Threat to Shahrukh Khan: શાહરૂખ ખાનને મળી જાનથી મારી નાખવાની ધમકી, મહારાષ્ટ્ર સરકારે કિંગ ખાનની સુરક્ષામાં કર્યો વધારો અપાઇ Y+ સિક્યોરિટી

Threat to Shahrukh Khan: બોલિવૂડ સ્ટાર શાહરૂખ ખાન હાલમાં બોક્સ ઓફિસનો બાદશાહ છે. તેની બે બેક ટુ બેક ફિલ્મો પઠાણ અને હવે જવાન એ કમાણીના તમામ રેકોર્ડ તોડી નાખ્યા છે. આ બધાની વચ્ચે સમાચાર આવી રહ્યા છે કે શાહરૂખ ખાનના જીવને ખતરો છે. આવી સ્થિતિમાં, કિંગ ખાન પર તોળાઈ રહેલા જોખમને ધ્યાનમાં રાખીને, મુંબઈ પોલીસે શાહરૂખ ખાનને Y+ સુરક્ષા આપી છે.

શાહરૂખ ખાનને જાનથી મારી નાખવાની ધમકી આપતા ફોન આવી રહ્યા હતા.

મુંબઈ પોલીસ પાસેથી મળેલી માહિતી મુજબ, શાહરૂખ ખાને રાજ્ય સરકારને લેખિત ફરિયાદ કરી હતી કે 'પઠાણ' અને 'જવાન' ફિલ્મો પછી તેને જાનથી મારી નાખવાની ધમકીના ફોન આવી રહ્યા છે. આ પછી, મહારાષ્ટ્ર સરકારે અભિનેતા શાહરૂખ ખાનને કથિત રીતે જાનથી મારી નાખવાની ધમકીઓ મળ્યા બાદ તેની સુરક્ષા વધારીને Y+ કરી દીધી છે.

મહારાષ્ટ્ર સરકારે શાહરૂખ ખાનને Y+ સુરક્ષા આપી

શાહરૂખ ખાનને મુંબઈ પોલીસ દ્વારા પૂરી પાડવામાં આવેલ Y+ સુરક્ષામાં 6 અંગત સુરક્ષા અધિકારીઓ અને 24 કલાક તેની સાથે 5 શસ્ત્રો હશે. વાસ્તવમાં પોલીસને બાતમી મળી હતી કે શાહરૂખ ખાનના જીવને ખતરો છે.તાજેતરમાં તેની ફિલ્મો પઠાણ અને જવાન હિટ થયા બાદ શાહરૂખ અંડરવર્લ્ડ અને ગેંગસ્ટરોના નિશાના પર છે. આ પહેલા તેમની સુરક્ષામાં માત્ર બે પોલીસકર્મી હતા. કિંગ ખાનની Y+ સિક્યોરિટીનો ખર્ચ શાહરૂખ ખાન પોતે ઉઠાવશે. અભિનેતાએ આ રકમ મહારાષ્ટ્ર સરકારને ચૂકવવી પડશે.

ગયા વર્ષે સલમાન ખાનને Y+ સુરક્ષા મળી હતી

તમને જણાવી દઈએ કે ગયા વર્ષની શરૂઆતમાં લોરેન્સ બિશ્નોઈ ગેંગની ધમકીઓ બાદ બોલિવૂડ એક્ટર સલમાન ખાનને Y+ સુરક્ષા આપવામાં આવી હતી. શાહરૂખ ખાન મુંબઈના અંડરવર્લ્ડ સાથે સંઘર્ષમાં રહ્યો છે અને તે ધમકીઓનો સામનો કરવા માટે જાણીતો છે. તાજેતરમાં, ફિલ્મ નિર્માતા સંજય ગુપ્તાએ સોશિયલ મીડિયા પર 'જવાન'ના વખાણ કર્યા હતા અને ગેંગસ્ટરોની ધમકીઓ સહિતના પડકારોને પહોંચી વળવા માટે કિંગ ખાનના નિર્ણયની પણ પ્રશંસા કરી હતી.

આ પણ વાંચો - Ayushman Card Scheme: વૃદ્ધો માટે સારા સમાચાર, સરકાર દર વર્ષે આપશે 5 લાખ રૂપિયા સુધીની મફત સારવાર, તરત કરો આ કામ