માતા-પિતા માટે ચોંકાવનારો કિસ્સો: માતા ઘરકામ કરતી ને રમતા રમતા બાળકી ગરોળી પકડીને ચાવવા લાગી, સારવાર માટે હોસ્પિટલ ખસેડાઈ

Surat News: જો તમારા ઘરમાં નાના બાળકો છે તો આ સમાચાર તમારા માટે છે. સુરતમાં માતા-પિતા માટે ફરી એકવાર લાલબત્તી સમાન કિસ્સો સામે આવ્યો છે. સુરતના કડોદરા વિસ્તારમાં રમતાં રમતાં 7 મહિનાની બાળકી ગરોળી ચાવી ગઈ હતી. બાળકીની માતા ઘરના કામમાં વ્યસ્ત હતી. માતાએ બાળકીને ગરોળી ચબાવતા જોતા દોડ મૂકી અને બાળકીના મોઢામાંથી ગરોળી કાઢીને ફેંકી દીધી હતી. ત્યારબાદ બાળકીને તાત્કાલિક સારવાર માટે હોસ્પિટલમાં ખસેડવામાં આવી હતી.

કડોદરા વિસ્તારમાં આવેલી નીલકંઠ સોસાયટીમાં 7 મહિનાની બાળકી ગરોળી ચાવવા લાગી ગઈ હતી. એકાઉન્ટન્ટ તરીકે નોકરી કરતા અભિષેકસિંહની 7 મહિનાની દીકરી નિતારા ઘરમાં એકલી રમી રહી હતી. તે દરમિયાન તેમની બાજુમાંથી એક ગરોળી પસાર થતી હતી. બાળકીએ રમતાં રમતાં આ ગરોળીને પકડી લીધી અને સીધી પોતાના મોમાં મૂકી ગરોળીને ચાવવા લાગી હતી. બાળકીની માતા ઘરકામમાં વ્યસ્ત હોવાથી સમગ્ર વાતથી અજાણ હતી., પરંતુ બાળકીના હાથમાં ચવાયેલી ગરોળી જોતાં માતાના હોશ ઊડી ગયા હતા. બાળકીને તાત્કાલિક જ નજીકના દવાખાને લઈ ગઈ હતી. જોકે ગરોળી જેવી ચીજ ચાવી જતા તાત્કાલિક જ વધુ સારવાર અર્થે સુરતની સિવિલ હોસ્પિટલમાં ખસેડવામાં આવી હતી.

આ પણ વાંચો - iPhone SE 4: Apple iPhone 15 પછી લાવી રહ્યો છે વધુ એક નવો ફોન, ભૂલોમાં કરશે સુધાર