વિશ્વના 10 સૌથી ખુશ દેશોની યાદી આવી બહાર, જાણો સૌથી વધુ ખુશ કોણ છે? અમેરિકાનું તો નામ જ નથી!

વર્લ્ડ હેપ્પીનેસ રિપોર્ટમાં વિશ્વના 10 સૌથી ખુશ દેશોની યાદી બહાર પાડવામાં આવી છે. આવા દેશોની યાદીમાં, ફિનલેન્ડ સતત આઠમા વર્ષે પ્રથમ સ્થાન મેળવ્યું છે. આ 10 દેશોમાં ડેનમાર્ક, આઇસલેન્ડ, નોર્વે અને સ્વીડનનો પણ સમાવેશ થાય છે, પરંતુ તમને જાણીને આશ્ચર્ય થશે કે વિશ્વનો સૌથી ધનિક અને સૌથી પાવરફૂલ દેશ અમેરિકા પણ આ યાદીમાં સ્થાન મેળવી શક્યો નથી. ગેલપના મેનેજિંગ ડિરેક્ટર ઇલાના રોન-લેવે જણાવ્યું હતું કે નોર્ડિક દેશો યાદીમાં ટોચ પર છે તે આશ્ચર્યજનક નથી, CNBCના અહેવાલમાં જણાવાયું છે. જે દેશોમાં તેમના રહેવાસીઓને સુવિધાઓ પૂરી પાડવામાં આવે છે ત્યાં સ્થિરતા હોય છે.

ફિનલેન્ડ નંબર 1 હોવાનું કારણ

"ફિનલેન્ડ એક અસાધારણ અપવાદ છે અને લાગે છે કે વિશ્વ ખરેખર ફિનલેન્ડની વિશિષ્ટતા શું છે તે સમજવા પર ધ્યાન કેન્દ્રિત કરી રહ્યું છે," રિપોર્ટ અનુસાર લેવીએ કહ્યું. તેમનું માનવું છે કે આ પાછળના સૌથી મોટા કારણોમાં અન્ય લોકો પર વિશ્વાસ, ભવિષ્ય માટે આશાવાદ, સંસ્થાઓમાં વિશ્વાસ અને મિત્રો અને પરિવારનો ટેકો શામેલ છે. ફિનલેન્ડમાં, પોતાના જીવન વિશે સારું અનુભવવા અંગે સર્વસંમતિ વધુ છે. વર્લ્ડ હેપ્પીનેસ રિપોર્ટ 2022-2024 દરમિયાન ગેલપ વર્લ્ડ પોલમાં સરેરાશ સ્વ-રેટેડ જીવન મૂલ્યાંકન અને કેન્ટ્રીલ લેડર પ્રશ્નના જવાબો અનુસાર દેશોને ક્રમ આપે છે.

વિશ્વના 10 સૌથી ખુશ દેશોની યાદી

2) ડેનમાર્ક

3) આઇસલેન્ડ

4) સ્વીડન

5) નેધરલેન્ડ

6) કોસ્ટા રિકા

7) નોર્વે

8) ઇઝરાયલ

9) લક્ઝમબર્ગ

10) મેક્સિકો

ડેનમાર્ક ખૂબ જ ખાસ

ખુશ દેશોની યાદીમાં બીજા ક્રમે રહેલું ડેનમાર્ક એક દાયકા કરતાં વધુ સમયથી વર્લ્ડ હેપ્પીનેસ રિપોર્ટમાં ટોચના 10માં છે. ફિનલેન્ડ અને યાદીમાં રહેલા અન્ય નોર્ડિક દેશોની જેમ, ડેનમાર્કના લોકો ખુશ છે કારણ કે આ દેશ સામાજિક સલામતી, સામાજિક જોડાણો પૂરા પાડે છે. ઉપરાંત, યુવાનો આ સ્થળોએ તેમના જીવન વિશે સારું અનુભવે છે.

આ પણ વાંચો- Google Pay, PhonePe, Paytm યુઝર્સ ધ્યાન આપો! 1 એપ્રિલથી આ મોબાઇલ નંબરો પર UPI નહીં કરે કામ

તમને જણાવી દઈએ કે ડેનમાર્કના લોકો વિશ્વમાં સૌથી વધુ ટેક્સ ચૂકવે છે, તેઓ તેમની આવકનો અડધો ભાગ પણ ચૂકવે છે. પરંતુ આ વાત એ હકીકત દ્વારા પણ સંતુલિત છે કે દેશમાં મોટાભાગની હેલ્થ સર્વિસ ફ્રી છે, ચાઇલ્ડ કેર સબસિડી આપવામાં આવે છે, યુનિવર્સિટીના વિદ્યાર્થીઓ કોઈ ટ્યુશન ચૂકવતા નથી અને અભ્યાસ દરમિયાન ખર્ચને પહોંચી વળવા માટે અનુદાન મેળવે છે. વૃદ્ધોને પેન્શન મળે છે અને તેમને કેર આસિસ્ટન્સ પણ પૂરા પાડવામાં આવે છે.