Ahmedabad-Bhuj Vande Metro: ભાડું કેટલું હશે, કયા સ્ટેશનો પર સ્ટોપેજ, જાણો અમદાવાદ-ભુજ વંદે મેટ્રોની સંપૂર્ણ વિગતો

Ahmedabad-Bhuj Vande Metro: ભારતની પ્રથમ વંદે મેટ્રો ટ્રેન શરૂ થઈ રહી છે. વડાપ્રધાન નરેન્દ્ર મોદી સોમવારે રેલવેને લીલી ઝંડી આપી રહ્યાં છે. એવા પણ સમાચાર છે કે ઉદ્ઘાટનના કલાકો પહેલા વંદે મેટ્રોનું નામ બદલવામાં આવ્યું છે. હવે તેને નમો ભારત રેપિડ રેલ તરીકે ઓળખવામાં આવશે. આ મેટ્રો ટ્રેનના પ્રવેશથી અમદાવાદ-ભુજ વચ્ચે મુસાફરી કરતા મુસાફરોની મુસાફરી આરામદાયક બનશે.

વંદે મેટ્રોનો રૂટ કેવો હશે?

ભુજ-અમદાવાદ વંદે મેટ્રોનો નંબર 94802 રહેશે. આ ટ્રેન ભુજથી સવારે 5.05 વાગ્યે શરૂ થશે અને સવારે 10.50 વાગ્યે અમદાવાદ પહોંચે તેવી શક્યતા છે. ટ્રેન 5 કલાક 45 મિનિટમાં બંને સ્ટેશનો વચ્ચેનું અંતર કાપશે. આ પછી પરત ફરતી ટ્રેન 94801 અમદાવાદથી સાંજે 5.30 વાગ્યે ઉપડશે અને 11.10 વાગ્યે ભુજ પહોંચશે.

વંદે મેટ્રો સ્ટોપેજ

સ્ટોપેજ- 94802

અંજાર- સવારે 05:34

ગાંધીધામ- સવારે 05:55 કલાકે

ભચાઉ- સવારે 6:36

સામખિયાળી- સવારે 6:54

હળવદ- સવારે 7:55 કલાકે

ધ્રાંગધ્રા- સવારે 8:25 કલાકે

વિરમગામ- સવારે 9:25 કલાકે

ચાંદલોડિયા- સવારે 10:03 કલાકે

સાબરમતી- સવારે 10:15

અમદાવાદ- સવારે 10:50

સ્ટોપેજ- 94801

અમદાવાદ- સાંજે 5:30 કલાકે

સાબરમતી- સાંજે 5:40 કલાકે

ચાંદલોડિયા- સાંજે 5:47 કલાકે

વિરમગામ- સાંજે 6:26 કલાકે

ધ્રાંગધરા- સાંજે 7:19

હળવદ- સાંજે 7:49 કલાકે

સામખિયાળી- રાત્રે 8:55 કલાકે

ભચાઉ- રાત્રે 9:13

અંજાર- રાત્રે 10:18

ભુજ- રાત્રે 11:10 કલાકે

ભાડું કેટલું હશે

મીડિયા રિપોર્ટ્સ અનુસાર, વંદે મેટ્રોનું ન્યૂનતમ ભાડું 30 રૂપિયા છે, જેમાં GST પણ સામેલ છે. ટાઈમ્સ ઓફ ઈન્ડિયા સાથે વાત કરતા, ભારતીય રેલવે અધિકારીઓએ જણાવ્યું કે વંદે મેટ્રોના ભાડા 'સસ્તા' રાખવામાં આવ્યા છે અને તે મુંબઈ લોકલ ટ્રેન નેટવર્કની એસી ટ્રેનોના ભાડા સાથે સરખાવી શકાય છે. આ રેલ સુવિધા સામાન્ય જનતા માટે મંગળવાર, 17 સપ્ટેમ્બરથી શરૂ થશે. આખી મુસાફરી માટે મુસાફરોએ 455 રૂપિયા ચૂકવવા પડશે.

વંદે મેટ્રોનું નામ બદલાયું

રેલવેએ વંદે મેટ્રો ટ્રેનનું નામ તેના ઉદ્ઘાટનના થોડા કલાકો પહેલા જ બદલી નાખ્યું અને તેનું નામ બદલીને 'નમો ભારત રેપિડ રેલ' રાખ્યું. સોમવારે સરકારે આ ટ્રેનનું નામ બદલવાની જાણકારી આપી હતી. આ સાથે મેરઠ અને દિલ્હી વચ્ચે ચાલતી વંદે ભારત ટ્રેનને પણ 'નમો ભારત રેપિડ રેલ' નામ આપવામાં આવ્યું છે.

આ પણ વાંચો - કેરળના મલપ્પુરમ જિલ્લામાં નિપાહ વાયરસના સંક્રમણને કારણે એક વ્યક્તિનું મોત, રાજ્યમાં એલર્ટ