LOKESH KUMAR NETHERLANDS TEAM: ફૂડ ડિલિવરી બોયની 48 કલાકમાં બદલાઈ કિસ્મત, સીધો World Cupની ટીમ સાથે જોડાયો

LOKESH KUMAR NETHERLANDS TEAM: જ્યારે નસીબ વ્યક્તિની તરફેણમાં હોય છે, ત્યારે તે એકદમ તળિયેથી ઊંચાઈ સુધી પહોંચે છે. ચેન્નાઈમાં ફૂડ ડિલિવરી બોય તરીકે કામ કરતા એક વ્યક્તિ સાથે આવું જ કંઈક થયું હતુ. આ વ્યક્તિના નસીબે એવો વળાંક લીધો કે તે સીધો જ આંતરરાષ્ટ્રીય ક્રિકેટ ટીમના સપોર્ટ સ્ટાફમાં સામેલ થઈ ગયો હતો. આ 29 વર્ષના લોકેશ કુમારની આ વાત છે, જે 48 કલાકની અંદર ફૂડ ડિલિવરી બોયમાંથી આંતરરાષ્ટ્રીય ટીમ સાથે જોડાઈ ગયો હતો.

લોકેશ વર્લ્ડ કપ 2023 માટે નેધરલેન્ડની ટીમ સાથે જોડાયો છે. તે ટીમ સાથે નેટ બોલર તરીકે તાલીમ આપશે અને નેધરલેન્ડના બેટ્સમેનોને અલૂરમાં શરૂ થતા પ્રી-વર્લ્ડ કપમાં સ્પિન બોલિંગનો સામનો કેવી રીતે કરવો તે શીખવશે.

લોકેશ કુમાર 5 વર્ષથી ફૂડ ડિલિવરી બોય તરીકે કામ કરે છે. નેધરલેન્ડની ટીમ નેટ બોલર માટે જાહેરાત લઈને આવી હતી. ડાબા હાથના ફાસ્ટ બોલર બનેલા લોકેશને નેધરલેન્ડની ટીમ મેનેજમેન્ટ દ્વારા લગભગ 10 હજાર બોલરોનું મૂલ્યાંકન કર્યા બાદ પસંદ કરવામાં આવ્યો હતો, જેમણે મોબાઈલ એપ્લિકેશન પર વીડિયો અપલોડ કરીને નેટ બોલર માટે અરજી કરી હતી.

લોકેશે આ વિશે ટાઈમ્સ ઓફ ઈન્ડિયાને જણાવ્યું, “આ મારી કારકિર્દીની સૌથી કિંમતી ક્ષણોમાંની એક છે. હું હજુ સુધી TNCA થર્ડ ડિવિઝન લીગમાં પણ રમ્યો નથી. લોકેશ એક દિવસ પહેલા એટલે કે બુધવારે જ નેધરલેન્ડ ટીમના કેમ્પમાં જોડાયો હતો. તેણે કહ્યું કે હું 4 વર્ષથી પાંચમા ડિવિઝનમાં રમ્યો છું અને વર્તમાન સિઝન માટે ચોથા ડિવિઝનના સંગઠન ઈન્ડિયન ઓઈલ (RO) S&RC માટે નોંધણી કરાવી છે. નેધરલેન્ડ ટીમ દ્વારા નેટ બોલર તરીકે પસંદ થયા બાદ મને લાગે છે કે આખરે મારી પ્રતિભાને ઓળખવામાં આવી છે.