી વિશે આવા નિવેદનો જોવા મળતા નથી. સેમ પિત્રોદા અગાઉ ઘણી વખત કેન્દ્રની મોદી સરકાર પર નિશાન સાધી ચૂક્યા છે અને તેમના નિવેદનો પર વિવાદ પણ થયો છે. પરંતુ આ વખતે તેમણે જે કહ્યું છે તેણે બધાને આશ્ચર્યમાં મૂકી દીધા છે.
MoneyControl News
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.
